ورال. 12 ءساۋىر. قازاقپارات /ەلجان ەرالى/ - مەن ءوزىم 1962 جىلى ساراتوۆ مەملەكەتتىك مالدارىگەرلىك ينستيتۋتىن ءبىتىردىم.

سوڭعى كۋرستا وقىپ جۇرگەندە، ياعني 1961 جىلى ءبىزدىڭ ينستيتۋتتىڭ وقۋ-ۇيرەنۋ شارۋاشىلىعىنىڭ اۋماعىنا ادامزات تاريحىنداعى العاشقى عارىشكەر يۋري گاگارين قونعانى ءمالىم. سول كەزدە ءبىز ينستيتۋتتىڭ كومسومول كوميتەتىنىڭ مۇشەسى رەتىندە كەزەكشىلىككە تۇرىپ، سول ماڭدا گاگاريندى ماسكەۋگە الىپ كەتكەنشە بولعانىمىز ەسىمدە. بۇل تۋرالى ورال قالاسىندا تۇراتىن ەڭبەك ارداگەرى عازيز حايمۋلدين ءمالىم ەتتى.

«1962 جىلى ينستيتۋتتى بىتىرگەننەن كەيىن مەن تايپاق اۋدانىنىڭ «ەسەنساي» سوۆحوزىنا باس زووتەحنيك قىزمەتىنە بەكىتىلىپ، وعان قوسا شارۋاشىلىقتىڭ كومسومول ۇيىمىنىڭ حاتشىلىعىنا سايلاندىم. «جاس كەلسە، ىسكە» دەگەندەي، ول كەزدە جاڭالىققا قۇمارمىز. 1963 جىلى جاس شوپاندار بريگاداسىن ۇيىمداستىردىم، ونى سوۆحوز ديرەكتورى مەن پارتيا كوميتەتى قولدادى. سونداي-اق سول كەزدەگى ەسەنسايدىڭ ەڭبەكقور قىز-جىگىتتەرى دە جاڭا باستامانىڭ جاندانۋىنا جاستىققا ءتان جالىن-جىگەرمەن ەرەكشە ۇلەس قوستى. وسى باستامامىزدىڭ ناتيجەسى جاقسى بولىپ، كەيىن بۇل ءادىس تەك وبلىس ەمەس، رەسپۋبليكاعا تارادى. ءتىپتى ءبىزدىڭ تىڭ باستامامىز تۋرالى ماقالا-ماتەريالدار كەيبىر بۇكىلوداقتىق گازەت-جۋرنالدارعا دا شىقتى.

ورال. 12 ءساۋىر. قازاقپارات /ەلجان ەرالى/ - مەن ءوزىم 1962 جىلى ساراتوۆ مەملەكەتتىك مالدارىگەرلىك ينستيتۋتىن ءبىتىردىم.

سوڭعى كۋرستا وقىپ جۇرگەندە، ياعني 1961 جىلى ءبىزدىڭ ينستيتۋتتىڭ وقۋ-ۇيرەنۋ شارۋاشىلىعىنىڭ اۋماعىنا ادامزات تاريحىنداعى العاشقى عارىشكەر يۋري گاگارين قونعانى ءمالىم. سول كەزدە ءبىز ينستيتۋتتىڭ كومسومول كوميتەتىنىڭ مۇشەسى رەتىندە كەزەكشىلىككە تۇرىپ، سول ماڭدا گاگاريندى ماسكەۋگە الىپ كەتكەنشە بولعانىمىز ەسىمدە. بۇل تۋرالى ورال قالاسىندا تۇراتىن ەڭبەك ارداگەرى عازيز حايمۋلدين ءمالىم ەتتى.

«1962 جىلى ينستيتۋتتى بىتىرگەننەن كەيىن مەن تايپاق اۋدانىنىڭ «ەسەنساي» سوۆحوزىنا باس زووتەحنيك قىزمەتىنە بەكىتىلىپ، وعان قوسا شارۋاشىلىقتىڭ كومسومول ۇيىمىنىڭ حاتشىلىعىنا سايلاندىم. «جاس كەلسە، ىسكە» دەگەندەي، ول كەزدە جاڭالىققا قۇمارمىز. 1963 جىلى جاس شوپاندار بريگاداسىن ۇيىمداستىردىم، ونى سوۆحوز ديرەكتورى مەن پارتيا كوميتەتى قولدادى. سونداي-اق سول كەزدەگى ەسەنسايدىڭ ەڭبەكقور قىز-جىگىتتەرى دە جاڭا باستامانىڭ جاندانۋىنا جاستىققا ءتان جالىن-جىگەرمەن ەرەكشە ۇلەس قوستى. وسى باستامامىزدىڭ ناتيجەسى جاقسى بولىپ، كەيىن بۇل ءادىس تەك وبلىس ەمەس، رەسپۋبليكاعا تارادى. ءتىپتى ءبىزدىڭ تىڭ باستامامىز تۋرالى ماقالا-ماتەريالدار كەيبىر بۇكىلوداقتىق گازەت-جۋرنالدارعا دا شىقتى.

1964 جىلى 18-19 ناۋرىزدا ۆلكسم ورتالىق كوميتەتىنىڭ پلەنۋمى ءوتتى. جاستار ۇيىمىنىڭ اتالمىش القالى جيىنىنا مەنى ماقتاۋلى مامان، كومسومول ۇيىمىنىڭ جەتەكشىسى رەتىندە شاقىردى. سول پلەنۋمدا وداق بويىنشا كومسومول-جاستاردىڭ اۋىل شارۋاشىلىعىن وركەندەتۋگە بەلسەندى ۇلەس قوسۋى جونىندە ماسەلە قارالدى. مىنە، وسى پلەنۋم جۇمىسىنا ادامزات تاريحىنداعى تۇڭعىش عارىشكەر يۋري گاگارين مەن گەرمان تيتوۆ تا قاتىستى. پلەنۋم جۇمىسىنىڭ بارىسىندا ۆلكسم ورتالىق كوميتەتىنىڭ ۇيىمداستىرۋىمەن جاستار ۇيىمدارىنىڭ ءبىر توپ جەتەكشىلەرى يۋري گاگارينمەن كەزدەستى. مەن دە سول توپ ىشىندە بولدىم. جادىراپ كۇلىپ، جۇزىنەن اركەز شۋاق توگىلىپ تۇراتىن يۋري الەكسەەۆيچ اربىرەۋىمىزدىڭ قولىمىزدى الىپ، از-كەم اڭگىمەلەستى. مەنەن سۇراعانى: «ءسىز قايدانسىز؟» دەدى. مەن، «قازاقستاننان، ورال قالاسىنانمىن» دەدىم. ول سول كەزدە «يا، ءبىز كورشىمىز!» دەپ ودان سايىن جىلى شىراي تانىتتى. يۋري گاگارينمەن بىرگە تۇسكەن ءبىزدىڭ فوتومىز 1964 جىلعى ناۋرىز ايىنىڭ ون توعىزى كۇنى جارىق كورگەن «پراۆدا» گازەتىنىڭ ەكىنشى بەتىنە شىقتى. كوزى تىرىسىندە-اق اڭىز-ادامعا اينالعان العاشقى عارىشكەرمەن كەزدەسكەن سول ءبىر قاس-قاعىم ءسات قايتا ورالماس جاستىق شاعىمىزدىڭ جارقىلىنداي مەنىڭ جادىمدا ءجيى جاڭعىرادى»، دەپ ەسكە الادى ەڭبەك ارداگەرى.