داريعا نازارباەۆا الماتى جاستارىمەن كەزدەسۋ بارىسىندا ولارعا قىتاي ءتىلىن ۇيرەنۋگە كەڭەس بەردى. بۇل تۋرالى باق-تاعى دەرەككوزدەرگە سۇيەنىپ «قازاق ءۇنى» اقپارات اگەنتتىگى حابارلايدى دەپ جازادى http://rgmedia.kz سايتى. 

وسىعان وراي داريعا حانىمعا بەلگىلى جۋرناليست ساكەن سىبانباي ەكى سۇراق قويدى. نازار اۋدارىڭىز:

د.نازارباەۆا: "قىتاي ءتىلىن ۇيرەنىڭدەر... بولاشاق قىتاي تىلىندە دەپ سانايمىن. قىتاي نارىعىنىڭ الەۋەتى شەكسىز. حالىق سانى كوپ. ول جاقتا نە شىعارساڭىزدار دا، ميللياردەر بولاسىزدار... قىتاي ميللياردتاپ ينۆەستيتسيا قۇيۋدا. قازاقستاندىقتار ءۇشىن جاڭا جۇمىس ورىندارى اشىلادى، تابىس تابادى، وتاندىق نارىق جاڭا تاۋارلارمەن مولايادى..."
1-سۇراق: "ول جاقتا نە شىعارساڭىزدار دا، ميللياردەر بولاسىزدار" دەگەنىنە قاراعاندا، قازاقستان ءوز حالقىنا قاجەتتى تاۋارلاردىڭ ءبارىن ءوزى شىعارىپ بولىپ (؟!), ارتىلىپ قالىپ، ەندى كورشى ەل نارىعىنا ەنبەك پە؟
2-سۇراق: قىتاي قازاقستاندا زاۋىتتار اشسا، ولارعا جالداناتىن قازاقتار قىتايشا بىلۋگە مىندەتتى مە؟ ينۆەستور قاي ەلگە ءوز ءتىلىن تىقپالاۋشى ەدى؟

رەداكتسيادان: الماتى جاستارىمەن كەزدەسۋ بارىسىندا "قىتاي ءتىلىن ۇيرەنىڭدەر، مەن سونى تالاپ ەتەمىن" دەگەن داريعا نازارباەۆا ورىس ءتىلىن ۇمىتپاۋ كەرەكتىگىن ەسكەرتىپتى.

Abai.kz