ەلىمىزگە ەسىمدەرى جالىندى جارلارىمەن جاقسى تانىس ەلوردالىق قوس شايىر - ۇلاربەك دالەيۇلى مەن باۋىرجان قاراعىزۇلى بىزگە جەدەل حات جولدادى. اشىنعان اقىنداردىڭ جانايقايى جانىمىزدى جىلاتتى. جۇرەگىمىزدى اۋىرتتى. ءسوزدىڭ ءمانى تومەندەگىدەي...

- ءبىز استانا قالاسىنىڭ جولاۋشىلار تاسىمالدايتىن «تەمىر تۇلپار» جشس-نا قاراستى №46 (مەملەكەتتىك № Z 446 CO) اۆتوبۋسقا كوپپەن بىرگە تالاسا مىندىك. تاڭەرتەڭگى قاربالاس. ءسال اشىلعان تەرەزەدەن جاڭا كەلگەن كوكتەم اۋاسىن قۇشىرلانا جۇتىپ، تۋرا تاۋەلسىزدىك مونۋمەنتىنىڭ الدىنان ءوتىپ بارامىز. كەنەت...

كەنەت الدىڭعى جاقتان ساقىلداي كۇلگەن بوتەن داۋىسقا جالت قاراستىق. ءتىلى مەن تاناۋىنا تەمىردەن تۇيمە تاققان، سامايى قايسى، توبەسى قايسى اجىراتۋعا كەلمەيتىن، جاڭا ءداۋىر موداسىمەن  البا-جۇلبا كيىنگەن قىز بەن جىگىت اۆتوبۋس قابىرعاسىن قولدارىمەن نۇسقاپ الدەنەنى كەلەكە ەتىپ تۇر. جەلىككەن جاستار عوي دەپ باستابىندا ءمان بەرمەدىك. تۇرىنە قاراپ تۋرا قاي ۇلتتىڭ تۋماسى ەكەنىن اجىراتۋعا كەلمەيتىن الگى ەكەۋىنىڭ جىرتاقاي كۇلكىسى، جارىقشاق داۋىسى نازارىمىزدى بولە بەرگەسىن توپ ادامنىڭ ورتاسىن جارىپ ءوتىپ سولاي بەتتەدىك.

بىردەمەنى تاعى دا نۇسقايدى، تاعى دا ىرجاقتايدى. باجايلاپ قاراپ ەدىك، جۇرەگىمىز تاس-توبەمىزگە شىقتى.

سۇمدىق-اي!

ەلىمىزگە ەسىمدەرى جالىندى جارلارىمەن جاقسى تانىس ەلوردالىق قوس شايىر - ۇلاربەك دالەيۇلى مەن باۋىرجان قاراعىزۇلى بىزگە جەدەل حات جولدادى. اشىنعان اقىنداردىڭ جانايقايى جانىمىزدى جىلاتتى. جۇرەگىمىزدى اۋىرتتى. ءسوزدىڭ ءمانى تومەندەگىدەي...

- ءبىز استانا قالاسىنىڭ جولاۋشىلار تاسىمالدايتىن «تەمىر تۇلپار» جشس-نا قاراستى №46 (مەملەكەتتىك № Z 446 CO) اۆتوبۋسقا كوپپەن بىرگە تالاسا مىندىك. تاڭەرتەڭگى قاربالاس. ءسال اشىلعان تەرەزەدەن جاڭا كەلگەن كوكتەم اۋاسىن قۇشىرلانا جۇتىپ، تۋرا تاۋەلسىزدىك مونۋمەنتىنىڭ الدىنان ءوتىپ بارامىز. كەنەت...

كەنەت الدىڭعى جاقتان ساقىلداي كۇلگەن بوتەن داۋىسقا جالت قاراستىق. ءتىلى مەن تاناۋىنا تەمىردەن تۇيمە تاققان، سامايى قايسى، توبەسى قايسى اجىراتۋعا كەلمەيتىن، جاڭا ءداۋىر موداسىمەن  البا-جۇلبا كيىنگەن قىز بەن جىگىت اۆتوبۋس قابىرعاسىن قولدارىمەن نۇسقاپ الدەنەنى كەلەكە ەتىپ تۇر. جەلىككەن جاستار عوي دەپ باستابىندا ءمان بەرمەدىك. تۇرىنە قاراپ تۋرا قاي ۇلتتىڭ تۋماسى ەكەنىن اجىراتۋعا كەلمەيتىن الگى ەكەۋىنىڭ جىرتاقاي كۇلكىسى، جارىقشاق داۋىسى نازارىمىزدى بولە بەرگەسىن توپ ادامنىڭ ورتاسىن جارىپ ءوتىپ سولاي بەتتەدىك.

بىردەمەنى تاعى دا نۇسقايدى، تاعى دا ىرجاقتايدى. باجايلاپ قاراپ ەدىك، جۇرەگىمىز تاس-توبەمىزگە شىقتى.

سۇمدىق-اي!

اللام-اۋ، ەندى كورسەتپەگەنىڭ وسى ما ەدى دەپ ءبىر-بىرىمىزگە قاراستىق. جىلاپ جىبەرۋگە شاق قالدىق. ءبىر جاعىنان اناۋ «شاتالاردىڭ» كەلەمەجى جانىمىزعا باتىپ بارادى. سويتسەك، اۆتوبۋستىڭ الدىڭعى قابىرعاسىنا جاپسىرىلعان قر مەملەكەتتىك تۋى قايىرشى كەمپىردىڭ ەتەگىندەي البا-جۇلبا جالبىراپ تۇر. ەسكىرگەن تۇرىنە قاراپ، ۇزاقتان بەرى وسىنداي كۇيگە تۇسكەنى كوزگە ۇرادى. اشۋعا مىندىك. «سلەدۋيۋششايا وستانوۆكا - شامشي كالداياكوۆا» دەپ ورىسشا وزانداعان كوندۋكتوردىڭ داۋىسىنا ىلەسە انالار جىرقىلداي كۇلىپ، ءتۇسىپ كەتە باردى.

ءبىز نە ىستەرىمىزدى بىلمەي جان-جاعىمىزعا قارادىق. سەلت ەتكەن پەندە جوق. وتىرعانداردىڭ ءبارى قازاق. كەيبىرەۋلەرى ءبىزدىڭ كۇيگەلەك كۇيىمىزدى كورىپ كەكەتە جىميادى.

ياپىر-اي، دەستىك.

كوكتەم جاڭبىرىندا بۇرىشتا بۇرسيگەن جەتىمدەي جالبىراپ سۇرى قاشقان كيەلى تۋىمىزدى قالتا تەلەفونىمىزعا ءتۇسىرىپ الىپ، كوندۋكتوردى شاقىردىق. اشىنعان جايىمىزدى ايتىپ، تۋدى قورلاماي الىپ تاستاۋىن وتىندىك. ول بيشارا يىعىن وقىرا جەگەن وگىزدەي قوقاڭ ەتكىزىپ، ورىسشا كۇڭكىلدەپ بۇرىلىپ كەتە باردى.

قازاقتىڭ عاسىرلاپ قان كەشىپ ءجۇرىپ  تىككەن تۋىنىڭ ءبىر ەمەس، ەكى ەمەس، ءۇش ەمەس، قايتا-قايتا قورلانۋى - ءبىزدىڭ جۇرەگىمىزدەن قارا قان اعىزدى.

«ءبىز وسى تۇرىمىزبەن ەل بولا الار ما ەكەنبىز؟..» دەگەن كۇدىكپەن «بايتەرەك» مونۋمەنتى الدىنان ءبىز دە ءتۇسىپ كەتە باردىق...

«اباي-اقپارات»