قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى «باستاپقى دەڭگەي: ءتىل ۇيرەتۋ مەن لەكسيكالىق مينيمۋمدى انىقتاۋ ادىستەمەسى» رەسپۋبليكالىق ونلاين سەمينار وتكىزدى.

ونلاين سەميناردىڭ ماقساتى – «باستاپقى دەڭگەي: ءتىل ۇيرەتۋ مەن لەكسيكالىق مينيمۋمدى انىقتاۋ ادىستەمەسى»، ونلاين رەجيمدە جۇزەگە اسىرۋ ارقىلى قازاق ءتىلىن مەڭگەرتۋدىڭ ادىستەمەسىن جاڭا دەڭگەيگە كوتەرۋ بولعان.

ونلاين سەمينار بارىسىندا عالىمدار مەن بىلىكتى ماماندار «لەكسيكالىق مينيمۋم جانە سوزدەردىڭ قولدانۋ جيىلىگى: بايلانىسى مەن اراقاتىناسى»، «تىلدىك قۇزىرەتتىلىكتەردى قالىپتاستىرۋداعى جاعداياتتىق تاپسىرمالاردىڭ تيىمدىلىگى»، «ءتىل ۇيرەتۋدە زاماناۋي اقپاراتتىق-كوممۋنيكاتسيالىق تەxنولوگيالاردى قولدانۋدىڭ ادىستەمەسى»، «شەت تىلدەردى ۇيرەتۋ ادىستەر: پراكتيكالىق مىسالدار نەگىزىندە»، «باستاپقى دەڭگەي: سىني تۇرعىدان ويلاۋ ادىستەرى ارقىلى سوزدىك قوردى ارتتىرۋ جولدارى»، تاقىرىپتارى اياسىندا بايانداما وقىپ، سەمينارعا قاتىسۋشىلار ونلاين رەجيمى ارقىلى ءوزارا تاجىريبە الماستى.

سونداي-اق ونلاين سەمينارعا قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى قىزمەتكەرلەرى، استانا، الماتى جانە شىمكەنت قالالارى مەن وڭىرلەردەگى مەملەكەتتىك ءتىل وقىتۋ ورتالىقتارىنىڭ، جوعارى وقۋ ورىندارىنىڭ ماماندارى جانە ادىسكەر-عالىمدار قاتىستى.

Abai.kz