كەشە ءبىر تۋىستىڭ بالاسى ۇيلەنىپ، قوناققا شاقىردى. قالىڭدىق پەن جىگىتى ەكەۋىن تورگە وتىرعىزىپ قويىپتى. كوزىمىز ۇيرەنگەن ادەت قوي. ءبىر جاقسىسى – تويلارى ىشىمدىكسىز ءوتتى. كوزىم قايتا-قايتا جوعارىعا جايعاسقان جاس جۇبايلارعا تۇسە بەردى. ءبىز ءالى ورىستان كورگەنىمىزدى ىستەپ ءجۇر ەكەنبىز. قازاقتىڭ داستۇرىندە قالىڭدىق پەن جىگىت بولەك وتاۋعا بارىپ تۇسەدى. ولاردى كوپشىلىكتىڭ كوز الدىنا اكەپ وتىرعىزىپ قويۋ - ورىستان جۇققان ادەت. «گوركو، گوركو!» دەپ، ەكەۋىن تۋعان-تۋىستارىنىڭ كوزىنشە ءسۇيىسءتىرىپ قوياتىنى دا، ءىشىپ العاندا ۇياتتى «ۇرا» سالاتىن ۇياتسىزداردىڭ ادەتى. ەكەۋى ءبىر ساعاتتاي قوزعالماي وتىردى عوي دەيمىن سول جەردە. جانىم اشىپ كەتتى بايقۇستارعا. اقساقالدار، قۇرمەتتى قوناقتار مەن اكە-شەشەسى ولاردان تومەن وتىر. توردە سولار وتىرۋى كەرەك ەدى عوي نەگىزى. ال جاس جۇبايلار مەن جاستار بولەك وتاۋدا، وزدەرىمەن وزدەرى وڭاشا قالاتىن. قازاقتىڭ تويىنا دا جاڭا كونتسەپتسيا كەرەك سەكىلدى. نە بولماسا، ءداستۇردى جاڭعىرتۋ كەرەك!

جولىمبەت ماكىشتىڭ facebook پاراقشاسىنان

Abai.kz