ورال. 19 ءساۋىر. قازاقپارات /ەلجان ەرالى/ - سۋ باسقان اۋىلدار مەن وبلىس ورتالىعىندا اكىمدەردىڭ شەشىمىمەن دەپۋتاتتار، ارداگەرلەر، توتەنشە جاعدايلار، تۇرعىن ءۇي-كوممۋنالدىق شارۋاشىلىق ماماندارىنان قۇرىلعان 68 كوميسسيا جۇمىس جاساۋدا.

وبلىس اكىمىنىڭ ءباسپاسوز قىزمەتىنەن حابارلاعانىنداي، الدىن الا مالىمەت بويىنشا تەك جاڭا ۇيلەر قۇرىلىسى ءۇشىن 10 ملرد. 735 ملن. تەڭگە كەرەك. زەلەنوۆ اۋدانىندا جاڭا ۇيلەر سالۋ ءۇشىن جەر تەلىمدەرى ءبولىنىپ، مەردىگەرلىك جانە جوبالاۋ ۇيىمدارى انىقتالدى. تاسقالا اۋدانى مەن ورال قالاسىندا دا وسىنداي جۇمىستار جۇرگىزىلۋدە.

كوميسسيالار جۇمىسى ناتيجەسىندە ماتەريالدىق شىعىن كولەمى ۇلعايىپ وتىر. 1500-دەن استام تۇرعىن ءۇي، 7146 ساياجاي قۇرىلىسى، 7 دەنساۋلىق ساقتاۋ، 4 مادەنيەت نىسانى، 21 مەكتەپ، 10 بالاباقشا مەن مەكتەپكە دەيىنگى مەكەمە سۋعا كەتكەن. رەسپۋبليكالىق ماڭىزى بار جولدىڭ 8, جەرگىلىكتى جولدىڭ 48 بولىگىن سۋ شايىپ كەتكەن.

سۋ تاسقىنى باستالعاننان بەرى 8787 ادام قاۋىپسىز جەرگە كوشىرىلسە، 1005 ادام ەۆاكۋاتسيالىق قوسىندارعا ورنالاستىرىلدى. كىشكەنتاي ءسابيى بار ايەلدەر قوناقۇيلەردەن ورىن تاپتى.

ورال. 19 ءساۋىر. قازاقپارات /ەلجان ەرالى/ - سۋ باسقان اۋىلدار مەن وبلىس ورتالىعىندا اكىمدەردىڭ شەشىمىمەن دەپۋتاتتار، ارداگەرلەر، توتەنشە جاعدايلار، تۇرعىن ءۇي-كوممۋنالدىق شارۋاشىلىق ماماندارىنان قۇرىلعان 68 كوميسسيا جۇمىس جاساۋدا.

وبلىس اكىمىنىڭ ءباسپاسوز قىزمەتىنەن حابارلاعانىنداي، الدىن الا مالىمەت بويىنشا تەك جاڭا ۇيلەر قۇرىلىسى ءۇشىن 10 ملرد. 735 ملن. تەڭگە كەرەك. زەلەنوۆ اۋدانىندا جاڭا ۇيلەر سالۋ ءۇشىن جەر تەلىمدەرى ءبولىنىپ، مەردىگەرلىك جانە جوبالاۋ ۇيىمدارى انىقتالدى. تاسقالا اۋدانى مەن ورال قالاسىندا دا وسىنداي جۇمىستار جۇرگىزىلۋدە.

كوميسسيالار جۇمىسى ناتيجەسىندە ماتەريالدىق شىعىن كولەمى ۇلعايىپ وتىر. 1500-دەن استام تۇرعىن ءۇي، 7146 ساياجاي قۇرىلىسى، 7 دەنساۋلىق ساقتاۋ، 4 مادەنيەت نىسانى، 21 مەكتەپ، 10 بالاباقشا مەن مەكتەپكە دەيىنگى مەكەمە سۋعا كەتكەن. رەسپۋبليكالىق ماڭىزى بار جولدىڭ 8, جەرگىلىكتى جولدىڭ 48 بولىگىن سۋ شايىپ كەتكەن.

سۋ تاسقىنى باستالعاننان بەرى 8787 ادام قاۋىپسىز جەرگە كوشىرىلسە، 1005 ادام ەۆاكۋاتسيالىق قوسىندارعا ورنالاستىرىلدى. كىشكەنتاي ءسابيى بار ايەلدەر قوناقۇيلەردەن ورىن تاپتى.

وبلىس اكىمى باقتىقوجا ىزمۇحامبەتوۆتىڭ ايتۋىنشا، تاسقىن زارداپتارىن جويۋعا بۇكىل قازاقستاننىڭ مەملەكەتتىك جانە جەكە ۇيىمدارى، ۇلتتىق كومپانيالارى، بارشا تۇرعىندار اتسالىسۋدا. ۇكىمەت قاۋلىسىنا سايكەس بۇدان بۇرىن 870 ملن. تەڭگە بولىنگەنى بەلگىلى. سونداي-اق ۇكىمەت قاۋلىسىنا سايكەس باسقا وڭىرلەر، ۇلتتىق كومپانيالار كومەكتەسەتىن بولدى. ايتالىق، ءار ءوڭىر 100 ملن. تەڭگەدەن اۋدارماق. ارنايى ەسەپشوتقا وسىعان دەيىن زاڭدى جانە جەكە تۇلعالاردان 9,6 ملن. تەڭگە تۇسكەن.

«نۇر وتان» حدپ وبلىستىق فيليالىندا، زەلەنوۆ، تاسقالا اۋداندىق بولىمشەلەرىندە تابيعي اپاتتان زارداپ شەككەندەردى قابىلداۋ ۇيىمداستىرىلدى. زارداپ شەككەندەرگە كومەك كورسەتۋ ءۇشىن ءبىرىنشى كەزەكتەگى زاتتار مەن جىلى كيىم جينايتىن وبلىستىق شتاب جۇمىس جاساۋدا.