اقىن جاتاقحانادا تۇرامىن دەگەندە كوزىم شاراداي بولدى. قازاقتىڭ كەڭ بايتاق دالاسىندا بارلىق ۇيلەنۋ تويدا شىرقالاتىن "جار-جار" ءانىنىڭ اۆتورىنىڭ باسپاناسى جوق، جولاۋشى تاسىمالداپ جۇرگەنىن ەستىگەندە تالانتتى جانداردى نەگە قۇرمەتتەمەيمىز دەپ قىنجىلدىم. بىراق ول كىسىنىڭ قاراپايىمدىلىعى مەنى تاڭ قالدىرعان ەدى.

2016 جىلى 31-ارنادا "نەگە؟"باعدارلاماسىنا اقىننىڭ " جار-جار" تۋىندىسى جايىندا سيۋجەت جاسادىق. ءوزىنىڭ دوسىنىڭ ۇيلەنۋ تويىنا ارناپ جازعان.

بىراق اۆتورعا ءانى ءۇشىن ەشكىم ءبىر تيىن تولەمەدى. اقىن دا اقى تولە دەپ، ەشكىمنەن سۇراعان جوق.

ەگەر تىڭداۋشىلار انگە تيىن-تەبەن تولەگەندە ءابدىراحمان اسىلبەك الەمگە ايگىلى ميلليونەردىڭ ءبىرى بولار ەدى. بىراق قازاق جەرىنىڭ قازبا بايلىعىن ساتىپ مالدانعان بايلارداي ەمەس، بۇل كىسى ونەرىمەن، ەڭبەگىمەن مول بايلىققا كەنەلەر ەدى. ايتەۋىر جومارت كاسىپكەر ءۇي الىپ بەرىپتى.
ەندى اقىن اعا دا ومىردەن ءوتتى.
قانشاما كۇيەۋ جىگىت پەن قالىڭدىق تولقىپ، قانشاما اتا-انانىڭ جۇرەگىن قۋانىشقا بولەگەن ءاندى جازعان ءابدىراحمان اسىلبەك اعانىڭ جانى پەيىشتە شالقىسىن.

جازيرا بەگالىنىڭ facebook پاراقشاسىنان

Abai.kz