ءبىزدىڭ قوعامىمىزدا بۇگىندە قوعامدىق تەلەارنا قۇرۋ جونىندەگى يدەيا ۇلتتىق پىكىرگە ۇلاسۋدا. بىراق، «ايتاسىڭ دا قوياسىڭ» دەگەندەي كۇي كەشۋدەمىز. «بىرەۋ زاڭ كەرەك» دەيدى، ەندى بىرەۋ «قارجى كوزى كەرەك» دەيدى، ايتەۋىر، ناشار بيشىگە نە بولسا، سونىڭ كەدەرگى بولاتىنىنداي احۋالدامىز. شىن مانىندە، قوعامدىق تەلەارنانىڭ بولۋى ەلدەگى ساياسي ىرىقتىڭ كورىنىسى بولىپ تابىلادى، دالىرەگى، ەلدىڭ شىنايى دەموكراتيالىق الەۋەتىن ايگىلەيدى. وسىنداي اقپارات قۇرالى ارقىلى بىرجاقتى ەمەس، قوعامدىق الۋان پىكىردىڭ ءبىر ساراپقا ءتۇسىپ، ونىڭ ءبىر تاراپقا اينالاتىنداي ۇلتتىڭ مۇمكىندىگى پايدا بولماق. سوندا عانا حالىقتىڭ ساناسىن اركىم ءار جاققا تارتا المايتىنداي جانە ونىڭ اتىنان ويعا كەلگەنىن ىستەيتىندەي بىلىقتار جويىلماسا دا، ازايادى.
ەندەشە، وسى جولدا بىزگە نە كەدەرگى بولىپ وتىر؟ بيلىكتى ايتپاعاندا، قوعامدىق وي-پىكىردىڭ باسكەرى رەتىندە تانىلعان تۇلعالارىمىزدىڭ پىكىرى جوعارىداعىداي. شىن مانىندە بۇعان زاڭ دا، قارجى كوزىنىڭ جوقتىعى دا كەدەرگى ەمەس. ورىندالمايتىن زاڭنان، ونىڭ بولماعانى جاقسى. ال، قارجى كوزى دەگەنىمىز  حالىق! قانەكي، ساناپ كورەيىك، ەلدەگى ورتاشا جالاقى مولشەرى  45000 تەڭگەدەي.

ءبىزدىڭ قوعامىمىزدا بۇگىندە قوعامدىق تەلەارنا قۇرۋ جونىندەگى يدەيا ۇلتتىق پىكىرگە ۇلاسۋدا. بىراق، «ايتاسىڭ دا قوياسىڭ» دەگەندەي كۇي كەشۋدەمىز. «بىرەۋ زاڭ كەرەك» دەيدى، ەندى بىرەۋ «قارجى كوزى كەرەك» دەيدى، ايتەۋىر، ناشار بيشىگە نە بولسا، سونىڭ كەدەرگى بولاتىنىنداي احۋالدامىز. شىن مانىندە، قوعامدىق تەلەارنانىڭ بولۋى ەلدەگى ساياسي ىرىقتىڭ كورىنىسى بولىپ تابىلادى، دالىرەگى، ەلدىڭ شىنايى دەموكراتيالىق الەۋەتىن ايگىلەيدى. وسىنداي اقپارات قۇرالى ارقىلى بىرجاقتى ەمەس، قوعامدىق الۋان پىكىردىڭ ءبىر ساراپقا ءتۇسىپ، ونىڭ ءبىر تاراپقا اينالاتىنداي ۇلتتىڭ مۇمكىندىگى پايدا بولماق. سوندا عانا حالىقتىڭ ساناسىن اركىم ءار جاققا تارتا المايتىنداي جانە ونىڭ اتىنان ويعا كەلگەنىن ىستەيتىندەي بىلىقتار جويىلماسا دا، ازايادى.
ەندەشە، وسى جولدا بىزگە نە كەدەرگى بولىپ وتىر؟ بيلىكتى ايتپاعاندا، قوعامدىق وي-پىكىردىڭ باسكەرى رەتىندە تانىلعان تۇلعالارىمىزدىڭ پىكىرى جوعارىداعىداي. شىن مانىندە بۇعان زاڭ دا، قارجى كوزىنىڭ جوقتىعى دا كەدەرگى ەمەس. ورىندالمايتىن زاڭنان، ونىڭ بولماعانى جاقسى. ال، قارجى كوزى دەگەنىمىز  حالىق! قانەكي، ساناپ كورەيىك، ەلدەگى ورتاشا جالاقى مولشەرى  45000 تەڭگەدەي.
ەگەر ءاربىر جۇمىسى بار ازامات ءوزىنىڭ جالاقىسىنىڭ ايىنا ءبىر-اق پايىزىن (450 تەڭگە عانا) وسى ورتاق تەلەارناعا بەرۋگە دايىن بولسا، ەلدەگى جۇمىسقا جارامدى 7 ميللوننان اي سايىن 3 ميلليارد 150 ميلليون تەڭگە، ياعني 26 ميلليون 033 058 اقش دوللارى جينالماق! جىلىنا 312 ميلليون 396 694 اقش دوللارى تۇسەتىن بيۋدجەت قۇرالماق! بۇل قازاقستاندا وتە جاقسى ساپالى جانە بىلىكتى تەلەارنا جاساقتاۋعا بولاتىنداي قارجى. ەگەر ءبىر جىل ءوز قالتامىزدان ۇستاۋعا شىداساق، ودان ءارى بۇل تەلەارنا وزىنە ءوزى-اق قارجى تابادى، ءتىپتى، بيلىك تە ۇيالعاننان اقشا ۇسىنادى. دەمەك، ماسەلە ازاماتتىق قوعامنىڭ ساياسي ىرقىندا.
بىزگە، ياعني حالىققا، قازىر ناتيجەسى ءدۇدامال بولاتىنداي، كونستيتۋتسيانى جۇلمالاۋ جوباسىنان گورى، ەلگە قوعامدىق تەلەارنانى جاساقتاۋعا ارنالعان شارانىڭ ناتيجەسى مول! ءتىپتى، ونى بىردەن حالىقتىق اكتسيونەرلىك قوعام ەتىپ قۇرۋعا دا مۇمكىندىك بار جانە ونىڭ اكتسياسىن شۇپىرلەتىپ تۇرىپ ساتىپ الۋعا - حالىق دايىن. ويتكەنى، قازىر جۇرت ءوز ءسوزىن جەتكىزە الماي قور بولۋدا جانە مۇنداي حالىقتىق باق-تىڭ كەرەك ەكەنىن وتە جاقسى ۇعىپ وتىر. ءسويتىپ، بۇل ارقىلى مەملەكەتتىك قازىرگى قۇندى قاعاز يدەولوگياسى دا وزىنەن ءوزى ءجۇرىپ كەتەرى ءسوزسىز.
نەدەن باستاۋ كەرەك؟  ەڭ اۋەلى، قوعامعا ىقپالى بار، ءسوزى ءتۇزۋ ازاماتتاردان قۇرىلعان قوعامدىق توپ قۇرۋ كەرەك. بۇل توپ الگى تەلەارنانىڭ تۇجىرىمداماسىنىڭ جوباسىن جانە ونى قۇرۋ مەن ەنگىزۋدىڭ العىشارتىن جاساۋمەن اينالىسادى. ايتالىق، 9 ادامنان تۇراتىن بۇل توپقا 3 تاۋەلسىز جۋرناليست، 3 بيلىكتىڭ ادامى جانە 3 قوعام، ونەر قايراتكەرى ەنسە جەتكىلىكتى. قوعامدىق تەلەتوپ قۇرامىن پارلامەنت ماقۇلداپ، پرەزيدەنت جارلىعىمەن بەكىتىلۋى ونىڭ جۇمىسىنا بارىنشا جول اشار ەدى. سوندا ءبىز ەبروپانىڭ الدىندا دا، ءوزىمىزدىڭ الدىمىزدا دا كىم ەكەنىمىزدى تولىق اشامىز. سوندا ءبىز اينالادا بولىپ جاتقان الۋان ءتۇستى توڭكەرىستەر مەن باسقا دا ىركىلىستەردى اينالىپ ءوتۋ مۇمكىندىگىنە يە بولامىز. الايدا، مۇنى ءپىسىرۋ ءۇشىن ەل بويىنشا قوعامدىق باستاماشىلاردىڭ پىكىرىن توعىستىرىپ، ۇدەرىستى ورنىنان قوزعايتىن شارالار كەرەك. ونى وقىرماننىڭ، ياعني بولاشاق قوعامدىق تەلەارنانىڭ كورەرمەنى ايتار.

«اباي-اقپارات»