كەشە پارلامەنت سەناتىنىڭ وتىرىسىندا بۇرىن-سوڭدى بولماعان جايت بولدى. پالاتا دەپۋتاتتارى  جوعارعى سوتتىڭ بىردەن التى سۋدياسىن قىزمەتىنەن بوساتۋ تۋرالى ماسەلەنى قارادى. قارجى پوليتسياسى اگەنتتىگىنىڭ پرەزيدەنتتىڭ اتىنا جاساعان ۇسىنىسى بويىنشا قازىلار قىزمەتىنەن كەتتى.

«مەملەكەت باسشىسىنىڭ تاپسىرماسىنا سايكەس، مىنانى حابارلاۋعا رۇقسات ەتىڭىزدەر. قارجى پوليتسياسى اگەنتتىگى پرەزيدەنتتىڭ اتىنا بىرقاتار سۋديالاردى جوعارعى سوتتىڭ سۋدياسى قىزمەتىنەن بوساتۋ تۋرالى ۇسىنىس جاسادى. ولار - الماز تاشەنوۆا، ماقسات ابىلقايىر، ءمارزيا بالتاباي، سايلاۋبەك شاكىشەۆ، باقىتجان جاقىپوۆ، ماركەلەن قالنازاروۆ»،- دەدى مەملەكەت باسشىسىنىڭ وكىلەتتىگى بويىنشا ءسوز سويلەگەن پرەزيدەنت اكىمشىلىگىنىڭ باسشىسى اسلان مۋسين.

ال قارجى پوليتسياسىنىڭ توراعاسى قايرات قوجامجاروۆ باس پروكۋراتۋرامەن بىرلەسكەن جۇمىستىڭ بارىسىندا جوعارعى سوتتىڭ سۋديالارىنىڭ شىنايى بەت-پەردەلەرىن اشقانىن ايتتى. ولاردىڭ سۋديا ادەبىن بۇزعانى، اكىمشىلىك جانە ازاماتتىق ىستەرىندە جەمقورلىققا جول بەرگەنى ءمالىم بولدى.

ەكەۋىنىڭ بايانداماسىنان كەيىن پارلامەنت سەناتى «جوعارعى سوتتىڭ 6 سۋدياسى قىزمەتتەرىنەن بوساتىلسىن» دەگەن شەشىم شىعارىپ، 44 دەپۋتات قولداپ داۋىس بەردى.

كەشە پارلامەنت سەناتىنىڭ وتىرىسىندا بۇرىن-سوڭدى بولماعان جايت بولدى. پالاتا دەپۋتاتتارى  جوعارعى سوتتىڭ بىردەن التى سۋدياسىن قىزمەتىنەن بوساتۋ تۋرالى ماسەلەنى قارادى. قارجى پوليتسياسى اگەنتتىگىنىڭ پرەزيدەنتتىڭ اتىنا جاساعان ۇسىنىسى بويىنشا قازىلار قىزمەتىنەن كەتتى.

«مەملەكەت باسشىسىنىڭ تاپسىرماسىنا سايكەس، مىنانى حابارلاۋعا رۇقسات ەتىڭىزدەر. قارجى پوليتسياسى اگەنتتىگى پرەزيدەنتتىڭ اتىنا بىرقاتار سۋديالاردى جوعارعى سوتتىڭ سۋدياسى قىزمەتىنەن بوساتۋ تۋرالى ۇسىنىس جاسادى. ولار - الماز تاشەنوۆا، ماقسات ابىلقايىر، ءمارزيا بالتاباي، سايلاۋبەك شاكىشەۆ، باقىتجان جاقىپوۆ، ماركەلەن قالنازاروۆ»،- دەدى مەملەكەت باسشىسىنىڭ وكىلەتتىگى بويىنشا ءسوز سويلەگەن پرەزيدەنت اكىمشىلىگىنىڭ باسشىسى اسلان مۋسين.

ال قارجى پوليتسياسىنىڭ توراعاسى قايرات قوجامجاروۆ باس پروكۋراتۋرامەن بىرلەسكەن جۇمىستىڭ بارىسىندا جوعارعى سوتتىڭ سۋديالارىنىڭ شىنايى بەت-پەردەلەرىن اشقانىن ايتتى. ولاردىڭ سۋديا ادەبىن بۇزعانى، اكىمشىلىك جانە ازاماتتىق ىستەرىندە جەمقورلىققا جول بەرگەنى ءمالىم بولدى.

ەكەۋىنىڭ بايانداماسىنان كەيىن پارلامەنت سەناتى «جوعارعى سوتتىڭ 6 سۋدياسى قىزمەتتەرىنەن بوساتىلسىن» دەگەن شەشىم شىعارىپ، 44 دەپۋتات قولداپ داۋىس بەردى.

جيىننان كەيىن باق وكىلدەرى ماسەلەنىڭ ءمان-جايىن ءبىلۋ ءۇشىن بىرنەشە ساۋال قويماق بولعانىمەن، وتىرىسقا قاتىسقان پرەزيدەنت اكىمشىلىگىنىڭ باسشىسى اسلان مۋسين، قارجى پوليتسياسىنىڭ توراعاسى قايرات قوجامجاروۆ، جوعارعى سوتتىڭ سۋدياسى مۇسابەك الىمبەكوۆ تە ەلدەن بۇرىن تايىپ تۇرىپتى.

«مىنانداي جاعدايمەن ەشقاشان بەتپە-بەت كەلگەن ەمەسپىن. بارلىعىمىز قازىر بۇل تۋرالى نە ايتارىمىزدى دا بىلمەي دال بولىپ وتىرمىز. جوعارعى قاداعالاۋشى ورگاننىڭ قىزمەتكەرلەرى جەمقورلىققا جول بەرسە نە بولعانىمىز؟ ولار بيلىكتىڭ بەتپەردەسى، وزگەلەرگە ۇلگى بولاتىن، ادىلدىكتى باسىپ ايتىپ بەرەتىن ادامدار عوي. ءبىز ءوز ءومىرىمىزدى وسىلاردىڭ قولىنا تاپسىرامىز. ولاردىڭ قولىندا ادام تاعدىرى تۇرادى. مىنانداي جەمقورلىق جايلاعان سوتتاردى كوزگە ەلەستەتۋدىڭ ءوزى قورقىنىشتى بولىپ تۇر. قازىر وسىنداي سۋديالار  سوت جۇيەسىنىڭ ادىمىن اشتىرا الماي ءجۇر. بۇل تۋرالى بۇرىننان بارلىق باق بەتتەرىندە جاريالاندى. بىراق، سول كەزدەرى جوعارعى سوت ءوز جارالارىن جاسىرىپ كەلدى. «بىزدە ونداي جاعدايلارعا جول بەرىلمەيدى. قازىر سوت جۇيەسى مۇلدە باسقا. سوت جۇيەسى ءادىل»، - دەپ قاداپ ايتىپ، سەندىرىپ كەلدى؟ قايسى سول ادىلدىك؟ ەندىگى جەردە ءاربىر باسشى ءوز ىسىنە جاۋاپ بەرۋ كەرەك. ەگەر وسى جەردەن جەمقورلىقتىڭ بەلگىسى انىق تابىلاتىن بولسا،  بارلىق باسشىلىق، سونىڭ ىشىندە مۇسابەك الىمبەكوۆ قىزمەتىنەن كەتۋ كەرەك»، - دەيدى سەناتور عاني قاسىموۆ.

www.masa.kz ينتەرنەت گازەتى