«نۇر وتان» پارتياسى جۇمىسىن جاڭعىرتۋ ماقساتىندا جۇزەگە اسىرىپ جاتقان جاڭا 22 جوبا قازاقستاندىقتاردىڭ ءومىرى مەن تۇرمىسىن جاقسارتۋى ءتيىس. بۇل تۋرالى پارتيا حاتشىسى تامارا دۇيسەنوۆا اقتوبە قالاسىندا ءوتىپ جاتقان «باستاۋىش پارتيا ۇيىمدارىنىڭ» سوڭعى ايماقتىق فورۋمىندا ايتتى.

اقتوبەدەگى القالى جيىندا ماڭعىستاۋ، اتىراۋ، باتىس قازاقستان جانە اقتوبە وبلىستارىنان جينالعان 200-دەن استام پارتيالىقتار باستاۋىش پارتيا ۇيىمدارىنىڭ قىزمەتىن جانداندىرۋعا ارنالعان تۇجىرىمداما جوباسىن تالقىلادى.

فورۋم بارىسىندا پارتيا مۇشەلەرى پارتيانىڭ بارلىق قىزمەتىن تسيفرلاندىرۋعا، پارتيا مۇشەلەرىنىڭ بىرىڭعاي بازاسىن قۇرىپ، قۇجات اينالىمىن قىسقارتۋعا جانە پارتيا قىزمەتىنىڭ تيىمدىلىگىن ارتتىرۋعا باعىتتالعان «ساندىق پارتيا» جوباسىمەن تانىستى.

- ەلباسى، پارتيا توراعاسى نۇرسۇلتان ءابىشۇلى نازارباەۆ پارتيامىزدىڭ تۇرلەنۋ جونىندە جاڭعىرۋ ماسەلەسىن قويعان بولاتىن. سوندىقتان ءبىزدىڭ بۇگىنگى كەزدەسۋىمىز پارتيامىزدىڭ جۇيەلى جاڭعىرۋىنا بايلانىستى بولىپ وتىر. جاڭا جوبالار – بىركۇندىك اكتسيا نەمەسە كەڭسەلىك شارالار ەمەس، پارتيا مۇشەلەرىنىڭ ەڭبەگى، ناتيجەسىندە قازاقستاندىقتاردىڭ ءومىرى مەن تۇرمىسى جاقسارۋى ءتيىس، - دەپ اتاپ ءوتتى «نۇر وتان» پارتياسىنىڭ حاتشىسى تامارا دۇيسەنوۆا.

بۇگىندە ەلباسى پارتياسى تسيفرلاندىرۋ، رۋحاني جاڭعىرتۋ، شاعىن جانە ورتا بيزنەستى دامىتۋ، كاسىبي كادرلىق رەزەرۆتى قالىپتاستىرۋعا باعىتتالعان جوبالاردى جۇزەگە اسىرۋدى قولعا العان.

جوبالار شارتتى تۇردە ىشكى جانە سىرتقى جوبالارعا بولىنگەن. ىشكى جوبالار پارتيانىڭ جۇمىسىن جانداندىرۋعا ارنالعان جوبالار، بيزنەس پروتسەسستەردى وڭتايلاندىرۋعا باعىتتالعان. مىسالى، تسيفرلىق پارتيا، كادرلىك رەزەرۆ جانە ت.ب. جوبالار. سىرتقى جوبالار قوعامعا كومەك بەرۋگە ارنالعان. سولاردىڭ قاتارىندا «بالالارعا ارنالعان تەگىن ءىت-سىنىپتار» جوباسى شەڭبەرىندە 8-16 جاس ارالىعىنداعى بالالاردى باعدارلامالاۋ جانە روبوتوتەحنيكانى فاكۋلتاتيۆتى تەرەڭدەتىپ وقىتۋ ۇيىمداستىرىلادى. وسى جوبا رۋحاني جاڭعىرۋدىڭ «تۋعان جەر» باعدارلاماسى اياسىندا ىسكە اسىرىلۋدا. جالپى 2020 جىلعا دەيىن تەگىن 1000 ءىت-سىنىپتار اشىلادى دەپ جوسپارلانعان.

تسيفرلاندىرۋ بويىنشا ەكىنشى جوبا - «ءىت ماماندارىن وقىتۋ» اقپاراتتىق تەحنولوگيالار سالاسىندا بىلىكتى ماماندار پۋلىن قالىپتاستىرۋعا باعىتتالعان. جوبا 2020 جىلعا دەيىن قازاقستاندىق IT-كومپانيالار مەن ايماقتىق ۋنيۆەرسيتەتتەر بازاسىندا 20 IT-ورتالىقتارىنىڭ اشىلۋىن كوزدەيدى، بۇل جىلىنا شامامەن 35 مىڭ ادامدى، سونىڭ ىشىندە جۇمىسسىزدار مەن ءوزىن-ءوزى جۇمىسپەن قامتىعان جاستاردى وقىتۋعا مۇمكىندىك بەرەدى. IT-تۇلەكتەرىن جۇمىسقا ورنالاستىرۋعا «اتامەكەن» كاسىپكەرلەر پالاتاسى تاراپىنان كومەك بولادى.

بيزنەس – ۇلتتىق ەكونوميكانىڭ قوزعاۋشى كۇشى. سوندىقتان پارتيا وسى جۇمىستى كۇشەيتۋ ءۇشىن، بيزنەستى دامىتۋعا ارنالعان جوبالاردى قولعا الۋدا.

ادامدار كوبىنەسە پارتيانىڭ فيليالدارىنا كەلىپ، كوممەرتسيالىق ماقساتتا جەر تۋرالى اقپاراتتىڭ اشىق ەمەستىگىنە، رۇقسات الۋ ۋاقىتىنىڭ بىرنەشە ايعا سوزىلۋ فاكتىلەرىنە ءجيى شاعىمدانادى. «بيزنەستىڭ گەواقپاراتتىق ونلاين – سەرۆيسى» پارتيالىق جوباسى وسى ماسەلەلەردى شەشۋگە باعىتتالعان. بۇل سەرۆيس - بيزنەسكە قاجەتتى اقپاراتتى ءبىر جەردەن الۋعا مۇمكىندىك بەرەدى. مىسالى بوس تۇرعان جەر ۋچاسكەلەرى، اۋكتسيوندار جانە ولارعا قويىلاتىن تالاپتاردى ءبىر عانا اقپارات كوزىنەن الا الادى. «نۇر وتان» وسى جۇمىستى قوعامدىق باقىلاۋدا ۇستايدى، ۇكىمەتپەن بىرلەسىپ بىرىككەن ونلاين جۇيە قۇرۋ جولىندا.

Abai.kz