ەندى بىزدەگى جاعدايدى قالاي تۇسىنەمىز؟.. مىسالى، قازاقستانداعى xالىقتىڭ باسىم بولىگى اۋىلدا، ورتا تاپ ەندى قالىپتاسىپ جاتىر. شتانگا كوتەرەتىن يليا يلين ءوز ويىن ايتا الادى دا، قاراپايىم دارىگەر، مۇعالىم، تاكسيست ءوز پىكىرىن ايتۋعا قۇقىعى جوق پا؟ نەمەسە مەيرامبەك بەسپاەۆتىڭ پىكىرىن اتاعى ءۇشىن تىڭداپ، ەشكىم تانىمايتىن عالىمنىڭ، كۇزەتشىنىڭ پىكىرىنە "تى كتو تاكوي؟" دەپ شەكەسىنەن قاراپ جاۋاپ بەرەمىز بە؟ ءبىز ادامداردى بايلىعى مەن بەدەلىنە، قولىنداعى بيلىگىنە قاراپ پىكىرىن تىڭدايتىن بەيشارا xالىقپىز با؟ ءوز ازاماتتارىن دەڭگەيگە ءبولىپ پىكىرىن تىڭدايتىن مەملەكەت قۇرىپ جاتىرمىز با؟..

مەنىڭ ويىمشا قازاقستاننىڭ ازاماتى ءارى جۇمىس ىستەپ سالىق تولەپ وتىرعان اركىمنىڭ ءوز ويىن ايتۋعا، بيلىكتىڭ ساياساتىمەن كەلىسەتىنىن نە كەلىسپەيتىنىن اشىق تۇردە جازۋعا قۇقىلى. "سەن ءوزىڭ كىمسىڭ؟ نەگە جەتتىڭ؟" دەگەن ادامنىڭ دارەجەسىنە، اتاعىنا، بايلىعىنا قاراپ تىڭدايتىن مەنتاليتەتتى تاستاۋ كەرەك. ول مۇعالىم، ول دارىگەر، ول مەملەكەتكە سالىعىن تولەپ وتىرعان قازاقستاننىڭ ازاماتى. ال، سەن ءوزىڭ كىمسىڭ بىرەۋگە دارەجەسىنە قاراپ ءسوز بەرەتىن، سويلەۋگە بولاتىن نە بولمايتىن ادام ەكەنىن شەشەتىن؟.. ءوز ازاماتىن سىيلامايتىن مەملەكەت، قوعام قۇرىپ جاتساق وندا xالىققا اشىعىن ايتايىق. "سەندەر اقشاڭ، بيلىگىڭ نە GGG سەكىلدى اتاعىڭ بولماسا جۇرگەن ءبىر قاپشىق ەتسىڭدەر. سونداي مەملەكەت قۇرىپ جاتىرمىز. قاراپايىم، كوپتىڭ ءبىرى ءارى جاي عانا مەكەمە قىزمەتكەرى بولساڭ پىكىرىڭنىڭ كوك تيىنعا قاجەتى جوق. ءبىر كۋسوك ەتسىڭدەر. باسقا ەشكىم ەمەسسىڭدەر" دەپ ەلگە جاريالاۋ قاجەت.

كۇشتىنىڭ ارتى ديىرمەن تارتاتىن زامان ءوتتى. قازىر XXI عاسىر. ەلدىڭ كوزى اشىق زاماندا اركىم ءوز ويىن اشىق ايتۋعا ەرىكتى. "سەن ءوزىڭ كىمسىڭ؟ تى كتو تاكوي؟" دەپ وتكەن عاسىردىڭ اڭگىمەسىن ايتۋ ۇيات. ساۋاتسىزدىق پەن مادەنيەتتىڭ تومەندىگىنىڭ كورىنىسى.

باۋىرجان سەرىكباەۆتىڭ facebook پاراقشاسىنان

Abai.kz