استانا. 21 ءساۋىر. قازاقپارات /قانات مامەتقازىۇلى/ -   بۇگىن قر پارلامەنتى سەناتىنىڭ جالپى وتىرىسىندا پالاتا دەپۋتاتتارى «قر كەيبىر زاڭنامالىق اكتىلەرىنە رۇقسات بەرۋ جۇيەسىن جەتىلدىرۋ ماسەلەلەرى بويىنشاوزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا قوس پالاتا اراسىندا كەلىسىم كوميسسياسىن قۇرۋ تۋرالى ماسەلەنى قارادى. ەستەرىڭىزگە سالا كەتەيىك، بۇعان دەيىن ءماجىلىس ماقۇلداعان زاڭ جوباسىنا سەنات بىرقاتار تۇزەتۋ جاساپ، قۇجاتتى كەرى قايتارعان بولاتىن. وسىعان وراي، ءماجىلىس تاراپىنان كەلىسىم كوميسسياسىن قۇرۋ تۋرالى باستاما جاسالدى.

استانا. 21 ءساۋىر. قازاقپارات /قانات مامەتقازىۇلى/ -   بۇگىن قر پارلامەنتى سەناتىنىڭ جالپى وتىرىسىندا پالاتا دەپۋتاتتارى «قر كەيبىر زاڭنامالىق اكتىلەرىنە رۇقسات بەرۋ جۇيەسىن جەتىلدىرۋ ماسەلەلەرى بويىنشاوزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا قوس پالاتا اراسىندا كەلىسىم كوميسسياسىن قۇرۋ تۋرالى ماسەلەنى قارادى. ەستەرىڭىزگە سالا كەتەيىك، بۇعان دەيىن ءماجىلىس ماقۇلداعان زاڭ جوباسىنا سەنات بىرقاتار تۇزەتۋ جاساپ، قۇجاتتى كەرى قايتارعان بولاتىن. وسىعان وراي، ءماجىلىس تاراپىنان كەلىسىم كوميسسياسىن قۇرۋ تۋرالى باستاما جاسالدى.
زاڭ جوباسىنا كەلەتىن بولساق، قۇجات رۇقسات بەرۋ سالاسىنداعى زاڭنامانى ودان ءارى جەتىلدىرۋگە ارنالىپ وتىر. مەملەكەت باسشىسىنىڭ جولداۋلارىندا ۇكىمەتكە اكىمشىلىك رەفورما شەڭبەرىندە بيزنەسكە تۇسەتىن اكىمشىلىك جۇكتەمەنى باتىل ازايتۋ، رۇقسات بەرۋ جۇيەسىن، ەڭ الدىمەن ليتسەنزيالاۋدى، سەرتيفيكاتتاۋدى، اككرەديتتەۋدى ودان ءارى وڭايلاتۋدى تاپسىرعان بولاتىن. وسى ماقساتتى جۇزەگە اسىرۋ ءۇشىن اتالعان زاڭ جوباسى ازىرلەنگەن. زاڭ جوباسىمەن 54 زاڭنامالىق اكتىگە، ونىڭ ىشىندە 5 كودەكس پەن 49 زاڭعا وزگەرىستەر ەنگىزىلەدى. ەنگىزىلگەن وزگەرىستەر جەكەلەگەن رۇقسات بەرۋ قۇجاتتارىن بەرۋ جونىندەگى نورمالاردى، ارتىق تالاپتاردى، زاڭنامالىق اكتىلەر نورمالارىنىڭ اراسىنداعى قايشىلىقتاردى الىپ تاستاۋعا سەپتىگىن تيگىزەدى. بۇدان بولەك، قۇجاتتا ليتسەنزيا بەرۋ مەرزىمىن قىسقارتۋعا، قىزمەت تۇرلەرىنىڭ اتاۋلارىن وزگەرتۋ جولىمەن جەكەلەگەن قىزمەت تۇرلەرىن ليتسەنزيالاۋ جونىندەگى تالاپتاردىڭ قولدانىلۋ سالاسىن ىقشامداۋعا باعىتتالعان نورمالار قامتىلادى.

كەلىسىم كوميسسياسىنىڭ قۇرامىنا سەنات تاراپىنان ءتورت دەپۋتات ۇسىنىلدى. ولار - تالعاتبەك ءابايدىلدين، سەرىك اقىلباي، ميحايل بورتنيك، قايسار وماروۆ.