بۇل تۋرالى قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆقا سىلتەمە جاساپ قازاقپارات حابارلادى.
قازاقستان ىشكى ىستەر مينيسترلىگى توتەنشە جاعدايلار كوميتەتىنىڭ رەسمي وكىلى نۇرسۇلتان نۇراحمەتوۆتىڭ ايتقان دەرەگى بويىنشا، اپاتقا كەزىككەن اۆتوبۋستا جەتى ادام – ەكى قازاقستاندىق جانە بەس وزبەكستاندىق ازاماتتار وتىرعان. اپات سالدارىنان وزبەكستان ازاماتتارى تۇگەل قازا بولعان، ال كولىك جۇرگىزۋشىسى مەن ونىڭ كومەكشىسى – قازاقستان ازاماتتارى اۋرۋحاناعا جەتكىزىلگەن.
توتەنشە وقيعا قاراشانىڭ 17-ءى كۇنى رەسەيدىڭ ساراتوۆ وبلىسىنداعى وزينسك اۋدانىندا بولعان. ادىن الا مالىمەت بويىنشا، تەمىر جول وتكەلىنە شىعىپ كەتكەن "ساراتوۆ - ورال" باعىتىنداعى جولاۋشىلار اۆتوبۋسىن جۇك پويىزى قاققان.
Abai.kz
