اسەت يسەكەشەۆ قر پرەزيدەنتى اكىمشىلىگىنىڭ باسشىسى بولىپ تاعايىندالدى
اسەت يسەكەشەۆ قر پرەزيدەنتى اكىمشىلىگىنىڭ باسشىسى بولىپ تاعايىندالدى. بۇل تۋرالى اقوردانىڭ ءباسپاسوز قىزمەتى حابارلادى.
مەملەكەت باسشىسىنىڭ جارلىعىمەن قر پرەزيدەنتى اكىمشىلىگىنىڭ باسشىسى بولىپ اسەت ورەنتايۇلى يسەكەشەۆ تاعايىندالدى.
اسەت يسەكەشەۆ بۇگىنگە دەيىن استانا قالاسى اكىمى قىزمەتىن اتقارعان-دى. ال، قر پرەزيدەنت اكىمشىلىگىنىڭ جەتەكشىسى بولىپ ادىلبەك جاقسىبەكوۆ قىزمەت ەتكەن بولاتىن.
ايتا كەتسەك، اسەت يسەكەشەۆ 1971 جىلدىڭ 17 تامىزىندا تۋعان.
1994 جىلى ءال-فارابي اتىنداعى قازمۇۋ-ءدىڭ زاڭ فاكۋلتەتىن بىتىرگەن.
1998 جىلى قازاقستان رەسپۋبليكاسىنىڭ پرەزيدەنتى جانىنداعى جوعارى مەملەكەتتىك باسقارۋ مەكتەبىن اياقتادى.
قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىندە، قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىندە جۇمىس ىستەدى.
Abai.kz
