تۇركىستان وبلىسىنىڭ اكىمى جانسەيىت تۇيمەباەۆ «KK-KIUNSEN» كومپانياسىنىڭ ديرەكتورى دجون ەنگ سۋن باستاپ كەلگەن دەلەگاتسيامەن كەزدەستى. باسقوسۋدا تاراپتار وڭىرىمىزدە ينۆەستيتسيالىق جوبالاردى جۇزەگە اسىرۋ جايىن اقىلداستى.

ايماق باسشىسى كەزدەسۋدە ءوڭىرىمىزدىڭ ەكونوميكالىق الەۋەتىن تانىستىرىپ، بىرلەسىپ ينۆەستيتسيالىق جوبالاردى جۇزەگە اسىرۋعا دايىن ەكەندىكتەرىن جەتكىزدى.

«وڭتۇستىك كورەيانى جاڭا تەحنولوگيا، اۋىل شارۋاشىلىعى، ءوندىرىس سالالارى دامىعان ەل رەتىندە بىلەمىز. بولاشاقتا اتالعان سالالاردا بايلانىس ورناتىپ، ەكى ەل اراسىنداعى دوستىق قارىم-قاتىناستى نىعايتا تۇسەمىز دەگەن سەنىمدەمىز. تۇركىستان وبلىسى كاسىپورىندار اشىپ، كاسىپكەرلىك سالاسىن دامىتۋعا وتە قولايلى ايماق. سونداي-اق، وڭىرىمىزدە جاڭا جوبالار قۇرىپ، جۇمىس ىستەۋگە نيەتتى ينۆەستورلارعا ءتۇرلى جەڭىلدىكتەر مەن مۇمكىندىكتەر قاراستىلعان»، – دەدى جانسەيىت قانسەيىتۇلى.

كەزدەسۋ بارىسىندا قوناقتار بەيدىبەك اۋدانىنان جالپى قۇنى 7,4 ملرد. تەڭگەنى قۇرايتىن كۇن ەلەكتر ستانتسياسىن سالۋ تۋرالى ۇسىنىسىن ءبىلدىردى. جامبىل اۋىلىندا بوي كوتەرەتىن ستانتسيانىڭ جالپى اۋماعى 1200 گەكتاردى قۇرايدى. جوبا جۇزەگە اسىرىلسا، 10 مۆت. ەلەكتر ەنەرگياسى وندىرىلەتىن بولادى. سونداي-اق، 50 ادام جۇمىسپەن قامتىلادى.

Abai.kz