تۇركىستان وبلىسىنىڭ سارىاعاش اۋدانىنداعى تۇقىم باق جىلىنا 1 ملن كوشەت وندىرەدى. وندا الما، القورى، الشا، ءجۇزىم جانە شيە سياقتى جەمىس-جيدەك تۇرلەرى مەن تروپيكالىق جانە ەكزوتيكالىق وسىمدىكتەردىڭ دە كوشەتتەرى بار.

بۇل تۋرالى Abai.kz اقپاراتتىق پورتالى حابار اگەنتتىگىنىڭ اقپاراتار قىزمەتىنە سىلتەمە جاساي وتىرىپ حابارلايدى.

تروپيكالىق جەمىستەر جىلىجايدىڭ ىشىندە وسىرىلەدى. مۇندا گرەك جاڭعاعى، ءىنجىر، انار داقىلى دا جەرسىندىرىلگەن. تۇقىم باق ماماندارى ەندى كيۆي ءوسىرۋدى دە قولعا الىپتى. ودان بولەك، جىلىجايدا 210 ءتۇپ انالىق ليمون اعاشى جايقالىپ تۇر. قازىر جەمىسى كوزدىڭ جاۋىن الادى. تۇقىم باق قىزمەتكەرلەرىنىڭ ايتۋىنشا، كۇتىمى جاقسى بولسا مۇنداعى ءبىر ءتۇپ ليمون 20 كگ دەيىن ءونىم بەرەدى. جالپى تۇقىم باقتىڭ اۋماعى – 100 جەكتار. ونىڭ 2,5 گەكتارىندا جىلىجاي ورنالاسقان. مۇندا 50-گە جۋىق ادام جىل ون ەكى اي جۇمىس ىستەيدى.

تاناباي شىنتاسوۆ، تۇقىم باق باسشىسى:

– كەم دەگەندە ءبىر كوشەت شىعارۋ ءۇشىن ءۇش جىل ۋاقىت كەرەك. وعان قاجەتتى انالىعىن دا 3 جىل ۇستاۋ كەرەك. سونىڭ بارلىعىن ءۇش جىل ۇستاعانان كەيىن بارىپ، كوشەت شىعارۋ كەرەك. جۇمىس وتە اۋىر. ىستەلەتىن جۇمىستاردىڭ بارلىعى قولمەن جاسالادى. بۇل جەردە قول جۇمىسى وتە كوپ.

Abai.kz