ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا حالىقتى باسپانامەن قامتۋ ماسەلەسىنە ارنايى توقتالعان بولاتىن. وسى باعىتتا ارنايى “7-20-25” اتتى مەملەكەتتىك باعدارلاما دا قابىلدانعان ەدى.

وسى باعىتتا، تۇركىستان وبلىسى، ورداباسى اۋدانىندا سالىنىپ جاتقان قىزمەتتىك ۇيلەردىڭ قۇرىلىسى اياقتالۋعا جاقىن. 12 پاتەرلىك 2 كوپقاباتتى ءۇي باسپاناسىز جۇرگەن مەديتسينا قىزمەتكەرلەرى مەن مۇعالىمدەرگە، ىشكى ىستەر ورگاندارىندا قىزمەت ەتەتىندەرگە بەرىلمەك. 1 تامىز كۇنى ىرگەتاسى قالانعان عيماراتتىڭ كىلتى 2019 جىلدىڭ كوكتەمىندە تاپسىرىلادى دەپ كۇتىلۋدە. ءدال وسىنداي 1 قىزمەتتىك ءۇي بادام ەلدى مەكەنىندە دە سالىنىپ جاتىر. قىزمەتتىك ۇيلەردى «ستروي-جول سەرۆيس» جشس ءوز قاراجاتى ەسەبىنەن تۇرعىزۋدا. جۇمىستى اياقتاپ، كىلتىن تاپسىرار ۋاقىتتا مەملەكەت ءوز مەنشىگىنە ساتىپ الماق. بۇل ماقساتقا 222 000 000 تەڭگە قاراستىرىلىپتى.

بۇدان بولەك تەمىرلان ەلدى مەكەنىنەن 600 ورىندى ەكى مەكتەپتىڭ، 300 ورىندى ءبىر ءبىلىم ورداسىنىڭ قۇرىلىسى باستالعان. جەڭىمپاز دەپ تانىلعان مەردىگەر كومپانيالار «اۆتورەمستروي لتد»، «متس-تولەگەن» مەن «ا.ر.ت. قۇرىلىس» جاۋاپكەرشىلىگى شەكتەۋلى سەرىكتەستىكتەرىنىڭ ۇجىمى جۇمىستى دەر كەزىندە اياقتاۋعا بەل شەشە كىرىسكەن. سونداي-اق، جەكە تۇرعىن ۇيلەردى ينجەنەرلىك-كوممۋنيكاتسيالىق جۇيەلەرمەن قامتاماسىز ەتۋ جۇمىستارى دا قولعا الىنعان. اتاپ ايتقاندا، تەمىرلان ەلدى مەكەنىندەگى «سامال» شاعىناۋدانىندا اۋىزسۋ قۇبىرى تارتىلىپ، جول سالىنىپ، ەلەكتر جەلىسى جۇرگىزىلۋدە. اتالعان نىسان قۇرىلىسىنا وبلىستىق بيۋدجەتتەن قارجى قارالعان. كەلىسىمشارتقا ساي بۇل جۇمىستار 2020 جىلعا دەيىن جالعاسپاق. بۇگىنگى تاڭدا مەردىگەر كومپانيا دەپ تانىلعان «رسۋ-1» جشس تەمىرلان ەلدى مەكەنىندەگى شاعىناۋداننىڭ باس جوسپارىنا ساي كوشەلەردى بەلگىلەپ، جولداردى تەگىستەپ جاتىر.

سونداي-اق، ايماقتا بالاباقشا سالىپ بەرۋگە نيەتتى جانداردىڭ قاتارى كوبەيىپ كەلەدى. سونىڭ ءبىرى – قاجىمۇقان اۋىل وكرۋگىنە قاراستى كوكتوبە اۋىلىندا مەملەكەتتىك-جەكەمەنشىك ارىپتەستىك اياسىندا جۋىردا عانا اشىلعان 100 ورىندى «ىلەس اپا» بالاباقشاسى. كاسىپكەر دينا جۇماباەۆا بالاباقشا اشۋ ارقىلى اۋىل تۇرعىندارىن دا جۇمىسپەن قامتىعان. بۇگىندە مۇندا 22 ادام جۇمىس ىستەيدى. كوكتوبە اۋىلىنداعى جاڭا بالاباقشانىڭ پايدالانۋعا بەرىلۋى كوپتەگەن اتا-انانى قۋانىشقا بولەگەن. بالالار دا ءماز-مەيرام. مۇندا بالاقايلاردىڭ دۇرىس ءتالىم-تاربيە الۋىنا بارلىق جاعداي جاسالىپتى. بۇدان الدىن بىرقاتار بالاباقشادا جۇمىس ىستەپ، وسى سالادا تەرەڭ تاجىريبە جيناعان زاميرا ابجانوۆا وسىندا مەڭگەرۋشى قىزمەتىن اتقارۋدا.

سونىمەن قاتار، جاس مامانداردى ۇيرەتۋدەن جالىقپايدى. مۇندا ءۇش تىلدە ءبىلىم بەرۋ جۇيەسى قولداۋ تاۋىپتى. اعىلشىن، ورىس ءتىلى جانە بي، مۋزىكا پاندەرى دە وتەدى. اتا-انالار بالاقايلاردى 1,5 جاستان باستاپ اكەلە الادى ەكەن. سونداي-اق، بوبەكتەردى تاسىمالداۋ جۇيەسى دە ەنگىزىلگەن. «بالاباقشانىڭ جانىندا تۇرسا دا اتا-انالار بالالارىن كولىككە مىنگىزۋ ءۇشىن كۇتىپ تۇرادى. اۋىل بۇلدىرشىندەرى ءۇشىن بۇل دا ءبىر قىزىق بولىپ تۇر» دەپ كۇلىپ الدى بالاباقشا مەڭگەرۋشىسى.

ءيا، مۇنداي يگى ءىستىڭ شالعاي اۋىلداردا جۇزەگە اسىپ جاتقانى قۋانتادى. بالا – ءومىردىڭ گۇلى، ەلىمىزدىڭ بولاشاعى. ولاردىڭ كەلەشەگىنىڭ جارقىن بولۋى ءۇشىن مەملەكەت تە ايانىپ قالمايدى. زاماناۋي تالاپتارعا ساي جابدىقتالعان بالاباقشالار، مەكتەپتەر اشىلىپ، پايدالانۋعا بەرىلۋدە.

Abai.kz