سوڭعى ۋاقىتتا ەلىمىزگە ينۆەستيتسيا سالعان شەتەلدىك كومپانيالاردىڭ كەيبىر قىزمەتكەرلەرى،  قازبا بايلىعىمىزعا ابدەن تويىنعاسىن قازاقستان ازاماتتارىنا ءجونسىز بايلانىسىپ،  ۇرىنۋلارى ءجيى كەزدەسۋدە.  بىلتىر استانادا ابۋ-دابي كەشەنىندە ۇندىلىك ازامات ەش سەبەپسىز قازاقستان ازاماتىن ۇرىپ تاستاعان ەدى، ودان كەيىن اقتوبەدە  قىتايلىق ازامات پوليتسيا قىزمەتكەرلەرىنە كۇش كورسەتىپ، ەلىمىزدىڭ زاڭدارىنا باعىنباعان-دى. ەندى جۋىردا  الماتىدا ەگدە جاستاعى جەدەل جاردەم كولىگىنىڭ جۇرگىزۋشىسىن  تۇركيا ازاماتى جازىقسىز ساباپ تاستاپ كەيىن كەشىرىم سۇرادى.

ەلىمىزگە كەلىپ تايراڭداپ،  قازاقستان حالقىنا جازىقسىز ۇرىنىپ تالتاڭداپ جۇرگەن شەتەلدىكتەرگە ءوز ۇندەۋىمدى جاريالاپ، ەل مەن جەردىڭ يەسىن سىيلاۋدى تالاپ ەتەمىن.

ەي، كەلىمسەك، تيىسپە قازاعىما!

ەي، كەلىمسەك!
قىتاي، اراب، تۇرىك، ءۇندى
ارداقتا، ەلىمە كەلسەڭ الاشىمدى!
ءار قازاق - مەنىڭ جالعىزىم!
قۇرمەتتە، ەلىمە كەلسەڭ قازاعىمدى!
جانىمىز - ارىمىزدىڭ ساداعاسى
ۇلتىم ءۇشىن ەڭ باستىسى ارى قۇندى.

ەي، كەلىمسەك!
تيىسپە قازاعىما!
كونبەس سەنىڭ باسىنعان مازاعىڭعا.
حالقىمنىڭ نامىسىن تاپتاساڭ،
ەلىڭگە كوشىرەدى قاس-قاعىمدا.
بايلىقتى بىرگە جەپ بولىسكەن
بيلىك بولار، مۇمكىن سەنىڭ جاعىڭدا.
ۇلتىمنىڭ رۋحى ەگەر ويانسا،
قاراماس əسكەر مەنەن جاساعىنا .

ەي، كەلىمسەك!
تايراڭداما، باسىنبا!
ۇلتىم سەنى شىعارمايدى باسىنا.
ەلىڭنەن كەلگەندە توز-توز بولىپ،
سۇمىرەيىپ ءجۇرۋشى ەدىڭ باسىندا.
جەرىمنىڭ بايلىعىنا تويىنىپ،
كوزىڭدى شەل باسىپ، ەندى تاسىنبا!
جۇرە الماساڭ ۇلتىمدى سىيلاماي.
ەلىڭدى تاپ، امان-ەسەن شاعىڭدا!

ەي، كەلىمسەك!
قازاعىم مەنىڭ قوناقجاي،

قۇشاعىن جايار بارىنە

حالقىم مەنىڭ اڭقىلداق،
سۇيرەيدى ءبəرىن تورىنە.
الاشىم مەنىڭ باۋىرمال،
كوتەرەدى ءبəرىن كوگىنە.

قوناعىنا جالعىز اتىن سويىپ بەرىپ،
كارسى الار، دومبىرامەن توگىلتە.
ۇلت-ۇلىسقا ەشكىمدى بولمەيدى،
قارامايدى ءتىل-ءدىنى مەن تۇرىنە.
ور قازىپ تيىسسەڭ قازاققا،
ءوزىن كومەر، ءوزى قازعان كورىنە.
جوسىقسىز تيىسپەيدى قاسقىردا،
ۇقساسپىز سول سەبەپتى بورىگە.

تالعات قاتاۋوۆ

Abai.kz