2019 جىلدىڭ 1 قاڭتارىنان باستاپ تۇركىستان وبلىسىنداعى 88 كاسىپورىندا ايلىق جالاقى كوتەرىلىپ، ەڭ تومەنگى جالاقى كوبەيەدى. بۇل تۋرالى تۇركىستان وبلىسىنىڭ اكىمى جانسەيىت تۇيمەباەۆ «ەلباسى جولداۋى مەن «رۋحاني جاڭعىرۋ» باعدارلاماسىن جۇزەگە اسىرۋ جانە تۇركىستان قالاسىن دامىتۋ بارىسى» تاقىرىبىندا  ورتالىق كوممۋنيكاتسيالار قىزمەتىنىڭ تۇركىستان قالاسىندا وتكىزگەن كوشپەلى ءباسپاسوز كونفەرەنتسياسىندا مالىمدەدى.

وبلىس اكىمى قر پرەزيدەنتى ن.نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا ارناعان جولداۋى بويىنشا تۇركىستان وبلىسىندا اتقارىلىپ جاتقان شارالارعا توقتالدى.

"وبلىستاعى كاسىپورىن باسشىلارى ەڭ تومەن جالاقىنى كوتەرۋ ماسەلەسىن قولدايتىنىن ءبىلدىرىپ، ىسكە كىرىستى. بۇگىنگى تاڭعا وبلىس اۋماعىندا 9798 كاسىپورىنى بار. ەڭ تومەنگى جالاقىنى كوتەرۋ بويىنشا ءتۇسىندىرۋ جۇمىستارى جۇرگىزىلىپ، ناتيجەسىندە ازىرگە 88 كاسىپورىنىندا جالاقىنى 2019 جىلدىڭ 1 قاڭتارىنان باستاپ كوتەرۋگە كەلىستى. بۇل تاعى دا كوبەيەدى", - دەدى اكىم.

ايماق باسشىسى ءباسپاسوز جيىنىندا تۇركىستان وبلىسىنىڭ ءبىلىم سالاسىنا ەنگىزگەن JUMYS.SITCEN.KZ جۇيەسىن قازاقستان رەسپۋبليكاسىنىڭ پرەزيدەنتى اكىمشىلىگى رەسپۋبليكادا ەڭ ۇزدىك جۇيە رەتىندە تاڭداعانىن ايتىپ، قازىر باسقا ونىرلەرگە تاراتۋ ماسەلەسى قولعا الىنعانىن جەتكىزدى. بۇل جۇيەنىڭ ارقاسىندا ءبىلىم ۇيالارىنداعى سىبايلاس جەمقورلىق دەرەكتەرى تومەندەمەك.

بيىل جاڭارتىلعان ءبىلىم بەرۋ مازمۇنىمەن ساباق بەرەتىن 32,5 مىڭ پەداگوگتىڭ ايلىق جالاقىسىنا قوسىمشا 30% قوسىلعان. بۇدان بولەك، ول وسى جىلدىڭ قىركۇيەك ايىنان باستاپ جاڭا فورمات بويىنشا 4 200 پەداگوگتىڭ ايلىق جالاقى ساناتتارىنا قاراي 30-50 پايىز ۇستەماقى تولەنىپ جاتقانىن دا مالىمدەدى (1 ملرد. 67 ملن. تەڭگە قارالعان).

وبلىستا 468 197 وقۋشى قامتيتىن 902 ورتا ءبىلىم بەرۋ ۇيىمى جۇمىس ىستەيدى. ءبىلىم بەرۋ ۇيىمدارىندا جالپى 60 555 پەداگوگ كادرلار قىزمەت ەتەدى (2017 جىلى – 55147), وتكەن جىلمەن سالىستىرعاندا 5 408-گە ءوستى.

Abai.kz