ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى:تابىس پەن تۇرمىس ساپاسىن ارتتىرۋ” اتتى حالىققا جولداۋىندا اۋىلشارۋاشىلىعى سالاسىنا دا كوپ كوڭىل بولىنگەندىگىن ايتىپ ءوتتى. اۋىلشارۋشىلىعى سالاسىن دامىتۋدىڭ تاعى ءبىر ءتيىمدى جولى سول ونىمدەردى سىرتقا ەكسپورتتاۋ ەكەنى دە بەلگىلى.

وسىعان سايكەس، تۇركىستان وبلىسىنىڭ جۇزىمدەرى رەسەيگە ەكسپورتتالۋدا. جەتىساي اۋدانىندا وسىرىلگەن جۇزىمدەردىڭ ءبىر كەلىسى 120 تەڭگەدەن ساۋدالانىپ وتىر

بۇگىندە اتالعان اۋدانداعى اباي اۋىلدىق وكرۋگىندە 280 گەكتار جۇزىمدىك القابى بار. وڭىردەگى ەڭ ءىرى «ماحارام» شارۋا قوجالىعى ەگىس القابىنىڭ ءار گەكتارىنان 25 تسەنتنەرگە دەيىن ءونىم الۋدا. شارۋالار ءجۇزىمنىڭ «تايفى» سورتىنان جينالعان ءونىمنىڭ باسىم بولىگى رەسەيگە جونەلتىلىپ جاتقانىن ايتادى.

اتالعان قوجالىقتا 42 گەكتار جەرگە ءجۇزىم ەگىلگەن بولسا، سونىڭ 26 گەكتارىنان ءونىم الىنىپ وتىر. قوجالىق توراعاسى ماحارام نيفتاليەۆتىڭ ايتۋىنشا، 1 گەكتارعا شامامەن 2 ميلليون تەڭگەگە جۋىق شىعىن كەتكەن. 50 جىلعا جۋىق ءونىم بەرۋگە قاۋقارلى ءجۇزىم باقتارى جالپى كەتكەن شىعىندى 5-6 جىلدا تولىعىمەن اقتايتىن كورىنەدى.

ايتا كەتەيىك، سوڭعى ءۇش جىلدا وڭىردە جەمىس-جيدەك پەن ءجۇزىمنىڭ ەگىس كولەمى 1,8 مىڭ گەكتارعا ارتىپ، ەگىس كولەمى 30 مىڭ گەكتارعا جەتكەن. ونىڭ ىشىندە جەمىس - 19,5 مىڭ گەكتار، ءجۇزىم - 10,5 مىڭ گەكتاردى قۇرايدى. اعىمداعى جىلى 85 مىڭ توننا جەمىس-جيدەك جانە 70 مىڭ توننا ءجۇزىم جيناۋ جوسپارلانىپ وتىر. سونداي-اق، رەسپۋبليكادا وندىرىلگەن ءجۇزىمنىڭ 72,5 پايىزى تۇركىستان وبلىسىنىڭ ەنشىسىندە.

Abai.kz