ەلىمىز گرۋزياعا كاۋچۋك، اليۋميني جانە مىس ەكسپورتتايدى. ەكى ەلدىڭ ساۋدا پالاتالارى ىنتىماقتاستىق تۋرالى مەموراندۋمعا قول قويدى. قازىرگى ۋاقىتتا وتاندىق كومپانيا وسى ەلگە كوپىرشىكتەلگەن كاۋچۋك جەتكىزۋ تۋرالى كەلىسسوز جۇرگىزۋدە. بۇل تۋرالى 24.kz حابارلادى.

سونداي-اق شەتەلدىك كاسىپكەر «KazMinerals» كومپانياسىنان اليۋميني مەن مىس ساتىپ الۋعا قىزىعۋشىلىق تانىتىپ وتىر. ايتا كەتەيىك، ەلىمىز گرۋزيندەرگە مۇناي، ازوتتى تىڭايتقىشتار، توڭازىتىلعان بالىق، ءدارى-دارمەك ەكسپورتتايدى. ال، گرۋزيادان شاراپ، مينەرالدى سۋلار، مەتالل قۇبىرلارى، ۆاكتسينالار مەن ءسۇت يمپورتتالادى. وسى جىلى قوس ەل اراسىنداعى سىرتقى ساۋدا اينالىمى 67%-عا ءوسىپ،  77 ملن اقش دوللارىن قۇرادى. ەلىمىز اشىق ءتۇستى مۇنايدى رەسەي ارقىلى ەكسپورتتايتىن بولدى.

بۇل تۋرالى ماسكەۋدە وتكەن «رەسەي ەنەرگەتيكالىق اپتالىعى» حالىقارالىق فورۋمدا بەلگىلى بولدى.  وندا قوس ەلدىڭ ۇكىمەتتەرى اراسىنداعى قازاقستانعا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى كەلىسىمگە وزگەرىستەر ەنگىزۋ تۋرالى ۇكىمەتارالىق حاتتاماعا قول قويدى.

ايتا كەتەيىك، بۇگىندە ەلىمىزدە اشىق ءتۇستى مۇناي ونىمدەرىن تاسىمالداۋعا تيىم سالىنعان. ەندى قوسا قۇجاتقا سۇيەنە وتىرىپ،  قازاقستانداعى جاڭعىرتىلعان مۇناي وڭدەۋ زاۋىتتارىندا شىعارىلعان اشىق ءتۇستى مۇناي ونىمدەرىن ەكسپورتتاۋعا مۇمكىندىك تۋىپ وتىر. ۇلتتىق ستاندارتتارعا سايكەس، قازاقستاندا ءاربىر 50 شاقىرىم سايىن جانار-جاعارماي قۇيۋ بەكەتىن نەمەسە شاعىن تاماقتانۋ پۋنكتىن سالۋ كوزدەلىپ وتىر. ينۆەستيتسيالار جانە دامۋ مينيسترلىگى جول بويىنداعى بۇرىنعى نىسانداردى رەتكە كەلتىرۋمەن قاتار، جاڭا نىسانداردى سالۋعا باسىمدىق بەرمەك. قازىرگى تاڭدا جول بويىنداعى سەرۆيستەرگە ەرەكشە نازار اۋدارىلىپ وتىر. بۇل رەتتە اتالمىش سەرۆيستەردىڭ قىزمەتىن ساپالى دەڭگەيگە شىعارۋعا ماڭىز بەرىلەدى.

تۇگەندەۋ قورىتىندىسى بويىنشا رەسپۋبليكالىق جەلىدە 1900 نىسان بارىن انىقتادىق. ءبىرىنشى جارتىجىلدىقتىڭ قورىتىندىسى بويىنشا 780 نىسان \42 پايىزى\ ۇلتتىق ستاندارتتارعا ساي كەلەتىنى بەلگىلى بولدى. جىل سوڭىنا دەيىن ۇلتتىق ستاندارتتارعا سايكەس كەلەتىن نىسانداردىڭ سانىن 850-گە \45 پايىزعا\ جەتكىزۋ كوزدەلۋدە. ۇلتتىق بانك «بانكپەن ەرەكشە قاتىناسى بار تۇلعالارعا جەڭىلدىك جاساۋعا تىيىم سالۋ ماسەلەلەرى تۋرالى» قاۋلى جوباسىن ازىرلەدى. قۇجات ەلەكتروندى ۇكىمەت سايتىندا جاريالانادى. وندا، اكتسيونەرلەر مەن ولاردىڭ تۋىستارى ءۇشىن كەپىلسىز نەسيەنىڭ ماكسيمالدى مولشەرى كورسەتىلگەن. قارجى ۇيىمىمەن جاقىن قارىم-قاتىناسى بار تۇلعالارعا مەنشىكتى كاپيتالدىڭ 0,2 پايىز مولشەرىندە بەرىلەدى.

الايدا قارىز سوماسى 20 مملليون تەڭگەدەن اسپاۋى ءتيىس. ەكىنشىدەن قارجى ينستيتۋتتارى ديرەكتورلار كەڭەسى مۇشەلەرىنە جانە ونىڭ بەدەلدى ۇلەسكەرلەرىنە بەرىلەتىن نەسيە مەنشىكتى كاپيتالدىڭ 0,2% مولشەرىندە بولادى. ال ەلىمىزدە تۇڭعىش رەت «ءال حيليال» يسلام بانكى» يپوتەكا بەرە باستادى. جاڭا جوبا استانا، الماتى مەن شىمكەنت قالالارىنىڭ تۇرعىندارىنا قولجەتىمدى. ولار باسپانا الۋ ءۇشىن، بۇرىن العان يپوتەكانى قايتا قارجىلاندىرۋ ماقساتىندا قازىردەن ءوتىنىش بەرە الادى.  يسلام يپوتەكاسىنىڭ باستى قۇرالى مۋراباحا ءداستۇرلى پايىزدىق مولشەرلەمەنىڭ جوقتىعىمەن ەرەكشەلەنەدى، سەبەبى شاريعاتتا بۇعان تىيىم سالىنعان.

يپوتەكا قۇرىلىمى مىناداي: بانك تۇرعىن ءۇي ساتىپ الادى دا، ونى كليەنتكە ۇستەمە باعامەن ءبولىپ تولەۋگە بەرەدى، ۇستەمە باعانى كليەنت الدىن الا بىلەدى جانە قارجىلاندىرۋ بارىسىندا ول تۇراقتى بولادى. مۇنىڭ نەگىزى اشىقتىق جانە پايدا: كليەنت تۇرعىن ءۇيدىڭ اقىرعى باعاسىن ناقتى بىلەدى.

Abai.kz