بەيسەنبى, 3 ءساۋىر 2025
3249 0 پىكىر 27 قاراشا, 2018 ساعات 22:07

سايرام اۋدانىندا 13,9 ملرد.تەڭگە ينۆەستيتسيا تارتىلعان

ەلباسى ن.نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىنىڭ نەگىزى – حالىقتىڭ الەۋمەتتىك جاعدايىن جاقسارتۋمەن قاتار وڭىرلەر دامۋىنا قولداۋ كورسەتۋ ەكەنى ءسوزسىز. وسى باعىتتا تۇركىستان وبلىسىندا ءتۇرلى جۇمىستار اتقارىلىپ جاتىر.

سايرام اۋدانىندا 2018 جىلدىڭ 10 ايىندا 13,9 ملرد.تەڭگە ينۆەستيتسيا تارتىلعان. وبلىس كولەمىندە ينۆەستيتسيا بويىنشا اۋداننىڭ ۇلەسى 6,5 پايىزدى قۇرايدى. بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە سايرام اۋدانىنىڭ اكىمى باقتيار ماماەۆ مالىمدەدى.

تۇركىستان وبلىسىنىڭ وڭىرلىك كوممۋنيكاتسيالار قىزمەتىنىڭ حابارلاۋىنشا، اۋدانداعى كاسىپكەرلىك سالاسى بويىنشا بەلسەندى سۋبەكتىلەردىڭ سانى 14665 بىرلىككە جەتىپ، ءوسىم 12,8 پايىزدى قۇراعان.

«وڭىردە 324 شاعىن جانە ورتا كاسىپكەرلىك سۋبەكتىلەرى تىركەلىپ، وندا 992 جۇمىس ورنى اشىلعان. 2018 جىلى كاسىپكەرلىك سالاسىندا 85,8 ملرد.تەڭگەنىڭ ءونىمىن ءوندىرۋ جوسپارلانىپ، 10 اي كولەمىندە 93,7 ملرد.تەڭگە ءونىمى وندىرىلگەن. ناتيجەسىندە جىلدىق جوسپار 109,2 پايىزعا ورىندالعان. سونداي-اق، «بيزنەستىڭ جول كارتاسى 2020» باعدارلاماسى اياسىندا 10 اي كولەمىندە 5 جوباعا 103 ملن.تەڭگەگە قولداۋ كورسەتىلدى. كاسىپكەرلىكتى قارجى ينستيتۋتتارى ارقىلى قارجىلاي قولداۋ ماقساتىندا اۋدان كولەمىندەگى ميكروكرەديتتىك ۇيىمدار ارقىلى 8 مىڭعا جۋىق ادامعا 4 ملرد. 367 ملن.تەڭگە نەسيە بەرىلگەن»، - دەدى باقتيار ءساپارالىۇلى.

تۇرعىن ءۇي كوممۋنالدىق شارۋاشىلىق سالاسى بويىنشا اۋدانداعى 42 ەلدى مەكەننىڭ 97,6 پايىزى ورتالىقتاندىرىلعان اۋىز سۋ قۇبىرىمەن قامتاماسىز ەتىلگەن. تابيعي گازبەن اۋدانداعى 42 ەلدى مەكەننىڭ 19 ەلدى مەكەنى نەمەسە 45,2 پايىزى قامتىلعان. دامۋ كونتسەپتسياسىنا سايكەس 2018-2021 جىلدار ارالىعىندا 23 ەلدى مەكەن تۇرعىندارىن تابيعي گازبەن قامتاماسىز ەتىپ، 100 پايىزعا جەتكىزۋ جوسپارلانىپ وتىر.

سونداي-اق، اعىمداعى جىلى اۋداندىق ماڭىزى بار 8 شاقىرىم جولدى كۇردەلى جوندەۋدەن وتكىزۋ جانە 72,7 شاقىرىم 66 ىشكى جولداردى ورتاشا جوندەۋدەن وتكىزۋ جۇمىستارىنا بارلىعى 1735,1 ملن.تەڭگە بولىنگەن.

سونىمەن قاتار، 18,5 شاقىرىمدى قۇرايتىن 20 كوشەگە ورتاشا جوندەۋ جۇرگىزىلىپ، ناتيجەسىندە 81,1 شاقىرىم جولدىڭ جاعدايى جاقسارىپ، اۋدانداعى قاناعاتتانارلىق جاعدايداعى جولدار ۇلەسى 8,2 پايىزعا وسكەن.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1119
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3606
46 - ءسوز

بىزگە بەيمالىم باراق حان

جامبىل ارتىقباەۆ 2600