استانا. 19 ناۋرىز. قازاقپارات - قازاق اقپارات اگەنتتىگى رەسپۋبليكالىق باسىلىمداردا 19 ناۋرىز، سەنبى كۇنى شىققان وزەكتى ماتەريالدارعا شولۋدى ۇسىنادى.

***

«ەگەمەن قازاقستان» گازەتىنىڭ جازۋىنشا، كەشە ەلباسى ن.نازارباەۆ اقتوبە وبلىسىنا جۇمىس ساپارىمەن كەلدى. «شۇكىر، وڭىردە مەملەكەت باسشىسىنا «بىزدەردە مىناداي بار، مىناداي بار» دەپ كورسەتەتىندەي تابىستار دا جەتكىلىكتى. وتكەن جىلى ونەركاسىپ ءونىمىنىڭ كولەمى 951,1 ملرد. تەڭگە بولدى، بۇل ونىڭ الدىنداعى جىلمەن سالىستىرعاندا 255,9 ملرد. تەڭگەگە كوپ. 2010 جىلى قاراستىرىلعان 24 جوبانىڭ ىسكە قوسىلۋى بارىسىندا 109,8 ملرد. تەڭگە ينۆەستيتسيا يگەرىلىپ، 5,4 مىڭ جۇمىس ورنى اشىلدى»، - دەپ جازادى باسىلىم. ماقالا «وركەندى ىستەر، ومىرشەڭ باستامالار» دەگەن تاقىرىپپەن بەرىلگەن.

***

استانا. 19 ناۋرىز. قازاقپارات - قازاق اقپارات اگەنتتىگى رەسپۋبليكالىق باسىلىمداردا 19 ناۋرىز، سەنبى كۇنى شىققان وزەكتى ماتەريالدارعا شولۋدى ۇسىنادى.

***

«ەگەمەن قازاقستان» گازەتىنىڭ جازۋىنشا، كەشە ەلباسى ن.نازارباەۆ اقتوبە وبلىسىنا جۇمىس ساپارىمەن كەلدى. «شۇكىر، وڭىردە مەملەكەت باسشىسىنا «بىزدەردە مىناداي بار، مىناداي بار» دەپ كورسەتەتىندەي تابىستار دا جەتكىلىكتى. وتكەن جىلى ونەركاسىپ ءونىمىنىڭ كولەمى 951,1 ملرد. تەڭگە بولدى، بۇل ونىڭ الدىنداعى جىلمەن سالىستىرعاندا 255,9 ملرد. تەڭگەگە كوپ. 2010 جىلى قاراستىرىلعان 24 جوبانىڭ ىسكە قوسىلۋى بارىسىندا 109,8 ملرد. تەڭگە ينۆەستيتسيا يگەرىلىپ، 5,4 مىڭ جۇمىس ورنى اشىلدى»، - دەپ جازادى باسىلىم. ماقالا «وركەندى ىستەر، ومىرشەڭ باستامالار» دەگەن تاقىرىپپەن بەرىلگەن.

***

«ايقىن» گازەتىنىڭ ءداستۇرلى «اق سويلە!» ايدارىندا استانا قالالىق تىلدەردى دامىتۋ باسقارماسىنىڭ باستىعى ورازكۇل اسانعازىمەن اراداعى سۇحبات «ناۋرىزدىڭ ماڭىزى ارتىپ، جاڭا جىلدىڭ ءمانى تومەندەپ كەلەدى» دەگەن تاقىرىپپەن بەرىلدى. باسىلىم ءتىلشىسىنىڭ بارلىق ساۋالدارىنا تۇششىمدى جاۋاپ بەرگەن ول: «تاۋەلسىزدىكتىڭ 20 جىلدىعىنا ارالاس مەكتەپتەردى قازاق مەكتەپتەرىنە اينالدىرا الساق، بۇل ۇلكەن جاقسىلىقتىڭ باسى بولار ەدى. ول ءورىستىلدى مەكتەپ پە، نەمىستىلدى مەكتەپ پە، ءبىرىنشى باسشىلارى مەملەكەتتىك ءتىلدى ەركىن مەڭگەرگەن ازامات بولۋى ءتيىس. سەبەبى مەكتەپتەر - مەملەكەتتىك مەكەمەلەر. قاي مەكتەپ بولماسىن، ول قازاقستان مەملەكەتىنىڭ قارجىسىنا جۇمىس ىستەپ جاتىر»، دەپتى.

«ءساۋىر ايىنىڭ 3 جۇلدىزىنا جوسپارلانعان قر پرەزيدەنتىنىڭ كەزەكتەن تىس سايلاۋىنا دەنساۋلىعىنا بايلانىستى قاتىسا المايتىن قازاقستان ازاماتتارىنىڭ كونستيتۋتسيالىق قۇقىقتارى شەكتەلمەيدى. سەبەبى سايلاۋ كامپانياسىنىڭ مۇشەلەرى ولاردىڭ داۋىستارىن ۇيلەرىنەن الىپ كەتەدى»، - دەپ جازادى «ايقىن» گازەتى. باسىلىمنىڭ اتاپ وتۋىنشە، ەڭ باستىسى، سايلاۋشى سايلاۋ كۇنى تۇنگى ساعات 12-گە دەيىن ءوز ۋچاسكەسىنە حابارلاسىپ، ناۋقاستانىپ قالعاندىعىن جەتكىزۋى ءتيىس. وسىلاي بولعان جاعدايدا ماماندار سايلاۋشىنىڭ ۇيىنە بارىپ، قالاعان كانديداتىنا داۋىس بەرۋ شارالارىن وتكىزەدى. ال شەت مەملەكەتتەردە ەلىمىزدىڭ 14 مىڭ ازاماتى داۋىس بەرەدى.

***

«الاش ايناسى» گازەتىنىڭ تۇراقتى «دات!» ايدارىندا حالىقارالىق تۇركى اكادەمياسىنىڭ پرەزيدەنتى، فيلولوگيا عىلىمىنىڭ دوكتورى، پروفەسسور شاكىر ىبىراەۆپەن اراداعى سۇحبات «ناۋرىز كەلگەندە جەر بەتىن نۇر شالادى» دەگەن ۇعىم يسلامنان الدەقايدا بۇرىن پايدا بولعان» دەگەن تاقىرىپپەن بەرىلگەن. «ناۋرىز مەرەكەسى ارقىلى حالقىمىزدىڭ سالت-ءداستۇرىن، ادەت-عۇرپىن، ادامداردىڭ ءبىر-بىرىنە دوستىق قارىم-قاتىناسىن  دارىپتەۋىمىز كەرەك. ياعني، ناۋرىزدىڭ جاقسىلىقتى، مولشىلىقتى ناسيحاتتايتىن ەسكى استارىن تۇسىنۋگە ءتيىسپىز»، - دەيدى عالىم.

وسى باسىلىمنىڭ جازۋىنشا، كەشە پارلامەنت ماجىلىسىندە حالىق قالالۋلىلارى مەن پالاتانىڭ اپپارات قىزمەتكەرلەرى ناۋرىز مەيرامىنا بايلانىستى مەرەكەلىك شارا ۇيىمداستىرىپ، ۇلىستىڭ ۇلى كۇنىن سالتاناتتى جاعدايدا اتاپ ءوتتى.  جيىن بارىسى مەرەكەلىك شاعىن كونتسەرتتىك باعدارلاماعا ۇلاسىپ، سوڭىنان ماجىلىسمەندەر ناۋرىز داستارقانىنان ءدام تاتىپ، كوجەسىنەن اۋىز ءتيىپ تارقاستى.

***

«كەشە سەنات توراعاسى قاسىم-جومارت توقاەۆ بەلارۋس رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ۆالەري برىلەۆتى قابىلدادى»، - دەپ جازادى «كازاحستانسكايا پراۆدا» گازەتى. باسىلىمنىڭ اتاپ وتۋىنشە، ەكىجاقتى قاتىناستاردى ودان ءارى نىعايتۋ ماسەلەلەرى بويىنشا پىكىر الماسۋ بارىسىندا تاراپتار قازاقستان مەن بەلارۋستىڭ ءوزارا ءىس-قيمىلى قارقىندى دامىپ كەلە جاتقانىن اتاپ ءوتتى جانە پارلامەنتارالىق قۇرامداعى بايلانىستاردى ودان ءارى بەلسەندىلەندىرۋدى جاقتايتىندارىن ايتتى.