تۇركىستان وبلىسىنىڭ كەلەس اۋدانىندا بيىل 11 مەديتسينالىق پۋنكت اشىلىپ، ەل يگىلىگىنە بەرىلدى، دەپ حابارلايدى Abai.kz اقپاراتتىق پورتالى حابار اگەنتتىگىنىڭ اقپاراتتار قىزمەتىنە سىلتەمە جاساي وتىرىپ.

مەديتسينالىق تىرەكتەردىڭ تورتەۋى قوشقار اتا اۋىلدىق وكرۋگىندەگى ەلدى مەكەندەردە بوي كوتەرسە، بىرتىلەك پەن اقتوبە اۋىلدىق وكرۋگتەرىندە دە ءتورت نىسان سالىنعان. قالعاندارى بىرلىك، بوزوي جانە جۇزىمدىك اۋىلدارىنا تيەسىلى.

بۇل مەديتسينالىق بەكەتتەردىڭ بارلىعى وبلىس اكىمىنىڭ قولداۋىمەن ارنايى ينۆەستورلاردىڭ قارجىسىنا سالىنعان. ماسەلەن، 1300-دەن اسا حالىق تۇراتىن بەساۋىل ەلدى مەكەنىندە پايدالانۋعا بەرىلگەن مەديتسينالىق پۋنكت قاجەتتى قۇرال-جابدىقتارمەن تولىق قامتىلعان. بۇندا جۇكتى ايەلدەردى ەسەپكە الۋ، بالالارعا مەديتسينالىق كومەك كورسەتۋ جانە زاماناۋي ەگۋ بولمەلەرى بار. ال جامبىل ەلدى مەكەنىندە اشىلعان مەديتسينالىق تىرەكتى تۇرىك كومپانياسى نەمىس تەحنولوگياسىمەن سالىپ بەرگەن. جوبالىق قۇنى – 30 ملن تەڭگە.

ساۋلە قۇتىشەۆا، اعا دارىگەر:

- بىزگە ەڭ ءتيىمدى جەرى وسى ەلدى مەكەندە 950 حالىق بار. سول حالىققا مەديتسينالىق كومەكتىڭ جاقسى ءارى ساپالى بولۋى ءۇشىن وى جەردە فەلدشەر جانە اكۋشەرلەر جۇمىس ىستەيدى. بۇرىن بىزدە فەلدشەر عانا وتىراتىن. سول ءۇشىن اكۋشەر بولمەسى اشىلىپ، تۋ جاسىنداعى ايەلدەر ءۇشىن بارلىق جاعدايلار جاسالىپ وتىر.

Abai.kz