گەنا ءبىرىنشى كەزدەسۋدە دە جەڭىلگەن بولاتىن. ول جەردە تورەشىلەر ادىلەتسىزدىك تانىتىپ تەڭ ناتيجە تىركەي سالدى. وسى جولى گەناعا جەڭىس بەرۋگە ەش مۇمكىندىك تابا المادى. قارسىلاسى مىقتى، ونى مويىنداۋ كەرەك.

قارسىلاسى جاس، فيزيكالىق تۇرعىدا مىقتى، ءارى تاجىريبەسى مول. ءويتىپ دولىلىقپەن جىرتىلۋدىڭ قاجەتى شامالى. گەناعا قۇلدىق قىلاتىنداردىڭ مويىنداماۋلارى دا تابيعي زاڭدىلىق، و جاعىن دا تۇسىنۋگە بولادى. بىرىنشى كەزدەسۋدە جەڭىستى گەناعا بەرگەندە ەشكىم "ادىلەتسىزدىك قىلدى، تورەشىنى ساتىپ العان" دەگەنى سياقتى مياۋلاماپ ەدى. وسى جولى ساۋل الۆارەسكە ەسە جىبەرگەننەن كەيىن "گەنا، سەن بىزگە ءبارىبىر چەمپيونسىڭ، الۆارەس دوپينگ ىشكەن، ءبارىن ساتىپ العان" دەپ جالا جاۋىپ ەل شۋلاپ قويا بەردى. ادىلەتسىز ەلدىڭ حالقى قايدان ادىلەتتى بولسىن! جانە جەڭىلگەن ادامنىڭ جانكۇيەرلەرىنىڭ ءسوزى قۇرىسىن!

گەنانىڭ جانكۇيەرلەرىنىڭ پىكىرلەرىنە باعا بەرۋدىڭ، وعان سەنۋدىڭ ەش قاجەتتىلىگى جوق! ونداي پىكىرلەر تۇككە تۇرعىسىز، ەسەكتىڭ اقىرعانىنا كىم عاشىق؟ سەبەبى، سىرتتان تون پىشكەن جانكۇيەرلەردىڭ ءبارى ءادىل-قازى القاسى ەمەس، ءبارى بوكسشى ەمەس، ءبارى تورەشى ەمەس قوي. اتا-اناسىنا، ەل-حالقىنا، ۇرپاقتارىنا دۇعا قىلا المايتىنداردىڭ گەناعا دۇعا قىلۋى قۇلدىق سانانىڭ تەرەڭ تامىر جايعانى دەپ ءبىلۋ قاجەت.

قۇلعا قوجايىنى مىڭ جەردەن شالىس باسسا دا قوجايىن بولىپ قالا بەرمەك. گەنا ءۇشىن قايعىرىپ، قارا جامىلىپ، جوقتاۋ ايتىپ، كوڭىل ايتىپ الەۋمەتتىك جەلىنى شۋلاتۋ سورلى قازاقتىڭ قازىرگى دەڭگەيىن ودان بەتەر پاش ەتتى. قۇلدىق ساناداعىلاردىڭ كوزدەرى ابدەن جەتكەن بولار. وسىلاي بولاتىنىن ءبىلدىم جانە وسى كەزدەسۋدى كۇتتىم! گەنا مىقتى ەمەس، گەنادان مىقتى جاساپ جۇرگەندەر وعان قۇل بولعان قۇلسانالار!

قايتسىن ەندى، بارى دا، وزدەرىنىڭ قولدارىنان ول دا كەلمەيدى، سوندىقتان قيقۋلاعاننان باسقا نە ءبىتىرسىن! الۆارەس ءبارىبىر مىقتى! مىقتىنى مويىنداۋ دا مىقتىلىق بولار ەدى، بىراق ءبىز سول باياعى اپەرباقاندىقپەن ەل بولا الماي كەلە جاتقان جايىمىز بار!

ادىلەت شىنبولات

Abai.kz