جانىبەك مۇمكىندىگى شەكتەۋلى جانداردى تاسىمالدايتىن ارنايى تاكسيمەن كۇندەگىشە جۇمىسقا تاعى دا ەرتەرەك كەلدى. جانى كوپشىلىكتى قالايدى. ءومىرىنىڭ بار قيىندىعىن جۇمىسى عانا سەيىلتەتىن سياقتى. ول «ازاماتتارعا ارنالعان ۇكىمەت» مەملەكەتتىك كورپوراتسياسى اتىراۋ وبلىستىق فيليالىنىڭ قالالىق №1 حالىققا قىزمەت كورسەتۋ ورتالىعىندا مامانى.

1989 جىلى ومىرگە كەلگەن جانىبەك بەگەجانۇلى 2014 جىلى بەل ومىرتقاسىنا زاقىم كەلگەنىنىڭ سالدارىنان ارباعا تاڭىلعان بولاتىن.

شىدا، شىدا،

شىداي ءتۇس، شىدا تاعى

شىدامدىنى مىنا ءومىر ۇناتادى.

ءۇمىتتىڭ قۇلان يەك قۇلا تاڭى،

ايتەۋىر ءبىر اتادى، ءبىر اتادى...

وكىنبە، وكپەلەمە، بۇگىنىڭە،

ءومىر، ءومىر!

بولمايدى تۇڭىلۋگە،

ماڭگى سەنى جازباعان سۇرىنۋگە،

قايتا تۇرىپ، قاقىڭ بار جۇگىرۋگە,- دەپ اقيىق اقىن مۇقاعاليدىڭ جىرىن جانىنا سەرىك ەتكەن كەيىپكەرىمىز ءان سالعاندى ۇناتادى.

«باعىمدى سىناپ، تەست تاپسىرىپ كورگەنمىن، ءبارى وڭىنان بولىپ، جۇمىسقا ورنالاستىم. بۇل دا ءبىر مەنىڭ تاعدىرىمنىڭ قيىن تۇستارىندا، مۇگەدەكتىكپەن كۇرەسۋدىڭ بىردەن-ءبىر جولى رەتىندە، ورتامەن ارالاسۋعا ۇلكەن ءبىر موتيۆاتسيا بولعانداي قاتتى قۋاندىم. ارينە، باسىندا قىزىق سياقتى كورىندى، كەيىننەن قيىنشىلىقتارىن دا بايقادىم. حالىقپەن جۇمىس جاساعاننان كەيىن ءبارىنىڭ كوڭىلىنەن شىعا بەرۋ مۇمكىن ەمەس، ءبىرى العىس ايتىپ كوڭىلىڭدى كوتەرىپ كەتسە، ەندى بىرەۋلەر ريزا بولماي جاتادى. ءدال وسىنداي ساتتە ەڭسەڭدى كوتەرىپ، قولداۋ بىلدىرەتىن ۇجىمداستارىم بار. جانە جۇمىس جاساۋعا قولايلى جاعداي جاساپ وتىرعان باسشىلىققا العىسىم شەكسىز!»، - دەيدى كەيىپكەرىمىز.

وسىنداي جىگەرلى جانداردىڭ جەتىستىكتەرى ازايماعاي، ال ارىپتەسىمىزدىڭ ومىرىنە ارايلى تاڭ مەن قۋانىش شۋاعىن تىلەيمىز!

Abai.kz