ەلباسى ن.نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا شەت ەلدەردەن ينۆەستيتسيا تارتۋدىڭ اسا ماڭىزدى ەكەنىن اتاپ ءوتتى.  

وسىعان وراي، تۇركىستان وبلىسىنان ەربول تاسجۇرەكوۆ باستاعان ارنايى دەلەگاتسيا وكىلدەرى تۇركيا استاناسى انكارادا وتكەن بيزنەس فورۋمعا قاتىسقان بولاتىن. شارادا قوس ەلدىڭ 200-دەن استام رەسمي تۇلعالارى مەن ءىرى كاسىپكەرلەرى باس قوستى.

تۇركىستاندىق كاسىپكەرلەر تۇركيالىق ءىرى حولدينگتەر مەن كومپانيالار باسشىلارىمەن كەلىسسوزدەر جۇرگىزدى.

تۇرىك ينۆەستورلارىنا تۇركىستاننىڭ ينۆەستيتسيالىق تارتىمدىلىعى جوعارى ەكەنىن ايتىلدى. بىرلەسىپ دامىتاتىن جانە كەڭەيتۋگە بولاتىن جەڭىل ونەركاسىپ پەن اگروونەركاسىپتىك كەشەن، تۋريزم سياقتى سالالار تانىستىرىلدى. ناتيجەسىندە ءساتتى بيزنەس جاساۋدا 30 جىلدان استام تاريحى بار تۇركيالىق «DAL Holding Investment Company» حولدينگى تۇركىستان وبلىسىنىڭ 200 گا جەر اۋماعىندا ينۆەستيتسيالىق قۇنى 500 ملن. اقش دوللارىن قۇرايتىن جىلىجاي سالاتىن بولدى.

جوبانى جۇزەگە اسىرۋ بارىسىندا جىلىجاي اۋماعىندا توڭازىتقىش كوكونىس قويماسى سالىنىپ، مىڭنان استام جۇمىس ورنى اشىلادى دەپ كۇتىلۋدە. تۇرىك ەلىنىڭ تاعى ءبىر «Dilmen Dekorasyon inş. Taah. Tic. Ltd Şti» كومپانياسى 2019 جىلى تۇركىستان وبلىسىندا جيھاز شىعاراتىن فابريكانىڭ قۇرىلىسىن باستاماق. جوباعا سايكەس تارتىلاتىن ينۆەستيتسيا كولەمى 5 ملن. اقش دوللارىن قۇرايدى. قوسىمشا 130-دان استام جۇمىس ورنى پايدا بولادى. ال، بالامالى جانە جاڭارتىلاتىن ەنەرگيا كوزدەرىن دامىتۋ باعىتى بويىنشا «Çalık Enerji» جانە «Zorlu Holding - Zorlu Enerji» اتتى ەكى ءىرى تۇرىك كومپانياسى 50 مۆت قۋاتى بار كۇن ەلەكتر ستانتسيالارىن سالامىز دەپ وتىر.

وسى ماقساتتا ولار جالپى قۇنى 120 ملن اقش دوللارى كولەمىندە ينۆەستيتسيا قۇيۋعا دايىن ەكەندىكتەرىن ءبىلدىردى. كەزدەسۋلەر مەن كەلىسسوزدەر قورىتىندىسى بويىنشا تۇركىستان وبلىسى اكىمدىگى مەن ءىرى تۇرىك كومپانيالارىنىڭ اراسىندا جالپى ينۆەستيتسيا كولەمى 625 ملن. اقش دوللارىن قۇرايتىن 4 مەموراندۋم ءتۇزىلدى. قوس تاراپ بۇل مەموراندۋمدار قازاقستان جانە تۇركيا ەلدەرىندەگى بيزنەستىڭ باسەكەگە قابىلەتتىلىگىن ارتتىرۋدىڭ ماڭىزدى مەحانيزمىنە اينالاتىندىعىنا سەنىمدى. سونداي-اق، تىعىز كوممەرتسيالىق بايلانىستاردى دامىتىپ، ەكىجاقتى ينۆەستيتسيالار كولەمىنىڭ ۇلعايۋىنا جانە تەحنولوگيالار ترانسفەرتىنە نەگىز بولادى دەپ وتىر.

Abai.kz