قر پرەزيدەنتى نۇرسۇلتان نازارباەۆتىڭ حاتتامالىق تاپسىرماسىن ورىنداۋ شەڭبەرىندە تۇركىستان قالاسىنا العاشقى بولىپ پاۆلودار وبلىسىنىڭ ساۋلەت جانە قالا قۇرىلىسى باسقارماسىنىڭ باسشىسى نۇرلان قاقامبەتوۆ پەن باتىس قازاقستان وبلىسىنىڭ قۇرىلىس باسقارماسىنىڭ باسشىسى التىنبەك قايساعاليەۆ كەلدى.

بۇل تۋرالى Abai.kz اقپاراتتىق پورتالى وبلىس اكىمدىگىنىڭ ءباسپاسوز قىزمەتىنە سىلتەمە جاساي وتىرىپ.

قالا قوناقتارى وبلىس اكىمى جانسەيىت تۇيمەباەۆتىڭ قابىلداۋىندا بولىپ، "تۇركىستان وبلىسىنىڭ تاريحي-كيەلى ورىندارىنىڭ ورتالىعى" عيماراتىنىڭ قۇرىلىسى بويىنشا ماجىلىسكە قاتىستى.

"ەلباسى تاپسىرماسىنا سايكەس، تۇركىستان قالاسىندا سالىناتىن نىسانداردى تالقىلاپ، زەردەلەۋگە ەڭ العاشقى بولىپ پاۆلودار مەن باتىس قازاقستان وبلىسىنىڭ وكىلدەرى كەلىپ وتىر. ول ءۇشىن سىزدەرگە جانە پاۆلودار وبلىسىنىڭ اكىمى بولات باقاۋوۆ پەن باتىس قازاقستان وبلىسىنىڭ اكىمى التاي كولگىنوۆكە العىسىمدى بىلدىرەمىن. الدىمەن الاڭداعى تاريحي ەسكەرتكىشتەردىڭ ورنالاسۋ ءتارتىبى رەتتەلۋ كەرەك. تۋريستەرگە جانە قالا تۇرعىندارى ءۇشىن ىڭعايلى بولۋ ءۇشىن ساۋدا ورىندارى جۇمىس جاساپ، وتباسىلىق سەرۋەندەۋگە جان-جاقتى جاعداي جاسالۋى ءتيىس. ورتالىقتا بوي كوتەرەتىن كەشەندەردىڭ دالمە-ءدال كوشىرمەسىنىڭ بيىكتىگى شامامەن 3-4 مەتر بولادى. قويىلعان تاپسىرمانى تياناقتى ورىنداۋ ءۇشىن ۇشجاقتى كەلىسىمگە كەلىپ، جول كارتاسىن ازىرلەيمىز", - دەدى جانسەيىت تۇيمەباەۆ.

جيىن بارىسىندا ءوڭىر باسشىسى قۇرىلىس جۇمىستارى بيىل باستالۋ كەرەكتىگىن اتاپ ءوتتى. ءوز كەزەگىندە قالا قوناقتارى جاڭا وبلىس ورتالىعىنىڭ كوركەيۋىنە بارىنشا قولداۋ كورسەتۋگە دايىن ەكەندەرىن جەتكىزدى.

Abai.kz