اۋزىنان ەمشەك ءسۇتى كەپپەگەن بالاباقشا سابيلەرىنەن باستاپ جاپپاي اعىلشىن ءتىلىن وقىتۋ دەگەن دۇنيەجۇزىندە جوق ءىس.
ەڭ وزىق ۇلت جاپوندار بالالارى 14-15 كە كەلمەي بىردە ءبىر باسقا ءتىلدى وقىتپايدى. اتاقتى عالىم دەۆيد كريستال ءبىر ۇلتتى جويىپ جىبەرۋ ءۇشىن ول ۇلتقا قوس تىلدىلىكتى ەنگىزسە جەتەدى، ۇستەم ۇلتتىڭ ءتىلى كىشى ۇلتتىڭ ءتىلىن بۇزادى. ءتىلى بۇزىلعان ۇلت اقىرى جويىلىپ بىتەدى دەگەن.

قازاق قازىر ءتىلىن ورىس تىلىمەن شۇبارلاپ بولدى. جاپوندار بالالارى 15 تەن اسقاسىن، تەك كەرەك بولادى-اۋ دەگەن شەت تىلدەرىن عانا وقىتادى.
عۇلاما شايىر ابۋباكىر كەردەرى: ء"تىلى ەكەۋدىڭ ءدىنى ەكەۋ"دەگەن. ال ءتىلى ۇشەۋ كىم بولىپ شىعادى؟

جاستايىنان بىرنەشە تىلدە ءتىلى شىققان سابيدە اتا-انا، ۇلتىم، ۇلتتىق سانا دەگەننىڭ بولمايتىنى دالەلدەنگەن. قازاقستان بيلىگىندەگىلەر ونىڭ ءبارىن سەنى مەن مەنەن دە جاقسى بىلەدى. ولار وسىنىڭ ءبارىن الدەبىر قۇپيا حالىقارالىق ۇيىمداردىڭ تاپسىرماسىمەن ىستەپ وتىر ما دەپ قورقامىز. گەندەرلىك ساياسات تا سول. ەگەر بيلىك قازاقتىڭ جارتىسىن كيريلليتسا، جارتىسىن لاتىنشا قىلماي ءبارىن لاتىنعا بىردەن كوشىرسە نيەتى ءتۇزۋ دەۋگە بولار ەدى. ال مىناۋ قازاق ۇلتىن ەكىگە ءبولۋ. رەسەي نە باسقا رەسپۋبليكالار نەگە ۇشتىلدىلىك دەگەندى اۋزىنا المايدى؟ الدە قازاقتار ورىستان، جاپوننان، وزبەك، ءازىربايجان، تۇرىك، تاتار ت.ب. بارىنەن وزىپ قايدا بارماقشى؟

لەپىرمەلىكتەن، دابىراشىلدىقتان، ۇرانشىلدىقتان، ماقتانشاقتىقتان، "بەس باستاماشىلدىقتان"-اق جارىلىپ ولەتىن شىعارمىز.

مىرزان كەجەبايدىڭ facebook پاراقشاسىنان

Abai.kz