8 قاراشا كۇنى «استانا وپەرا» تەاترىنىڭ ۇجىمى گاسترولمەن يتاليادا بولىپ، كورەرمەن نازارىنا ۇلتتىق جاۋھارلارىمىزدىڭ بىرەگەيى - ا.جۇبانوۆ پەن ل. ءحاميديدىڭ «اباي» وپەراسىن ۇسىنادى، دەپ حابارلايدى اباي-اقپارات قازاقپاراتقا سىلتەمە جاساپ.

ەلوردا اكىمدىگىنەن ءمالىم ەتكەندەي، سپەكتاكل الدىندا قازاقستاندىق سوليستەر، ماەسترو الان بورىباەۆ پەن گەنۋيالىق تەاتر ديرەكتسياسى جۋرناليستەرگە ءباسپاسوز ءماسليحاتىن وتكىزەدى.

گاسترولدىك باعدارلاما 10 قاراشادا ل. بەتحوۆەننىڭ № 9 سيمفونياسىمەن جالعاسپاق.

«اسقاق ونەردى باعالاۋشىلارمەن قايتا قاۋىشاتىنىمىزعا ءارى يتالياداعى ەڭ ادەمى تەاترلاردىڭ ءبىرى - گەنۋيالىق تەاتر ساحناسىندا ونەر كورسەتەتىنىمىزگە قۋانىشتىمىز. ءبىزدىڭ ۇجىم يتاليالىق ساحنادا 2015 جىلدان باستاپ وپەرا جانە بالەت سپەكتاكلدەرىن ۇسىنۋدا. سوندىقتان كورەرمەننىڭ كوزايىمىنا اينالىپ ۇلگەردىك. ولار بىزبەن جاڭا كەزدەسۋلەردى اسىعا كۇتەدى، ءبىز ءۇشىن بۇل قۋانىشتى جاعداي»، - دەدى قر ەڭبەك سىڭىرگەن قايراتكەرى، «استانا وپەرا» مەملەكەتتىك وپەرا جانە بالەت تەاترىنىڭ ديرەكتورى عالىم احمەدياروۆ.

وپەرا سوليستەرى، سيمفونيالىق وركەستر مۋزىكانتتارى، حور، بالەت جانە ميمانس ارتىستەرى، گريمدەۋشىلەر، جارىقتاندىرۋشىلار، رەكۆيزيتورلار مەن ساحنا ماشينيستەرى يتاليانىڭ گەنۋيا قالاسىنا اتتاندى.

«كارلو فەليچە» تەاترى 1827 جىلى سالىنعان، ونىڭ ساحناسىندا الەمنىڭ ەڭ تانىمال ديريجەرلەرى مەن ايگىلى وركەسترلەرى، تانىمال بالەت ترۋپپالارى، اتاقتى ورىنداۋشىلار ونەر كورسەتكەن. «كارلو فەليچە» تەاترىندا بارلىعى باسقاشا، ءبىز ساحنانىڭ پلانشەتىن جاۋىپ تۇراتىن تومەنگى پلاتفورمانى پايدالاناتىن بولامىز. وسىلايشا، دەكوراتسيالاردىڭ ەڭ اۋقىمدى جانە اۋىر سالماقتى ەلەمەنتتەرىنىڭ ءبىرى - اباي ءۇيى «تريۋمدە»، ياعني ساحنا استىندا ورنالاساتىن بولادى. جالپى العاندا، سپەكتاكل «استانا وپەرا» تەاترىنداعى تۇپنۇسقا كورسەتىلىمىندەگىدەي ۇسىنىلاتىن بولادى. كورەرمەندەر قويىلىمعا قاتىساتىن جانۋارلاردى دا تاماشالاي الادى» - دەپ ءبولىستى «استانا وپەرا» كوركەمدىك-وندىرىستىك كەشەن جەتەكشىسى ۆيكتور كارارە.

ايتا كەتەيىك، يتاليالىق تەاتر «اباي» وپەراسىن الەمنىڭ 40 ەلىنە ترانسلياتسيا جاسايدى.

Abai.kz