تابيعات ابايلداەۆ. ءبىر جاققا
اباي اۋىلىنا اقىن كەلدى. شىعىستىڭ جەتى شايىرى تامسانا جىرلاعان تاراز شاھارىنان. ول - تابيعات ابايلداەۆ دەگەن اقىن.
«اباي-اقپارات»
ءبىر جاققا
تۇقىلىنداي شالا تۇتانعان شىلىمنىڭ،
ءبىر وكىنىش ورتەپ وتىر وزەكتى.
ءوڭى نەگە سۇرعىلت تارتىپ گۇلىمنىڭ،
ءۇنسىز مۇڭىن شاعىپ وتىر كەزەكتى.
ءۇنسىز مۇڭىن شاعىپ وتىر كەزەكتى،
بىرەۋ كەلىپ سيپايتىنداي باسىنان.
ەسسىز سەزىم ەركەكتەردى ەز ەتتى...
كىلت بۇرىلىپ كەتىپ قالدىم قاسىنان...
كىلت بۇرىلىپ كەتىپ قالدىم قاسىنان،
«سۇيەم» دەگەن ءسوزدىڭ ءباا-ءرىن ۇمىتىپ.
قىزدان ەمەس، ءوز-وزىمنەن شوشىنام،
...ءتىل قاتپايدى جۇرەگىمنىڭ ءتىلى تۇك!
...ءتىل قاتپايدى جۇرەگىمنىڭ ءتىلى تۇك،
سۇلۋلاردىڭ كوپتىگىنە ماستانىپ،
ءبىرىن ءسۇيىپ، ەكىنشىسىن ۇمىتىپ،
ءۇشىنشىسىن... لاقتىرىپ تاستادىق...
ءۇشىنشىسىن لاقتىرىپ تاستادىق،
سۇلۋ بىتكەن شاشىلعانداي كوشەدە.
جۇرەگىمنىڭ مۇز جاستىعىن جاستانىپ،
ءتورتىنشىسىن قۇربان قىلدىم كەشە دە...
ءتورتىنشىسىن قۇربان قىلىپ كەشە دە،
قيناماستان، قينالماستان جىلاتتىم.
...تاپ قاي كۇنى جانە ساعات نەشەدە..؟
جىلاتادى، مەنى سۇلۋ، بىراق... كىم؟
جىلاتادى، مەنى سۇلۋ، بىراق... كىم؟
وتىنەمىن ول حاقىندا سۇراما!
جاۋابى جوق، ءۇتىر، نۇكتە، سۇراقپىن،
ەندى مەنى ۇمىت، مۇلدە سىناما...
اباي اۋىلىنا اقىن كەلدى. شىعىستىڭ جەتى شايىرى تامسانا جىرلاعان تاراز شاھارىنان. ول - تابيعات ابايلداەۆ دەگەن اقىن.
«اباي-اقپارات»
ءبىر جاققا
تۇقىلىنداي شالا تۇتانعان شىلىمنىڭ،
ءبىر وكىنىش ورتەپ وتىر وزەكتى.
ءوڭى نەگە سۇرعىلت تارتىپ گۇلىمنىڭ،
ءۇنسىز مۇڭىن شاعىپ وتىر كەزەكتى.
ءۇنسىز مۇڭىن شاعىپ وتىر كەزەكتى،
بىرەۋ كەلىپ سيپايتىنداي باسىنان.
ەسسىز سەزىم ەركەكتەردى ەز ەتتى...
كىلت بۇرىلىپ كەتىپ قالدىم قاسىنان...
كىلت بۇرىلىپ كەتىپ قالدىم قاسىنان،
«سۇيەم» دەگەن ءسوزدىڭ ءباا-ءرىن ۇمىتىپ.
قىزدان ەمەس، ءوز-وزىمنەن شوشىنام،
...ءتىل قاتپايدى جۇرەگىمنىڭ ءتىلى تۇك!
...ءتىل قاتپايدى جۇرەگىمنىڭ ءتىلى تۇك،
سۇلۋلاردىڭ كوپتىگىنە ماستانىپ،
ءبىرىن ءسۇيىپ، ەكىنشىسىن ۇمىتىپ،
ءۇشىنشىسىن... لاقتىرىپ تاستادىق...
ءۇشىنشىسىن لاقتىرىپ تاستادىق،
سۇلۋ بىتكەن شاشىلعانداي كوشەدە.
جۇرەگىمنىڭ مۇز جاستىعىن جاستانىپ،
ءتورتىنشىسىن قۇربان قىلدىم كەشە دە...
ءتورتىنشىسىن قۇربان قىلىپ كەشە دە،
قيناماستان، قينالماستان جىلاتتىم.
...تاپ قاي كۇنى جانە ساعات نەشەدە..؟
جىلاتادى، مەنى سۇلۋ، بىراق... كىم؟
جىلاتادى، مەنى سۇلۋ، بىراق... كىم؟
وتىنەمىن ول حاقىندا سۇراما!
جاۋابى جوق، ءۇتىر، نۇكتە، سۇراقپىن،
ەندى مەنى ۇمىت، مۇلدە سىناما...
ەندى مەنەن ەشتەڭە دە سۇراما.
مۇڭنىڭ تابىن جۇلىپ الشى، كوزىڭنەن.
وتىنەمىن كۇل، بىراق تا جىلاما،
وكىنىشتى اكەتەيىن وزىممەن...
... ءبىر جاققا...
11.02.2010 جىل.
...بالكىم...
كەبەرسىپ بارادى مۇلدە،
ەرنىڭە سۇيەگەن ەرىن.
وزگەنى قۇشاقتاپ تۇندە،
ءوزىڭدى سۇيە بەرەمىن.
جاسىرىن نومىردەن كۇندە،
قوڭىراۋ شالاسىڭ نەگە؟
جاسىرىن نومىردەن تۇندە،
قوڭىراۋ شالامىن نەگە؟
ۇنسىزدىك... جىميىس... توسىن،
بۇل بالكىم - ءولىمنىڭ ءۇنى.
دەمىگۋ... كۇرسىنىس سوسىن،
بۇل بالكىم - ءومىردىڭ مۇڭى.
بورىدەي الاسۇرعان ۇلىپ،
وتۋدە ءوزىڭسىز ءار كۇن.
باقيعا ەنگەن سوڭ كۇلىپ،
باقىتتى بولارمىز بالكىم.
...ءتىرى بولسام...
قويۋ قارا ءىڭىر...
مەنىڭ كوگىم كۇرسىنەدى
تالىپ جەتىپ قۇلاقتارعا داۋىسى...
قالاعا ارەڭ جەتكەن بۇل دىبىس...
جاڭعىرتادى نە سەبەپتەن تاۋ ءىشىن...
مەنىڭ جانىم تۇرشىگەدى...
قاپاس قالا تۇرمەسىنە قامالىپ...
ەركىندىكتە ءجۇرىپ-اق...
ازاتتىقتاعى بوستاندىقتىڭ...
تاپپايدى ەشكىم امالىن...
مەنىڭ سانام ءبىلسىن نەنى...
ميشىقتاعى قاتپارلار قوزعالمايدى...
ءزىل باسىپ، جارىعى تۇندە وشكەن...
...كەڭىستىكتەگى اتموسفەرانىڭ تىلسىمىنا ەنىپ...
ۇيقىنىڭ وڭىندە تىلدەسكەن...
مەنىڭ ويىم شاشىراعان...
ساۋلەنىڭ جارىعى...
...قوسىندىلاردىڭ ناتيجەسىندە سىناپتاي ەرىگەن...
...انىعى -
سوقىر عالامنىڭ...
شارىقتاۋ شەگىندەگى ۇيقىسىمەن...
بەيۋاقىت ۇندەسكەن...
مەنىڭ ءانىم...
... قىستىعىپ شىققان مۋزانىڭ ءۇنى...
الدەكىمدەردى مەزى ەتكەن...
الدەكىمدەردىڭ وي-توبەسىن وتتاي قارىعان...
گيپەربولا قوسىپ ءسوز ەتسەم...
جورگەكتە جاتىپ-اق...
ۋىز-ولەڭگە جارىعام...
مەنىڭ كرەدوم...
سوردىڭ ءتىلى...
شەرمەنەن كۇنبە-كۇن ساناسقان...
ۇعىنىپ قايعىنىڭ بايلامىن...
شاتتىقتىڭ كوگىنە ۇمتىلىپ...
جەتپەگەن، بىراق تا، كۇرەسكەن، تالاسقان...
مەنىڭ باقىتىم...
قارا اسپان...
ساۋلەدەن ادا-كۇدە...
مۇڭلى مۋزىكامەن سىرلاسقان...
قورقىتتىڭ قوبىزىن اسىنىپ...
ولىمنەن قاشىپ...
ەداۋىر قىردى اسقان...
قارا اسپان...
كوگىنە شىندىقتىڭ تۋى بايلانعاندا...
جىرىمدى نوتانىڭ تىلىندە سايراتىپ...
شىرقايمىن شاتتىقتىڭ شەگىندە الاشقا ءان...
...ءتىرى بولسام...
15.02. 2011جىل.
...تىلەدىم...
كوكىرەگىمدە كۇيى ويناپ كۇدىكتىڭ،
قارقىلدايمىن قارعا قۇساپ مەن نەگە؟
جىميۋدى ءھام كۇلۋدى ۇمىتتىم،
كۇلدىرمە دە، بۇلدىرمە دە، ەمدەمە...
قارقىلدايمىن قارعا قۇساپ مەن نەگە؟
ادامدىعىم ار استىندا تاپتالىپ.
تۇسىنىكسىز مەنىڭ جايىم پەندەگە،
جارىتپاسپىن مەن دە ولارعا اقتالىپ.
جارىتپاسپىن مەن دە ولارعا اقتالىپ،
جالقى سەبەپ: دۇنياعا بوتەنمىن.
بەس كۇندىكتىڭ تابانىندا تاپتالىپ،
مارعاۋ تىرلىك كۇناسىن دە - كوتەردىم.
مارعاۋ تىرلىك كۇناسىن دە كوتەردىم،
كىنالى بوپ كەتپەۋ ءۇشىن عايىپقا.
سويتە تۇرا پەرىشتە ەمەس ەكەنمىن،
بۇيىرماڭىز ايىپقا...
بۇيىرماڭىز ايىپقا...
ارتىق ايتسام جازالاسىن جۇرەگىم.
پەرىشتە بوپ اتتانۋدى عايىپقا،
وزىمە ەمەس، وزگەرلەرگە تىلەدىم...
10.02.2011 جىل.
تۇسىنىكسىز...
زۋ-ىلداپ قۇلادى جۇلدىزدار،
جەر-انا ۇستىنەن كور قازىپ.
دەنەمنەن سىلىنىپ سۇيەكتەر
مەندە ۇشتىم عالامعا تىم وزگە:
سوزىممەن تۇرمانى ەرتتەلگەن،
جىل بۇرىن قۇرلىققا سەرت بەرگەم:
«كولەڭكەم سوڭىمنان ەرسىن دەپ،
شاشىلعان سۇيەكتى كورسىن دەپ،
جۇرەكتەن ءبولىنىپ، سۇيەگى مەرت بولعان
بەيباقتىڭ ءمايىتىن -
شالتاۋدىڭ باسىنا كومسىن دەپ...
قولىنان كەلسە ەگەر ادامدار
مەن قۇساپ جۇرەكسىز ءولسىن دەپ»
اۋا تار، كەڭىستىك جولىندا كەلەمىن -
ۇشىپ مەن،
قارا جەر قۇربانى ءبىتىمى بولەكتەۋ -
تەك ەتتەن جارالعان -
تۇسىك پە ەم...
مەن جەردىڭ اۋاسىن جۇتقانمەن -
جۇماعىن بوكالعا تولتىرىپ ءىشىپ پە ەم...
... اي تۇسى ايالداپ...
تۇرعاندا ماڭدايىم نۇرلانىپ،
ساۋلەسى سونگەن تىم ءسال عانا ۇشقىنمەن-
اق شولپان قارايدى ۇرلانىپ.
ۇشقىنىن كورگەنمەن جارىقتىڭ -
تۇنەككە تىعىلىپ الىپپىن...
تۇنەككە رەڭ بەرىپ كۇلىپ كۇن،
تۇتاتتى شىلىمىن ءۇمىتتىڭ.
وسى ءسات... تەك تۇندە...
كوك ءجۇزىن شارلايتىن.
بىلگىشتەر -
تەلەسكوپپەن بارلايتىن.
اندرومەدا جيەكتە جارق ەتتى -
بولبىراق بوز سۇلبام بولبىراپ -
جانارىم جالت ەتتى.
...پەندەلىك بولمىسپەن قىمسىنباي -
وزگەشە ولىمگە قۇلشىنباي -
«ادامدى ەمەس ەش -
ءوزىڭدى سۇيەم» دەپ سىبىرلاپ -
ءتىل قاتتىم.
تەمىردەي توت باسقان -
جۇرەكتىڭ بۇلكىلىن تىڭداتتىم...
... تۇرپاتى وزگەرىپ ءتىپتى «ونىڭ» -
جاۋابى قاتقىلداۋ شىقتى ونىڭ:
«سوزدەرىڭ سىلكىدى جۇرەكتى مەندەگى -
بويىمدى بولەك كۇي باۋرادى، مەڭدەدى -
بىراق تا، عافۋ ەت، سۇيمەيمىن،
سۇيەكسىز، تىرەيتىن تيەكسىز پەندەنى!»
... جىلادىم سول كەزدە-
كوزىمنىڭ ماڭايىن شىق باسىپ،
...ەستۋىم بويىنشا -
سۇيەگىم الىپتى جەر قۇشقان -
كومەتامەن جۇپتاسىپ...
حيميامىن
كەشە مەن -
ۋ ءىشتىم -
سەن سۋ ىشكەن كەسەمەن.
ولمەدىم، ونبەدىم -
ۇكىمىن شىعاردى پەشەنەم.
وڭ زارياد ەمەسپىن،
كەرىمىن -
تالايلى تاعدىردان جەرىدىم.
سۇلدەرىم سۇيرەتىلىپ جۇرگەنمەن -
جەتى قات جەر استى سەرىگىم.
جۇرەكتى تىرنايدى، ۇليدى -
ارلان ەمەس، ءبىر قانشىق -
ءبورى مۇڭ.
قىزدىرىپ قىزعانىش وتىنىڭ -
كورىگىن.
ءتىرى بوپ جۇرگەنمەن -
ءولىمىن.
سەنسەڭ سەن -
تەڭىزبىن تولقىنى جاعادا تەڭسەلگەن.
تەڭىزدىڭ عۇمىرى -
قوس قاراشىعىڭداعى -
تامشىمەن ولشەنگەن.
قينادىڭ -
سوندىقتان جۇمباقپىن، حيميامىن -
ءبىر ءجۇز ءتورت ەلەمەنت توپتاسىپ،
جارىلعىش زاتتاردى جيناپتى -
تولتىرىپ شيكىلەۋ - مەندەگى ميعا مۇڭ.
جانىمدى ۋران جەپ،
تاسىندىم، تەرىمە سىيمادىم.
...ارۋاق كەيپىندە جۇرسەم دە -
مەن سەنى ەشكىمگە قيمادىم.
وتىنەم ءالى دە كەش ەمەس،
قۇش مەنى -
قۇلشىنىپ، ءسۇي جانىم!
كەشىرىڭىز...
ءبىز جيەكتەن جىلاي قۇلاعان،
مەتەوريت - سىي بولامىز.
جەردە دە جانارىن جاسقا بۇلاعان،
پەندەمىز كۇننەن، تۇننەن، سىرت-سىرت ساعات ۇنىنەن -
جيعان اڭىز.
جەرگە ەلشى بوپ كەلگەن سوڭ،
پەندەاۋي تىرلىككە كوندىگىپ، لاجسىز يلانامىز.
جانسىز بوپ كەلگەنمەن،
جان ءبىتىپ، ءسۇيىپ قالىپ، ال جۇرەك كۇيىپ قالىپ،
تەنتىرەپ، قىر كەزىپ، قينالامىز.
سودان سوڭ... قورقىتتىڭ قوبىزىنان...
سارناي جونەلەتىن...
بەيمالىم كۇي بولامىز.
جۇرەكپەن سۇيگەنمەن، ەكىگە ايرىلىپ،
ءبىر-ءبىر ءۇي بولامىز!
سولاي ما، دينارا قىز!؟.
سول ءتۇنى كۇناھار بولساق تا،
كۇن جىلجىپ وزگەگە سىيلانامىز.
كەشىرىڭىز، ءسىزدى سۇيگەن جارتىڭىز بار!
ەندىگارى مەنى كەپ قيناماڭىز.
قيناساڭىز: ءبارىبىر سەزىمىمنىڭ سۇيىلعان ءانى،
ول ەندى جەلدەي جەلىپ، شارلاعان - قۇيىن دالانى.
مەنى قويا قويىڭىز،
وزىڭىزگە تىم قاتتى قيىن بولادى.
مەن ەندى ەرىمەۋگە بەكىنەمىن، ءسىز دە مەنى مازالاماڭىز،
وتىنەمىن...
P. S. ەكەۋمىز دە بۇ دۇنيەنىڭ قوناعى،
سويتسەك دۇرىس بولادى!
ەسىمدە ەدى
ەسىمدە ەدى، ەسىڭدە ەدى،
بىزبەن بىرگە تالداردىڭ شەشىنگەنى.
قيمىلىمدى قۇپ الىپ، قارسى بولماي،
كىنالى عىپ تاستادىڭ سوسىن مەنى.
ەسىڭدە ەدى، ەسىمدە ەدى،
تۇساۋىڭنىڭ ءاپ-ساتتە كەسىلگەنى.
ءومىرىڭدى ءبىر كۇندە تارك ەتىپ،
تالاپ ەتتىڭ تاعى دا سوسىن نەنى؟
ەسىمدە ەدى، ەسىڭدە ەدى،
ىڭىردە ەمەس، كادىمگى بەسىندە ەدى.
مەن ەمەسپىن، الدىمەن سەن قالادىڭ،
سول ءۇشىن دە كۇنىم-اۋ، كەشىر مەنى.
ەسىمدە ەدى، ەسىڭدە ەدى،
كۇڭىرەنگەن جيەكتىڭ توسىن دەمى.
اشىق اسپان استىندا... بولدى ءبارى،
ەسىمدە ەدى، ەسىڭدە ەدى...
كۇلى بولىپ كۇدىكتىڭ،
مەن ءبارىن ۇمىتتىم،
سەن دە ۇمىت!
تابىتتىڭ ىشىنەن
ماريانا -
ءتۇپسىز تەرەڭ شۇڭعىما ويدان جالىقتىم،
ايسبەرگ-جۇرەگىمە مەكەندەپتى الىپ مۇڭ.
تاڭەرتەڭمەن تەرەزەمنەن كۇلىم قاعىپ جارىق كۇن،
تالىپ-تالىپ ەستىلەدى ءۇنى كەشكە تابىتتىڭ.
...شىنىمەن -
جالىقتىم، كىرلەدى كىرشىكسىز كوڭىلىم،
بەس كۇننىڭ شەتكەرى تۇسىندا كۇلكى دە، ءتورى - مۇڭ.
مەريديان ماڭىندا وتكەلەك تۇر ىزدەپ ءومىرىم،
ەكۆاتور شالعايدا قالدى ما؟..
كۇتتىرمەي كەل ەندى، ومىرشەڭ - ءولىمىم...
سەنى اڭساپ، قاراشىعى سۋلاندى جاناردىڭ،
سەنى اڭساپ، تاۋسىلدى، تالايلى تاعدىرعا تاعار ءمىن.
ەي، جالعان وزىڭنەن تاپپاعان باقىتتى كۇندەردى،
تار شەڭبەر، اياداي، تابىتتىڭ ىشىنەن تابارمىن...
كوسمولوگيا نەمەسە ۇشقان رۋحتى ىزدەۋ
تارازىم - تۇماندى البيون -
مەن تۇكتى اڭداماي اداستىم.
باتىستان گۋلەگەن جەلمەنەن بىرگە ۇشىپ،
تۇپ-تۋرا بەلىنەن قۇشىپپىن -
الپاۋىت اعاشتىڭ.
...عايىپتان جوعالعان ءور رۋحى،
«وسىندا ەكەن عوي»
دەپ قويام الاشتىڭ!
ىسقىرعان جەل تاعى جەتەكتەپ اكەتتى جيەككە،
ء(ون بويىم جەپ-جەڭىل، اينالىپ كەتكەم بە، سۇيەككە؟)
...مەن كەنەت كەيپىنە ەنە قاپ بىلمەستىڭ،
بۇكىر - بەل، تۇسىنىكسىز تىلدە تەك سويلەيتىن،
ايمەنەن تىلدەستىم.
...ۋادەدەن قاجىپ تا كەتكەن سوڭ، قۇرعاق تىم،
جيەكتىڭ ەركەسى - اقبالتىر ايعا مەن،
بىلاي دەپ ءتىل قاتتىم:
«ەلشى بوپ كەلگەسىن;
ارقالاپ كەلدىم مەن التى الاش ارىزىن،
رۋحىمدى وياتىپ الام دەپ
توزدىردىم كەڭسەلەر ءدالىزىن.
قولىڭنان كەلسە ەگەر،
قازاقتىڭ ءور رۋحىن قايتارۋ:
اقمارال، اي بيكەش، پارىزىڭ!»
اي:
«... تەكتىلىك تەزىنە كونبەگەن،
جانىنىڭ جاراسىن ارزانقول كۇلكىمەن ەمدەگەن.
قازاقتىڭ رۋحى استەرويد كەيپىندە ۇشىپ ءجۇر،
اۋا جوق ايماقتىڭ وزىندە ولمەگەن.
سۇلتانى ءولتىرىپ، ۇلتانى جەرلەگەن،
مەتەوريت كۇيىندە اعىزىپ جىبەردىم،
رۋحىڭدى جەرگە مەن!»
...ءدال قازىر وزىمە-ءوزىم جات، بوتەنمىن،
ءوزىمدى جوعالتىپ، وزگەنىڭ شاشباۋىن كوتەردىم.
ءوزىمدى جوق قىلعان وزگەنىڭ بولمىسىن ءولتىرىپ،
ءوزىمدى قايتادان تابار ما ەكەنمىن...
انتاركتيدا
ەكەۋمىزدىڭ دەمىمىزگە تۇنشىعىپ
انتاركتيدا.
كوز ۇشىندا كولبەڭدەيدى الىپ مۇز،
ءتۇز جەلىنە توڭباي ءبىز-اق قالىپپىز.
مۇز ۇستىندە ەركەلەسىپ، ءوبىسىپ،
وقشاۋلانىپ، قۇشاقتاسىپ الىپپىز.
انتاركتيدا.
بەس-اق قۇرلىق، بەس-اق ءتۇرلى كەڭىستىك،
التىنشىسىن مەكەن ەتتىك، وبىستىك.
تەك مۇزبەنەن قۇرساۋلانعان بۇل قۇرلىق،
تەك ءبىز ءۇشىن قاپىرىق ءتۇز، ەڭ ىستىق!
انتاركتيدا -
بۇل عالامات تابيعاتتىڭ كورىگى،
ونى كەلىپ سۇيمەسە دە افريكانىڭ ەرىنى.
ەكەۋمىزدىڭ دەمىمىزگە تۇنشىعىپ،
الىپ مۇزدىڭ ءبىر بولىگى ەرىدى.
ول مەنى سۇيەدى ءبارىبىر!
جالىنداپ تۇرىپ-اق جانارى،
بۋلىعىپ، ىشىنەن جىلايدى.
الماداي دومالاق انارى،
ءالى دە ۇنايدى، ۇنايدى.
ماقتاداي ماپ-مامىق ەرىنى،
ءدامى - بال، سۇيگەندە ەرىگەن...
ول بۇگىن ءبىر ءۇيدىڭ كەلىنى،
بىرەۋدى باعىنا تەلىگەن.
جۇپ-جۇمىر، شىبىقتاي بەلىنەن،
ەڭ العاش مەن بەيباق قۇشقانمىن.
«سۇيەمىن» دەپ ايتىپ «سەنى مەن!»
ال بۇگىن «ويىننان» تىس قالدىم.
ۋاقىت نە دەگەن اقىماق؟
ول قىزدىڭ ءالى دە جانى - گۇل.
وزگەنىڭ قوينىندا جاتىپ-اق،
ول مەنى سۇيەدى ءبارىبىر!
قۇلىڭ بوپ ولەيىن سەنىڭ...
ۇسقىنسىز شالتاۋدىڭ شىڭى،
اپتاپقا رەڭى كۇيگەن.
وسىندا ءبىر قىزدىڭ مۇڭى،
...تەك مەنى سۇيگەن.
قاباعى قاتۋلى بۇلتتار،
كىنامدى كەشىرشى مەنىڭ.
تابيعات، سول قىزدى قۇتقار!
قۇلىڭ بوپ كەتەيىن سەنىڭ.
وتىنەم جىلاتپا ونى،
ونسىزدا جىلاپ ءجۇر تۇندە.
قايعىسى ول قىزدىڭ سونى،
كۇلۋدى بىلمەيدى مۇلدە.
شالعىنعا اۋناعان بىردە،
سەرىنىڭ قۇشاعىن تاڭداپ.
سوڭىنان كوشىپ ءجۇر بىرگە،
سول تۇنگى ...
سوڭعى مۇڭ زارلاپ.
قاتپار بۇلت اشۋلى نەگە؟
كوزىنەن ىرشيدى جاسى.
قايعىنىڭ سوڭى بۇل دەمە،
سوڭعىسى يا، بالكىم باسى...
جىلاپ تۇر كوك اسپان سىڭسىپ،
تامشىلار سۇيەدى مەنى.
ءومىردى يىرگەن ۇرشىق،
قارايدى... قاتالداۋ ءوڭى.
نەلىكتەن اداستىم ەكەن؟
تورىنا شىرمالىپ ءتۇننىڭ.
جان با ەدىم سەرتىنە بەكەم؟
قايعىرىپ و، نەگە كۇلدىم؟
شالتاۋدان كەلەمىن تومەن،
ومىردەن، ولىمنەن قاشىپ.
ساباما ءتۇسىرىپ ولەڭ،
تاستادى مىسىمدى باسىپ.
ۇسقىنسىز شالتاۋدىڭ شىڭى،
ۇرلانىپ قارايدى تاعى.
تاۋسىلىپ ول قىزدىڭ مۇڭى،
جاي تاپتى جانى...
شالت باسقام قادامدى تالاي،
وزىمشە ءوزىمدى سىيلاپ.
و، توبا، ءتىرىمىن قالاي؟
ءولتىرىپ وزگەنى قيناپ!..
جارىق كۇن قۇتقاردىڭ نەگە؟
سىيىڭا راحمەت، ءومىر!
ومىرگە قۇلشىندى دەمە،
ءۇش مارتە لاقتىردى ءولىم!
ولىمگە راحمەت ايتام،
ومىرگە نالىپ تا ءسىرا.
ۇكىمىن شىعاردى بەيقام.
ارقالاپ ءجۇرسىن دەپ كۇنا!
قاباعى قاتۋلى بۇلتتار،
كىنامدى كەشىرشى مەنىڭ.
تابيعات، كۇنادان قۇتقار!
قۇلىڭ بوپ ولەيىن سەنىڭ.
14. 03. 2011 جىل.
