قورعانىس جانە قاۋىپسىزدىك ماسەلەلەرىن تالدايتىن Jane's 360 سايتى تمد ەلدەرى ىشىنەن قازاقستان Y-8F200W ۇشاعىن ءبىرىنشى بولىپ قولدانعالى جاتىر دەپ حابارلايدى.
بىرقاتار باق-تىڭ جاۋىنشا، ۇلتتىق گۆاردياعا ء(ىىم قۇرامىنا كىرەدى) تيەسىلى بولاتىن ۇشاق 26 قىركۇيەكتە استانا اۋەجايىنا قونادى. Y-8F200W بازالىق نۇسقاسىنان 2,2 مەترگە ۇزىن. ول دايىندالماعان ۇشىپ-قونۋ جولدارىن پايدالانا الادى ءارى اسكەر قىزمەتكەرلەرى مەن جابدىقتاردى تاسۋعا ارنالعان.
قىتاي اسكەري ۇشاعىن قانشا اقشاعا العانى جونىندە اشىق اقپارات جوق. بىراق بىلتىر جەلتوقسان ايىندا قازاقستان ىشكى ىستەر مينيسترلىگىندە وتكەن وتىرىستا مينيستر قالمۇحانبەت قاسىموۆ يگەرىلمەگەن 16 ملرد 95 ملن تەڭگە (47 ملن دوللار شاماسىندا) قىتايعا اسكەري ۇشاق ساتىپ الۋ ءۇشىن جۇمسالادى دەگەن.
قىتايدان قازاقستانعا اسكەري ۇشاق جىبەرىلەتىنى جايىندا قىركۇيەك ايىنىڭ باسىندا قىتايدىڭ اسكەري كەڭەسىنىڭ توراعا ورىنباسارى سيۋي تسيلياننىڭ استاناعا ساپارى كەزىندە ءمالىم بولدى. باتىس اقپارات قۇرالدارى سيۋي تسيلياننىڭ ورتالىق ازياعا ساپارى جايىندا بەيجىڭ ايماقتاعى قاۋىپسىزدىك ماسەلەسىن كۇشەيتىپ جاتىر دەپ جازدى. قازاقستاندا سيۋي تسيليان سەنات سپيكەرى قاسىم-جومار توقاەۆپەن جانە قورعانىس ءمينيسترى نۇرلان ەرمەكباەۆپەن كەزدەستى.
Abai.kz
