"پرەزيدەنت ەكىجاقتى قارىم-قاتىناستى جاقسارتۋعا تىرىستى، بىراق ءبىز قازىرگى كەزدە ونداي جەتىستىككە جەتە المادىق", – دەپ مويىندادى مەملەكەتتىك حاتشى.
ول اقش پەن رەسەيدىڭ كەيبىر ماسەلەلەر بويىنشا مۇددەلەرى سايكەس كەلگەنىمەن، ەكى ەلدىڭ قۇندىلىقتارى مۇلدەم بولەك دەپ اتاپ ءوتتى.
امەريكالىق باس ديپلوماتتىڭ مالىمدەمەسى مەمدەپارتامەنت سانكتسيالىق تىزىمگە 33 رەسەيلىك جەكە جانە زاڭدى تۇلعانى ەنگىزگەننەن كەيىن، قىتايعا رەسەيدەن سۋ-35 ۇشاعى مەن س-400 زەنيت-زىمىران كەشەنىن ساتىپ العانى ءۇشىن سانكتسيا ەنگىزگەننەن كەيىن شىقتى.
"قارا تىزىمگە" ەنگەن رەسەيلىكتەردىڭ دەنىنىڭ ارنايى قىزمەتپەن بايلانىسى بار دەلىنەدى. ولاردىڭ ىشىندە بارلاۋ قىزمەتىنىڭ وفيتسەرلەرى مەن "ينتەرنەت-زەرتتەۋ اگەنتتىگىنىڭ" مۇشەلەرى بار. سونىمەن بىرگە "وبورونلوگيستيكا" مەن كومسومولسك -نا-امۋرە قالاسىنداعى ۇشاق شىعاراتىن زاۋىت باسشىلارى دا سانكتسيالىق تىزىمگە كىرگەن.
Abai.kz
