ىشكى ىستەر مينيسترلىگىنىڭ قىزمەتكەرى «جيحاديستەر» ءىسى قارالىپ جاتقاندا قۇجاتتارعا ايران توگىپ جىبەردى. بۇل جاعداي الماتى قالاسى جەتىسۋ اۋدانى №2 اۋداندىق سوتىندا بولعان. بۇل تۋرالى ادۆوكات گۇلنار جۋاسپاەۆا facebook-تەگى پاراقشاسىندا دا جازدى.

جەتىسۋ اۋدانىنىڭ №2 اۋداندىق سوتىندا «جيحاديستەر» ىسىنە قاتىستى قىلمىستىق  ماتەريالدارمەن تانىسقان كەزدە، سول جەردەگى  سي-18 تەرگەۋ مەكەمەسىنىڭ قىزمەتكەرى (كونۆوي) ءۋاليxان جوراباي  ءوز وكىلەتتىگىن اسىرا پايدالانىپ،  ايىپتالۋشى المات جۇماعۇلوۆتىڭ قورعاۋشىسىن سوت زالىنا كىرگىزبەي قويعان. الايدا، قورعاۋشىنىڭ تەرگەۋ جۇمىسىنا قاتىسۋ تۋرالى سوت شەشىمىن كورسەتكەندە عانا ساباسىنا تۇسكەن.

جانە ايىپتالۋشى جۇماعۇلوۆ گاستريتپەن اۋىراتىن بولعاندىقتان، وزىنە قاجەتتى ءسۇت ءونىمىن الىپ كەلگەن. الايدا، كونۆوي ءۋاليحان جوراباي ايىپتالۋشىنىڭ قولىنداعى ايرانىنا جارماسىپ، تارتىپ الماق بولعاندا قورعاۋشى گۇلنار جۋاسپاەۆانىڭ تانىسىپ وتىرعان ءىس-قاعازدارى مەن كيىمىنە توگىلىپ كەتكەن.

ءۋاليحان جوراباي

نەگىزىنەن، ءۋاليحان جورابايدىڭ بۇل قىزمەتتە جۇرگەنىنە ءبىر-اق جىل بولىپتى. سوندا، ءىىم ولار جاس مامانعا قىزمەتتىك ەتيكادان بۇرىن اركىمگە ءبىر دىكەڭدەۋدى ۇيرەتە مە؟ اۋرۋ ادامنىڭ قولىنداعى ايراندى تارتىپ الىپ، نە ىستەمەك؟ جوق، الدە كونۆوي جيحاديستەر ىسىنە وسى ارقىلى كەدەرگى كەلتىرۋدى ادەيى جوسپارلاعان با؟

جالپى، وسى سالاداعى كەز-كەلگەن قىزمەتكەردىڭ ءجۇرىس-تۇرىسىنان، سويلەۋ مانەرىنەن حالىقتىڭ قورعاۋشىسى ەمەس، قورلاۋشىسىنىڭ ءىس-ارەكەتى ءجيى بايقالادى. ويتكەنى ولاردى وسىنشا تايراڭداتىپ قويعان ادىلەتسىز جۇيە بار. سول جۇيەدەن حالىق تا قاجىپ ءبىتتى. قىزمەتىن ەندى باستاپ جاتقان جورابايلار وسىلاي قوقاڭداسا، شەنى جوعارىلاردان كىشىپەيىل مىنەز كۇتۋ بەكەر شىعار.

ءسىز نە دەيسىز؟

نۇربيكە بەكسۇلتانقىزى

Abai.kz