مۇقاعالي ماقاتاەۆتىڭ دىنمۇاممەد قوناەۆقا جازعان حاتى
قىمباتتى ديماش اعا!
"سوتسياليستىك قازاقستاننان" شىعارىلىپ، قىزىم قايتىس بولىپ، وعان قوسا بىرنەشە ەت جاقىن تۋعان-تۋىسقاندارىمنىڭ قازاسىنان كەيىن كۇيىنىپ، بارىنەن باز كەشتىم. بۇنىڭ ءبارى 1962-1964 جىلداردىڭ اراسىندا بولعان ەدى. سول تۇستا مەن ومىرىمدە تۇزەلمەيتىن قاتە جىبەردىم. ارينە، ونى مويىنداۋ وڭاي ەمەس.
قاساقانا ما، جوق پا بىلمەيمىن، ءوزىڭىز تورەشى بولىڭىز، دەر كەزىندە ۋاقتىلى جارنا تولەمەي، سوكپ قاتارىنان وزىمنەن-ءوزىم شىعىپ قالدىم. بيلەتتى سوۆەت اۋداندىق پارتيا كوميتەتى تارتىپ الدى. سىرعابەكوۆا حاتشى بولاتىن. ول تاپ بولعان جاعدايدا شىعۋعا جول تابا الماي تىعىرىققا تىرەلدىم.
قالاي دەگەندە دە ءوز كىنامنان تازارۋ ءۇشىن شىعارماشىلىقتا شارق ۇرىپ ويلاندىم، تولعاندىم، ىزدەندىم. بار جان-تانىممەن ەل جۇرتىممەن بىرگە ەكەنىمدى تانىتقىم كەلدى.
ءبىزدىڭ قوعامدا ادام ءوزىن تاڭ شىعىنداي تازا ساقتاۋ، قانداي عانيبەت. وكىنىشكە قاراي، قانشاما تەر توگىپ ەڭبەكتەنسەم دە، بۇدان ون جىل بۇرىن جىبەرگەن قاتەلىك ەش تىنىم بەرمەيدى ماعان.
17.V.1974 ج.
(وت پوەتا ماكاتاەۆا مۋكاگاليا، پروجيۆايۋششەگو ۆ. گ. الما-اتە، پو ۋليتسە پانفيلوۆا، 147 كۆ. 95)
اسەت اقمولدانىڭ facebook پاراقشاسىنان
Abai.kz
