قازاقستان رەسپۋبليكاسى پرەزيدەنتى اكىمشىلىگىنىڭ جانە الماتى قالاسى ءماسليحاتىنىڭ كەلىسىمىمەن المالى اۋدانىنىڭ اكىمى بولىپ بەكقالي تورعاەۆ تاعايىندالدى. ءوز كەزەگىندە التاي راحىمبەتوۆ بوستاندىق اۋدانىنىڭ اكىمى اتاندى، دەپ حابارلايدى اباي-اقپارات الماتى اكىمىنىڭ رەسمي سايتىنا سىلتەمە جاساپ.

الماتى اكىمدىگىندە ولاردى تانىستىرۋ كەزىندە باۋىرجان بايبەك اۋدانداردىڭ تاعايىندالعان اكىمدەرىنىڭ قىزمەتتىك ءوسۋ جولدارىنىڭ بارلىق ساتىلارىنان وتكەندەرىن جانە قالا پروبلەمالارىن جاقسى بىلەتىندىكتەرىن اتاپ ءوتتى. ولاردىڭ الدىنا ءپرينتسيپتى جانە تۇراقتى قاداعالاۋدى تالاپ ەتەتىن ءبىرىنشى كەزەكتەگى مىندەتتەر قويىلدى.

«اۋدانداردىڭ جاڭا اكىمدەرى اباتتاندىرۋ، جاسىلداندىرۋ جۇمىستارىن ودان ءارى جالعاستىرۋعا، كوشەلەردى جوندەۋگە، عيماراتتاردىڭ ارحيتەكتۋرالىق كەلبەتتەرىنە ايرىقشا نازار اۋدارعاندارى ءجون. تۇكش-تى مودەرنيزاتسيالاۋ اياسىندا ۇيلەردى جوندەۋدى جالعاستىرىپ، «ەسكى تۇرعىن ءۇي» باعدارلاماسىن مىقتاپ قولعا الۋلارى ءتيىس»، - دەدى قالا اكىمى.

اۋدان اكىمدەرىنە ءبىلىم جانە دەنساۋلىق ساقتاۋ باسقارمالارىمەن بىرىگىپ مەكتەپتەردەگى وقۋشى ورىندارىنىڭ جەتىسپەۋى مەن ەمحانالارداعى سىرقاتتار تىعىزدىعى ماسەلەسىن شەشۋ تاپسىرىلدى.

ايتا كەتەرلىگى، المالى اۋدانىنىڭ جاڭا اكىمى بەكقالي تورعاەۆ 5 جىلدان استام ۋاقىت اۋەزوۆ اۋدانىندا وسى قىزمەتتى اتقاردى. 2015 جىلدىڭ اقپانىنان باستاپ بوستاندىق اۋدانىنىڭ اكىمى اتاندى.

ءۇش جىل ىشىندە اۋداندا سالىق ءتۇسىمى 22%-عا، شاعىن جانە ورتا كاسىپورىندار سانى 12%-عا، نەگىزگى كاپيتال ينۆەستيتسياسى 28%-عا ارتتى. 13 مىڭنان استام جاڭا جۇمىس ورنىدارى اشىلدى، 1,3 ملن. كۆ.م. تۇرعىن ءۇي ىسكە قوسىلدى، اۋلالاردىڭ 47%، جەر استى وتپەلى جولداردىڭ بارلىعى جوندەلدى.

ءوز كەزەگىندە بوستاندىق اۋدانىنىڭ جاڭا اكىمى التاي راحىمبەتوۆ ەڭبەك جولىن 1995 جىلى الماتى قالاسى ەكولوگيا باسقارماسىنىڭ مامانى رەتىندە باستادى. قورشاعان ورتانى قورعاۋ سالاسىندا 20 جىل بويىنا ەڭبەك ەتتى، سونىڭ ىشىندە الماتى قالاسى تابيعاتتى رەتتەۋ باسقارماسىنىڭ باسشىسى دا بولدى. 2015 جىلدىڭ اقپانىنان اۋەزوۆ اۋدانىنىڭ اكىمى.

وسى ۋاقىت ىشىندە سالىق ءتۇسىمى 74%-عا، بولشەك ساۋدا اينالىمى 60%-عا، ينۆەستيتسيا 40%-عا ارتتى، 15 مىڭنان استام جاڭا جۇمىس ورنى قۇرىلدى. 6 مەملەكەتتىك جانە 60 جەكە بالا باقشالار اشىلدى.

Abai.kz