تۇركىستان قالاسىن 3 مەكەمە تازا اۋىزسۋمەن قامتاماسىز ەتەدى. سونىڭ ءبىرى تۇركىستان سۋ مەملەكەتتىك كوممۋنالدىق مەكەمەسى. اتالعان مەكەمە شاھارداعى 28 مىڭنان استام ابونەنتتى تىرشىلىك نارىمەن قامتاماسىز ەتەدى، دەپ جازادى Abai.kz اقپاراتتىق پورتالى ernur.kz سايتىنا سىلتەمە جاساي وتىرىپ.

مامانداردىڭ ايتۋىنشا، تۇركىستان ووبلىسىندا الداعى 30 جىلدا اۋىز سۋدان تاپشىلىق بولمايدى.

سەبەبى، قازىر قالانى تىرشىلىك نارىمەن قامتاماسىز ەتىپ وتىرعان سۋ كوزدەرىندەگى قور جەتكىلىكتى. جەر استى سۋلارىنا زەرتتەۋ جۇرگىزگەن ماماندار قورىتىندىسى وسى. بىراق، قالادا كوڭىل ءبولۋدى قاجەت ەتەتىن باسقا ءبىر ماسەلە بار. ول، وسىدان 35 جىل الدىن سالىنعان قۇبىرلاردىڭ توزۋى. ماماندار بەرگەن مالىمەتكە سۇيەنسەك تۇركىستانداعى 1982 جىلى توسەلگەن شويىن جانە ازبەست قۇبىرلاردىڭ بۇگىندە 60 پايىزدايى ەسكىرگەن.

تۇركىستان قالاسىنىڭ تۇرعىندارىن ءۇش بىردەي مەكەمە تازا اۋىزسۋ مەن قامتاماسىز ەتەدى. سونىڭ ءبىرى ءھام بىرەگەيى تۇركىستان سۋ مەملەكەتتىك كوممۋنالدىق مەكەمەسى.

اتالعان مەكەمە شاھارداعى 28 مىڭنان استام ابونەنتتى تىرشىلىك نارىمەن قامتاماسىز ەتەدى.

ستاتيستيكالىق مالىمەتتتەرگە سۇيەنسەك، سوڭعى ۋاقىتتا قالادا ورتالىقتاندىرىلعان سۋ جۇيەسىنە قوسىلعان ابونەنتتەر سانى ارتقان. تەك وتكەن جىلدىڭ وزىندە 5278 ابونەنت جاڭادان قوسىلعان. كەلەسى جىلى بۇل كورسەتكىش تاعىدا ارتا تۇسپەك.

سەيىلبەك دايراباەۆ، «تۇركىستان سۋ» كمم ديرەكتورى:

-قىزىلوردا تراسساسىنىڭ بويىندا 27 مەكتەپكە دەيىنگى اۋماقتا ول جەردە 3500-4000 داي ءۇي بار. سول جەردە قازىر اۋىزسۋ جۇيەلەرى جۇرگىزىلىپ جاتىر. ول كەلەسى جىلعا وتپەلى. بۇيىرتسا 2019 جىلدىڭ جازىندا قوسامىز. نەگىزىندە شاھارعا تازا اۋىز سۋ ءۇش قويمادان جەتكىزىلەدى. ونىڭ ءبىرى تىرشىلىك ءنارىن الدىن الا تولتىرىپ الىپ تاراتسا، قالعان ەكەۋى ۇڭعىمادان تارتۋ ارقىلى تىكەلەي تازارتىپ جەتكىزەدى. ودان بولەك، قاجەتتىلىككە قاراي تاعى كىشىگىرىم سۋ ۇڭعىمالارىنان دا تازا سۋ تارتىلادى. قىسقاسى قالا قانشالىقتى ۇلكەيسە دە قۇبىر سۋىنان تاپشىلىق تۋىندامايدى.

7-8 اي سۋ الىپ تۇرامىز دا جازدا سۋدىڭ پايدالانۋ كورسەتكىشى كوبەيگەندە ءوزىمىزدىڭ بارلىق سۋ ۇڭعىمالارىمىزدى قوسامىز. بىزدە 21 ۇڭعىما بار. سول ارقىلى قاجەتتىلىكتى وتەيمىز. ال، ەسكىرگەن سۋ قۇبىرلارىن جاڭارتۋ ءۇشىن مەكەمە ماماندارى ارنايى جول كارتاسىن ازىرلەپ جاتىر. سول جۇمىس اياقتالسا، قالاداعى 37 شاقىرىمداي اسبەست جانە شويىن قۇبىرلار الماستىرىلادى. سەبەبى، قازىر قالانى تىرشىلىك نارىمەن قامتاماسىز ەتىپ وتىرعان سۋ كوزدەرىندەگى قور جەتكىلىكتى، - دەيدى.

Abai.kz