ءماجىلىس حقكو-نىڭ قىزمەتى تۋرالى زاڭ جوباسىن ماقۇلدادى.

ءماجىلىس حقكو-نىڭ قىزمەتى تۋرالى زاڭ جوباسىن ماقۇلدادى.

ءساۋىردىڭ 13-ءى كۇنى   قر پارلامەنتى  ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە  حالىققا قىزمەت كورسەتۋ ورتالىقتارىنىڭ  ماسەلەلەرى   بويىنشا  وزگەرىستەر  مەن  تولىقتىرۋلار ەنگىزۋ»  تۋرالى زاڭ جوباسىن ماقۇلدادى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە  حالىققا قىزمەت كورسەتۋ ورتالىقتارىنىڭ (حقكو)  ماسەلەلەرى   بويىنشا  وزگەرىستەر  مەن  تولىقتىرۋلار ەنگىزۋ»  تۋرالى  زاڭ جوباسىنا   حقكو  بايلانىس جانە اقپارات مينيسترلىگىنىڭ قاراماعىنا بەرىلگەننەن كەيىن  ماجىلىستىڭ  ءبىر توپ دەپۋتاتتارى  باستاما  جاساعان  بولاتىن.

نەگىزگى وزگەرىس  حقكو جۇمىسىن  ۇيىمداستىرۋ  فۋنكتسيالارىن جەرگىلىكتى  اتقارۋشى  ورگانداردان  قر بايلانىس جانە اقپارات مينيسترلىگىنە  بەرۋگە نەگىزدەلگەن.   بۇنىمەن قاتار، جوبا «اكىمشىلىك   ىس جۇرگىزۋ تۋرالى »، «قازاقستان رەسپۋبليكاسىنداعى  جەرگىلىكتى  مەملەكەتتىك  باسقارۋ  جانە  وزىن-ءوزى باسقارۋ تۋرالى»، «ادىلەت ۇيىمدارى تۋرالى»، «اقپاراتتاندىرۋ  تۋرالى»، «ەلەكتروندىق قۇجات جانە ەلەكتروندىق  ساندىق  قولتاڭبا تۋرالى»، «مەملەكەتتىك مۇلىك تۋرالى»  زاڭدارعا وزگەرتۋلەر ەنگىزۋدى كوزدەيدى.

دەپۋتات ايگۇل سولوۆەۆانىڭ ايتۋىنشا: «اتالعان وزگەرتۋلەر قۇزىرلى ورگاننىڭ  اقپاراتتاندىرۋ سالاسىندا  حقكو-نىڭ   جۇمىسىن  رەتتەپ  قانا قويماي، حالىققا  ساپالى مەملەكەتتىك قىزمەت كورسەتۋ ءىسىن قاداعالاۋدى جانە  مەملەكەتتىك قىزمەتتەردى اۆتوماتتاندىرۋدى كوزدەيدى.»

تۇتاستاي العاندا، قۇجات حالىققا قىزمەت كورسەتۋ ورتالىقتارىنىڭ جەكە جانە زاڭدى تۇلعالارعا «جالعىز تەرەزە» قاعيداتى بويىنشا مەملەكەتتىك قىزمەتتەر كورسەتۋىنە  بايلانىستى  قاتىناستاردى رەتتەۋدى جەتىلدىرۋگە باعىتتالعان.  بۇعان قوسا،  حقكو -نىڭ اقپاراتتىق جۇيەسىنىڭ  مەملەكەتتىك اقپاراتتىق جۇيەسىمەن ءوزارا اقپارات الماسۋى دا قاراستىرىلعان. بۇل دەگەنىمىز،  حقكو-نان قانداي دا ءبىر انىقتامانى الۋ ءۇشىن  كوپ قۇجات تاپسىرۋدىڭ قاجەتى جوق. ءتيىستى قۇجاتتاردى حقكو-نىڭ قىزمەتكەرى دەرەكتەر قورىنان  الاتىن بولادى.

جاڭا زاڭ جوباسىندا  الەۋمەتتىك-ەكونوميكالىق  قۇقىقتى قورعاۋعا باعىتتالعان  مەملەكەتتىك قىزمەتتتەرگە  باسا نازار اۋدارىلعان.  ماتىندە  قر ۇكىمەتى   الەۋمەتتىك  ماڭىزدى  قىزمەتتەردىڭ ءتىزىمىن جاسايتىندىعى دا ايتىلعان

ەستەرىڭىزگە سالىپ وتەيىك، 2011 جىلدىڭ 11 ناۋرىزىندا  حقكو ۇكىمەتتىڭ قاۋلىسىنا سايكەس،  قر بايلانىس جانە اقپارات مينيسترلىگىنىڭ  قاراماعىنا بەرىلدى. قر بايلانىس جانە اقپارات مينيسترلىگى  حقكو-نىڭ «ءبىر تەرەزە قاعيداتى بويىنشا »  جۇمىسىن جەتىلدىرىپ،  الەۋمەتتىك ماڭىزعا يە  كوپتەگەن قىزمەت تۇرلەرىن  اۆتوماتتاندىرۋدى جوسپارلاۋدا.

قر بايلانىس جانە اقپارات ءمينيسترى اسقار جۇماعاليەۆ  اتالعان تاقىرىپ بويىنشا ءوز بلوگىنا ماقالا جاريالادى: http://blogs.egov.kz/blogs/Zhumagaliev_a/372