مينسك.   12 ءساۋىر.  قازاقپارات  /ايتۋار ماملين/ -  كەشە، 11 ءساۋىر كۇنى   جەرگىلىكتى ۋاقىت بويىنشا  17.55-تە مينسكىدەگى «وكتيابرسكايا»    مەتروپوليتەن ستانساسىندا     جارىلىس بولدى.

بومبا   ادامدار  كوپ   جۇرەتىن    كەزدە   جانە   مينسك  مەتروپوليتەنىندەگى  جولاۋشىلار اۋىسىپ  وتىراتىن   جالعىز    بەكەتتە  - «وكتيابرسكايا» جانە  «كۋپالوۆسكايا»  ستانسالارىندا  ەكى  پويىز تۇرعان  كەزدە     جارىلعان.

كۋاگەرلەردىڭ ايتۋىنشا،  پلاتفورمادا  الدىمەن   قاتتى تارس ەتكەن    دىبىس ەستىلگەن،  ودان كەيىن   قارا ءتۇتىن   شىققان،  وقيعا ورنىنا  دەرەۋ  ءورت سوندىرۋشىلەر،  30 شاقتى   جەدەل جاردەم كولىگى، ميليتسيا  قىزمتكەرلەرى جەتكەن.

جەرگىلىكتى  ۋاقىت  21.35-تەگى جاعداي  بويىنشا،   جارىلىس سالدارىنان  11 ادام قازا بولعان،  100-دەن  استام ادام جارالانعان.   35 زارداپ شەگۋشىگە    وقيعا ورنىندا  مەديتسينالىق كومەك كورسەتىلسە،   50-دەن استام ادام مينسك اۋرۋحانالارىنا،   نەگىزىنەن  2-ءشى جانە 3-ءشى كلينيكالىق اۋرۋحانالارعا   جەتكىزىلگەن.   اۋىر   جاراقات العاندار دا بار.

مينسك.   12 ءساۋىر.  قازاقپارات  /ايتۋار ماملين/ -  كەشە، 11 ءساۋىر كۇنى   جەرگىلىكتى ۋاقىت بويىنشا  17.55-تە مينسكىدەگى «وكتيابرسكايا»    مەتروپوليتەن ستانساسىندا     جارىلىس بولدى.

بومبا   ادامدار  كوپ   جۇرەتىن    كەزدە   جانە   مينسك  مەتروپوليتەنىندەگى  جولاۋشىلار اۋىسىپ  وتىراتىن   جالعىز    بەكەتتە  - «وكتيابرسكايا» جانە  «كۋپالوۆسكايا»  ستانسالارىندا  ەكى  پويىز تۇرعان  كەزدە     جارىلعان.

كۋاگەرلەردىڭ ايتۋىنشا،  پلاتفورمادا  الدىمەن   قاتتى تارس ەتكەن    دىبىس ەستىلگەن،  ودان كەيىن   قارا ءتۇتىن   شىققان،  وقيعا ورنىنا  دەرەۋ  ءورت سوندىرۋشىلەر،  30 شاقتى   جەدەل جاردەم كولىگى، ميليتسيا  قىزمتكەرلەرى جەتكەن.

جەرگىلىكتى  ۋاقىت  21.35-تەگى جاعداي  بويىنشا،   جارىلىس سالدارىنان  11 ادام قازا بولعان،  100-دەن  استام ادام جارالانعان.   35 زارداپ شەگۋشىگە    وقيعا ورنىندا  مەديتسينالىق كومەك كورسەتىلسە،   50-دەن استام ادام مينسك اۋرۋحانالارىنا،   نەگىزىنەن  2-ءشى جانە 3-ءشى كلينيكالىق اۋرۋحانالارعا   جەتكىزىلگەن.   اۋىر   جاراقات العاندار دا بار.

وقيعاعا بايلانىستى  بەلارۋس پرەزيدەنتى الەكساندر لۋكاشەنكو  شۇعىل  كەڭەس وتكىزدى.   ول   كولىكتەگى    قاۋىپسىزدىك  شارالارىن كۇشەيتۋ،     مينسكىدە  كولىك قوزعالىسىنىڭ     ۇزدىكسىز  قوزعالىسىن قامتاماسىز  ەتۋ،    زارداپ شەككەندەر مەن   ولاردىڭ تۋىستارىنا  قاجەتتى  بارلىق مەديتسينالىق  كومەكتەردى كورسەتۋ  تۋرالى تاپسىرما بەردى.   سودان كەيىن     ا.لۋكاشەنكو    وقيعا ورنىنا   بارىپ،        جاعدايدى  ءوز كوزىمەن  كوردى جانە    گۇل شوقتارىن  قويدى.

قۇقىق قورعاۋ  ورگاندارى  بۇل وقيعانى لاڭكەستىك ارەكەت  رەتىندە   قاراستىرىپ  وتىر.    وسىعان   وراي   بەلارۋس رەسپۋبليكاسىنىڭ  باس پروكۋراتۋراسى        قىلمىستىق ءىس قوزعادى.

الدىن الا مالىمەتتەر  بويىنشا،      زارداپ شەككەندەردىڭ اراسىندا قازاقستان   ازااتتارى  جوق.