قازاقستاننىڭ يران يسلام رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى. بۇل تۋرالى اقوردانىڭ ءباسپاسوز قىزمەتى حابارلادى.

"باعدات قۇلتايۇلى امىرەەۆ باسقا جۇمىسقا اۋىسۋىنا بايلانىستا قازاقستان رەسپۋبليكاسىنىڭ يران يسلام رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى", - دەلىنگەن حابارلامادا.

پرەزيدەنتتىڭ جارلىعىمەن باعدات امىرەەۆ تۇركى تىلدەس ەلدەرى ىنتىماقتاستىق كەڭەسىنىڭ باس حاتشىسى بولىپ تاعايىندالدى.

باعدات امىرەەۆ  1959 جىلى 1 ناۋرىزدا وڭتۇستىك قازاقستان وبلىسىنىڭ سوزاق اۋدانىندا دۇنيەگە كەلدى. دۋشانبە مەملەكەتتىك ۋنيۆەرسيتەتىنىڭ شىعىستانۋ فاكۋلتەتىن تامامداعان. 1981-1996 جىلدارى يەمەن، ليۆان مەملەكەتتەرىندە ءتىلماش، قازاق مەملەكەتتىك ۋنيۆەرسيتەتىنىڭ (قازىرگى ءال-فارابي اتىنداعى قازاق ۇلتتىق ۋنيۆەرسيتەتى) وقىتۋشىسى، سىرتقى ىستەر مينيسترلىگىنىڭ باسقارما باستىعى، يراك مەملەكەتىندە ءتىلماش قىزمەتتەرىن اتقارعان.

1996-2002 جىلدارى قازاقستان رەسپۋبليكاسىنىڭ ساۋد ارابياسى، كۋۆەيت، ومان، كاتار، باحرەين مەملەكەتتەرىندەگى، ەگيپەت اراب رەسپۋبليكاسىنداعى توتەنشە جانە وكىلەتتى ەلشىسى، سيريا اراب رەسپۋبليكاسىنداعى، ماروككو كورولدىگىندەگى توتەنشە جانە وكىلەتتى ەلشىسى مىندەتىن قوسا اتقارۋشى بولعان.

2011 جىلدان باستاپ قازاقستان رەسپۋبليكاسىنىڭ يران يسلام رەسپۋبليكاسىنداعى توتەنشە جانە وكىلەتتى ەلشىسى قىزمەتىن اتقارعان.

Abai.kz