«اbai.كz»  اقپاراتتىق  پورتالىندا

 2018 جىلعى 28 تامىزدا  جاريالانعان 

"اكىم بولساڭ، بەس مەكتەپ جابىلسا دا

بىلق ەتپەيتىن ءبىزدىڭ ارحيمەدتەي بول!"

اتتى جايبەرگەن  بولاتوۆتىڭ ماقالاسىنا رەسمي جاۋاپ

جايبەرگەن بولاتوۆتىڭ وبلىستىڭ ءبىلىم سالاسىنداعى ماسەلەلەرگە الاڭداۋشىلىق بىلدىرگەنىنە  قۇرمەتپەن  قارايمىز.

وبلىستىق ءبىلىم باسقارماسى باسشىسىنىڭ بارلىق رەسمي سويلەگەن سوزدەرى ۇنەمى باق-تىڭ نازارىنا ۇسىنىلادى. ماقالا جازۋعا پايدالانۋ ءۇشىن ارنايى جىبەرىلەتىنى بەلگىلى.

بىراق، مىنا جاعدايعا بىرقاتار تۇزەتۋلەر ەنگىزۋدى قاجەت دەپ سانايمىز.

كوپتەگەن مەكتەپتەردىڭ سانى ءبىلىم بەرۋ ۇيىمداردىڭ كەپىلدى مەملەكەتتىك نورماتيۆ تورابىنا ساي كەلمەيتىنىن (قر ۇكىمەتىنىڭ قاۋلىسى 21.12.2007 ج. №1256) كەرىسىنشە، سەلولارداعى مەكتەپتى ساقتاپ قالۋ ماسەلەسىنە دەگەن جان-جاقتى ويلاستىرعان بايىپتى ارەكەت ەكەنىن ەسكەرتەمىز . مەكتەپتى جابۋدىڭ الدىندا، ناقتى سەلونىڭ بارلىق پەرسپەكتيۆالارى، مەكتەپ جاسىنا دەيىنگى بالالاردىڭ سانى، ساپالى ءبىلىم بەرۋ قىزمەتىنىڭ مۇمكىندىكتەرى قارالادى.

قر ۇكىمەتىنىڭ كورسەتىلگەن قاۋلىسىنا سايكەس، باستاۋىش مەكتەپتە وقۋشى سانى 5-ەۋدەن كەم بولماۋى كەرەك، نەگىزگى مەكتەپتەردە - 41-دەن، ال ورتا مەكتەپتەردە - 81-دەن كەم بولماۋى لازىم.

2017-2018 وقۋ جىلىنىڭ سوڭىنا تامان وبلىستا مەملەكەتتىك جالپى ءبىلىم بەرەتىن مەكتەپتەردىڭ سانى 514 بولدى، ونىڭ قاتارىندا ءبىلىم بەرۋ ۇيىمداردىڭ كەپىلدى مەملەكەتتىك نورماتيۆ تالابىنا ساي كەلمەيتىنى 115 ەكەنى انىقتالدى.

بيىلعى جىلى جازعى ماۋسىمدا بارلىعى 9 مەكتەپ جابىلدى. بۇل جەردە  اتاپ وتەتىن نارسە، 2018 جىلى 8 تامىزداعى وبلىس اكىمدىگىنىڭ اپپارات جينالىسى وتكىزگەن ساتىندە جابىلعان مەكتەپ سانى 5-ەۋ بولاتىن، ال 22 تامىزدا ءبىلىم قىزمەتكەرلەرىنىڭ وبلىستىق تامىز كونفەرەنتسياسىندا ونىڭ سانى 8-گە جەتتى.

جابىلعان مەكتەپتەردىڭ قاتارىندا – اۋليەكول اۋدانىنداعى  جالتىركول (2 وقۋشى) جانە ءشيلى (1 وقۋشى) باستاۋىش مەكتەپتەرى، قارابالىق اۋدانىنداعى پودگورودسكي بم (1 وقۋشى), قوستاناي اۋدانىنداعى نوۆوسەلوۆ (3 وقۋشى), لەنين (3 وقۋشى), تالاپكەر (3 وقۋشى) بم، قاراسۋ اۋدانىنداعى ماي (4 وقۋشى) بم، فەدوروۆ اۋدانىنداعى جىلاندى (3 وقۋشى) باستاۋىش مەكتەپتەرى بار.

بارلىق جابىلعان مەكتەپتەردىڭ وقۋشىلارىنا جاقىن ماڭايداعى مەكتەپتەرگە كۇندەلىكتى نەمەسە مەكتەپ-ينتەرناتقا اپتا سايىن اپارىپ، الىپ كەلەتىن مۇمكىندىكتەر قاراستىرىلدى.

تاعى دا قايتالاپ ايتساق، مەملەكەتتىك نورماتيۆكە ساي كەلمەيتىن مەكتەپتەر سانى، ول سول نەمەسە باسقا دا سەلونىڭ پەرسپەكتيۆاسى مەن تۇرعىنداردىڭ كوشىپ-قونۋىنا بايلانىستى تۋىنداپ وتىر.

ال ەندى مەكتەپ اۆتوبۋستارىنا كەلەتىن بولساق، جالپى وقۋشىلاردى 139 اۆتوبۋس تاسيتىن بولادى. راس، سارىكول اۋدانىندا بيىل 1 اۆتوبۋس، ال قوستاناي اۋدانىندا 11 ميلليون تەڭگەگە 1 اۆتوبۋس ساتىپ الىندى.

مەملەكەتتىك نورماتيۆكە ساي كەلمەيتىن، بىراق الداعى ۋاقىتتا دامۋ مۇمكىندىگى بار مەكتەپتەردى ساقتاپ قالۋ، سونداي-اق كەزەڭ-كەزەڭمەن اۆتوبۋس پاركىن جاڭارتۋ ءۇشىن بۇگىنگى كۇنگە قوسىمشا 29 اۆتوبۋس قاجەتتىلىگى بەلگىلەنىپ، ونى ىسكە اسىرۋ ءۇشىن كەزەڭدى جوسپار جاسالدى.

سايىپ كەلگەندە، وبلىستاعى ءبىلىم سالاسىنىڭ ماسەلەلەرى، مەملەكەتتىك مەكتەپتەر جۇيەسىن ساقتاۋ، ساپالى ءبىلىم بەرۋ ءۇشىن قولايلى جاعداي جاساۋ باستى مىندەتىمىز بولىپ قالا بەرمەك.

كاتكەنوۆ قۇسايىن امانگەلدىۇلى، قوستاناي وبلىسى اكىمدىگى ءبىلىم باسقارماسىنىڭ باسشىسىنىڭ مىندەتتىڭ اتقارۋشى 

Abai.kz