ءتول سوزىنە قاتىستى
كەشە ءبىر سۋرەتكە ءماتىن دايىندادىق. "اشارشىلىق جىلدارى تۋعان ءتول" دەگەن ءسوزىمىزدى سىناعان اعايىن كوپ بولدى-اۋ. قازاقتىڭ ۇلتتىق ءتىلى اگرارلىق، ونىڭ ىشىندە مال شارۋاشىلىعىنا نەگىزدەلگەندىكتەن، ادەيى جازاتىن ويىمىز جوق، ۇعىمىمىزدا بۇرىننان بار ءسوزدى قولدانا قويۋىمىز كوپتىڭ شامىنا تيگەن سەكىلدى. بۇل قۇبىلىسقا قاراپ وتىرىپ، جاقىن جىلدارى اعايىن "قۇلىنىم", "قوشاقانىم", "بوتام" دەگەن ۇلتتىق كولوريتتى سوزدەردى ايتۋدان قاشاتىن بولادى. ۇمىتا باستايتىن بولادى، ءتىپتى ۇمىتۋدى باستاپ تا كەتتى. "مەنىڭ بالام مالدىڭ تۇلىگى ەمەس", "ستراننو، "قۇلىنىم" دەيدى" دەگەن جاڭا قازاقتار قاپتاپ شىقپاسىنا كىم كەپىل!
ۇلتىمىزدا ء"تولباسى" دەگەن ۇعىم بار. تۇڭعىش ۇلدى وسىلاي دارالايدى، كەم بوپ قالعان ەشتەڭەسى جوق. ستاليندىك رەپرەسسيانىڭ ءزابىرىن ءبىر كىسىدەي تارتقان قالامگەر جايىق بەكتۇروۆ دەگەن اقساقال وتكەن ومىردەن. ء"ۇش الەكەم" دەگەن سۋپەر ماقالاسى جانە باسقا دا تىڭ دۇنيەلەرى باسىلعان كىتابىن "ەنەدەن ەرتە ايىرىلعان ءتول سەكىلدى" دەپ اتادى. سوندا ول ءتول تۋرالى جازعان با؟ جوق. ارىستار جايلى باس بارماقتى شوشايتىپ تۇرىپ كورسەتەتىندەي مىناۋسكي كىتاپ ول.
قوش، سونىمەن بۇل الەۋمەتتىك جەلىنى شۋلاتپاي-اق قويايىن ءارى ءوزىم دە ارتىق كەتىپ قالدىم با دەگەن ويمەن الگى قىزىق سۋرەتتىڭ ءماتىنىن ءىشىنارا تۇزەپ شىقتىم. باس سىنعان جوق، كوز شىققان جوق. ءبارى دۇرىس.
زاڭعار كارىمحاننىڭ Facebook-تەگى پاراقشاسىنان
Abai.kz
