تۇركىستان وبلىسىندا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ باعدارلاماسى اياسىندا بيىل 65 مىڭ ادامدى جۇمىسپەن قامتۋ جوسپارلانسا، اعىمداعى جىلدىڭ 9 ايىنىڭ قورىتىندىسى بويىنشا ناقتى 54 مىڭ ادام جۇمىسقا ورنالاسقان، دەپ حابارلايدى  Abai.kz اقپاراتتىق پورتالى تۇركىستان وبلىسى اكىمدىگىنىڭ ءباسپاسوز قىزمەتىنە سىلتەمە جاساي وتىرىپ.

بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى مۇحيت وتارشيەۆ مالىمدەدى. اتالعان باعدارلاما 3 باعىت بويىنشا جۇزەگە اسىرىلادى. ماسەلەن، تەحنيكالىق جانە قىسقا مەرزىمدى كاسىپتىك وقىتۋمەن قامتاماسىز ەتۋگە 7953 ادام وقۋعا جولدانعان.

«ءار اۋىلعا ءوز شەبەرى» اكتسياسى بويىنشا 2600 ازامات وقۋعا جىبەرىلىپ، ونىڭ ىشىندە وقۋدى اياقتاعان 2 مىڭ ادامنىڭ 1200-ءى نەمەسە 63 پايىزى تۇراقتى جۇمىسقا ورنالاسقان. ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلاماسىنا سايكەس، ۇلتتىق قولونەر شەبەرلەرى، ۇلتتىق تاعامداردى ازىرلەۋ اسپازشىسى، سۋرەتشى، كەسكىندەمەشى ماماندىقتارى جانە ءداندى داقىلداردى وندەۋ، اگروتەحنيكالىق ماماندىقتار بويىنشا 2 مىڭ ادام ءبىلىم الۋدا. ونىڭ 1400-ءى وقۋدى اياقتاپ، 1 مىڭ ادام تۇراقتى جۇمىسقا ورنالاسقان»، - دەدى مۇحيت بايمۇحانبەتۇلى.

جاپپاي  كاسىپكەرلىكتى دامىتۋ باعىتى بويىنشا «باستاۋ-بيزنەس» جوباسى اياسىندا وقىتۋعا 1730 ادام وقۋعا جولدانىپ، ءتيىستى سەرتيفيكاتتارىن العان. سەرتيفيكات العان 215 مامان 1,1 ملرد. تەڭگە كولەمىندە شاعىن نەسيەمەن قامتاماسىز ەتىلدى. شاعىن نەسيەمەن قامتاماسىز ەتۋگە جوسپارلانعان 792 ادامنىڭ 543-ءى  2,3 ملرد. تەڭگە كولەمىندە شاعىن نەسيە الىپ، ناتيجەسىندە 842 جاڭا جۇمىس ورنى قۇرىلدى.

باسقارما تاراپىنان حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ شەڭبەرىندە 43700 ادامعا قىزمەت كورسەتىلىپ، ناتيجەسىندە وڭىردەگى جالپى جۇمىسسىزدىق دەڭگەيى 5,2 پايىز، جاستار اراسىنداعى جۇمىسسىزدىق 4,4 پايىز كولەمىندە بولىپ وتىر.

Abai.kz