استانا. 15 ناۋرىز. قازاقپارات /قانات مامەتقازىۇلى/ -بۇگىن قر پارلامەنتى سەناتى اگرارلىق ماسەلەلەر جونىندەگى كوميتەتتىڭ كەڭەيتىلگەن وتىرىسى بولىپ ءوتتى.

جيىن بارىسىندا سەناتورلار  «ەسىرتكى، پسيحوتروپتىق زاتتار، پرەكۋرسورلار جانە ولاردىڭ زاڭسىز اينالىمى مەن تەرىس پايدالانىلۋىنا قارسى ءىس-قيمىل شارالارى تۋرالى» زاڭ جوباسىن تالقىلادى.

ەستەرىڭىزگە سالا كەتەيىك، ءماجىلىستىڭ ماقۇلداۋىنان وتكەن وسى زاڭ جوباسىنا دەپۋتاتتار باستاماشىلىق جاساعان بولاتىن. بۇل رەتتە باستاماشىلار ەسىرتكىنى پايدالانۋدىڭ جاسوسپىرىمدەر اراسىندا كەڭىنەن تارالۋى قوعامنىڭ ۇلكەن الاڭداۋشىلىعىن تۋدىرىپ وتىرعانىن العا تارتىپ، بۇعان قوعام مەن الەۋمەت ءوز ىقپالىن كۇشەيتۋلەرى تيىستىگىن ايتقان ەدى. سونىمەن قاتار، دەپۋتاتتار بۇعان دەيىن ەلىمىزدە حالىق دەنساۋلىعىنا كەرى اسەر ەتەتىن «شوپتىك ميكستەر» ەركىن ساتىلىپ كەلگەنىنە دە الاڭداۋشىلىق بىلدىرەدى. «بۇلار ەسىرتكىمەن اسەرى بىردەي. وتكەن جىلدىڭ 20 قاڭتارىندا ەلىمىزدىڭ باس سانيتارىنىڭ قاۋلىسى بويىنشا «شوپتىك ميكستەردى» ساتۋعا تىيىم سالىندى. الايدا، تىيىم سالۋ شاراسىن بۇزعان ازاماتتارعا ءتيىستى اكىمشىلىك نەمەسە قىلمىستىق جاۋاپكەرشىلىك قاراستىرىلماعان»، - دەيدى زاڭ جوباسىنا باستاماشى بولعان دەپۋتات بەرىك بەكجانوۆ. ونىڭ ايتۋىنشا، زاڭ جوباسىن قابىلداۋ قوسىمشا قارجىلىق-ەكونوميكالىق شىعىندارعا سوقتىرمايدى.

زاڭ جوباسى  پارلامەنت سەناتىنىڭ جالپى وتىرىسىنا شىعارىلاتىن بولدى.

استانا. 15 ناۋرىز. قازاقپارات /قانات مامەتقازىۇلى/ -بۇگىن قر پارلامەنتى سەناتى اگرارلىق ماسەلەلەر جونىندەگى كوميتەتتىڭ كەڭەيتىلگەن وتىرىسى بولىپ ءوتتى.

جيىن بارىسىندا سەناتورلار  «ەسىرتكى، پسيحوتروپتىق زاتتار، پرەكۋرسورلار جانە ولاردىڭ زاڭسىز اينالىمى مەن تەرىس پايدالانىلۋىنا قارسى ءىس-قيمىل شارالارى تۋرالى» زاڭ جوباسىن تالقىلادى.

ەستەرىڭىزگە سالا كەتەيىك، ءماجىلىستىڭ ماقۇلداۋىنان وتكەن وسى زاڭ جوباسىنا دەپۋتاتتار باستاماشىلىق جاساعان بولاتىن. بۇل رەتتە باستاماشىلار ەسىرتكىنى پايدالانۋدىڭ جاسوسپىرىمدەر اراسىندا كەڭىنەن تارالۋى قوعامنىڭ ۇلكەن الاڭداۋشىلىعىن تۋدىرىپ وتىرعانىن العا تارتىپ، بۇعان قوعام مەن الەۋمەت ءوز ىقپالىن كۇشەيتۋلەرى تيىستىگىن ايتقان ەدى. سونىمەن قاتار، دەپۋتاتتار بۇعان دەيىن ەلىمىزدە حالىق دەنساۋلىعىنا كەرى اسەر ەتەتىن «شوپتىك ميكستەر» ەركىن ساتىلىپ كەلگەنىنە دە الاڭداۋشىلىق بىلدىرەدى. «بۇلار ەسىرتكىمەن اسەرى بىردەي. وتكەن جىلدىڭ 20 قاڭتارىندا ەلىمىزدىڭ باس سانيتارىنىڭ قاۋلىسى بويىنشا «شوپتىك ميكستەردى» ساتۋعا تىيىم سالىندى. الايدا، تىيىم سالۋ شاراسىن بۇزعان ازاماتتارعا ءتيىستى اكىمشىلىك نەمەسە قىلمىستىق جاۋاپكەرشىلىك قاراستىرىلماعان»، - دەيدى زاڭ جوباسىنا باستاماشى بولعان دەپۋتات بەرىك بەكجانوۆ. ونىڭ ايتۋىنشا، زاڭ جوباسىن قابىلداۋ قوسىمشا قارجىلىق-ەكونوميكالىق شىعىندارعا سوقتىرمايدى.

زاڭ جوباسى  پارلامەنت سەناتىنىڭ جالپى وتىرىسىنا شىعارىلاتىن بولدى.