«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

تۇركىستان وبلىسى

تۇركىستان وبلىسى ءبىلىم سالاسىنداعى تسيفرلاندىرۋ جۇيەسىن رەسپۋبليكادا ەڭ ءبىرىنشى قولعا العان ءوڭىر. وبلىس اكىمى جانسەيىت تۇيمەباەۆتىڭ قولداۋىمەن جۇزەگە اسقان بۇل جۇيە ءبىلىم سالاسىنداعى اشىقتىق پەن قولجەتىمدىلىككە باعىتتالعان. تۇركىستان وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە ءبىلىم باسقارماسى باسشىسىنىڭ ورىنباسارى ارداق سادىقوۆا وسىلاي مالىمدەدى.

ونىڭ ايتۋىنشا، وبلىستاعى 1371 مەكتەپكە دەيىنگى ءبىلىم بەرۋ ۇيىمدارىنا 140 034 بالا قامتىلعان. «بۇگىنگى تاڭدا «مەكتەپكە دەيىنگى ءبىلىم بەرۋ ۇيىمدارىنا جولداما بەرۋ جانە كەزەككە قويۋدى اۆتوماتتاندىرۋ» جوباسىنا – 481 مەكەمە، ياعني 35 پايىزى قامتىلعان. Balabaqsha.sitcen.kz پورتالىنا قوسۋ ارقىلى 2018 جىلدىڭ سوڭىنا دەيىن بۇل كورسەتكىشتى 100 پايىزعا جەتكىزۋ جوسپارلانۋدا. سونىمەن قاتار، مەكتەپكە وقۋشىلاردى ەلەكتروندى قابىلداۋ جۇيەسى بويىنشا اعىمداعى جىلدىڭ شىلدە ايىنان باستاپ وبلىستاعى 902 مەكتەپتىڭ بارلىعى mektep.sitcen.kz پورتالى ارقىلى ءبىلىم بەرۋ ۇيىمدارىنا قۇجاتتاردى قابىلداۋ سىندى قىزمەتتەر اۆتوماتتاندىرىلدى. اتالعان جۇيە تۇركىستان وبلىسىنىڭ بارلىق اۋداندارىنداعى مەكتەپتەرىندە قوسىلىپ، بۇگىنگى كۇنى جۇيە ارقىلى 54 751 وقۋشى ەلەكتروندى تۇردە 1-سىنىپقا قابىلداندى»، – دەدى ارداق مادىحانقىزى.

ايتا كەتەرلىگى، جۇيەنىڭ تيىمدىلىگى اتا-انا مەكتەپكە بارماي-اق ۇيىندە وتىرىپ قالاعان مەكتەبىنە 1-سىنىپقا قابىلداۋعا ءوتىنىش بەرىپ، ءوتىنىمنىڭ قابىلدانعانى تۋرالى حابارلاما الا الادى. سول سياقتى تۇركىستان وبلىسىنىڭ بارلىق مەكتەپتەرىنە jumys.sitcen.kz پورتالى ارقىلى قاتارداعى قىزمەتكەرلەر مەن پەداگوگتاردى جۇمىسقا قابىلداۋدىڭ اۆتوماتتاندىرىلعان جۇيەسى ەندى. اتالعان جۇيە جالپى ورتا ءبىلىم بەرۋ ۇيىمدارى پەداگوگتارىن جۇمىسقا قابىلداۋدى جانە مەكتەپ دي⁠رەكتورلارىن كونكۋرستىق تاعايىنداۋ بارىسىن اۆتوماتتاندىرادى. سونداي-اق، ءبىلىم ۇيىمدارىنداعى تەحنيكالىق قىزمەتكەرلەردىڭ بوس ورىندارى جايلى حابارلامالار ورنالاستىرىلعان. ءبىلىم باسقارماسى باسشىسىنىڭ ورىنباسارى ارداق سادىقوۆانىڭ ايتۋىنشا، بۇگىنگى كۇنگە دەيىن اتالعان ەلەكتروندى جۇيەدە 1571 پەداگوگ پەن تەحنيكالىق قىزمەتكەردىڭ بوس جۇمىس ورىندارى تۋرالى حابارلاما جاريالانعان.

«قازىرگى تاڭدا jumys.sitcen.kz پورتالى ارقىلى 837 ادام جۇمىسقا ورنالاسقان. جۇيەگە جالپى جۇمىس ىزدەۋشىلەر تاراپىنان قىزىعۋشىلىق تانىتىپ، بۇگىنگى كۇنى 62 778 قولدانۋشى تىركەلىپ وتىر. سونداي-اق، 4632 جۇمىسقا قابىلداۋ تۋرالى ءوتىنىش كەلىپ تۇسكەن. سونىمەن قاتار، 2019 جىلدان باستاپ دارىندى بالالارعا ارنالعان مامانداندىرىلعان مەكتەپ-ينتەرناتتارىنا قابىلداۋ mektep.sitcen.kz پورتالى ارقىلى جۇزەگە اسىرىلاتىن بولادى. اتالعان جۇيەدە مەكتەپكە قابىلداۋ كونكۋرسىن وتكىزۋ تولىق اۆتوماتتاندىرىلعان»، – دەدى ارداق مادىحانقىزى.

ايتا كەتەرلىگى، اتا-انا ءوزىنىڭ بالاسىن پورتال ارقىلى كەز-كەلگەن دارىندى بالالارعا ارنالعان مەكتەپكە كونكۋرسقا قاتىستىرا الادى جانە پورتالداعى ونلاين تەستىلەۋدەن جوعارى بالل العان بالا مەكتەپكە قابىلدانادى. سونىمەن قاتار، وبلىستاعى مەكتەپتەر «Bilimland» تسيفرلىق ءبىلىم بەرۋ رەسۋرستارىمەن 100 پايىز قامتاماسىز ەتىلگەن. اعىمداعى جىلدان باستاپ، كۇنى بۇگىنگە دەيىن 594 000 ساباق قارالىمى بولدى. وبلىستىق بيۋدجەتتەن تسيفرلىق ءبىلىم بەرۋ رەسۋرستارىمەن قامتاماسىز ەتۋ ماقساتىندا 1500 دانا «Bilim Book» كومپيۋتەر-پلانشەت شالعاي اۋىلداعى 195 مەكتەپكە تاراتىلىپ، تسيفرلىق ءبىلىم بەرۋ رەسۋرستارىنا ينتەرنەتسىز قول جەتكىزۋدە.

تاعى ءبىر ماڭىزدى جايت، الداعى جىلى تۇركىستان وبلىسىنىڭ ءبىلىم سالاسىندا پەداگوگتاردىڭ اتتەستاتسياسىن جانە ولاردىڭ ءبىلىم جەتىلدىرۋ كۋرستارىنان ءوتۋىن اۆتوماتتاندىرۋ، ءبىلىم ۇيىمدارىنداعى كىتاپ قورىن پايدالانۋدى جانە وقۋشىلاردىڭ ىستىق تاماقپەن قامتىلۋىن اۆتوماتتاندىرۋ جۇيەلەرى جۇزەگە اسادى دەپ جوسپارلانۋدا. اتالعان جوبا ءبىلىم سالاسىنداعى سىبايلاستىق زاڭبۇزۋشىلىقتى توقتاتۋعا ۇلكەن سەرپىن بەرەدى.

باتىس قازاقستان وبلىسى

باتىس قازاقستان وبلىسىندا ەلباسى تاپسىرماسىنا سايكەس دەنساۋلىق ساقتاۋ سالاسىن تسيفرلاندىرۋ جۇمىستارى جالعاسۋدا. بۇل تۋرالى «رەسپۋبليكالىق ەلەكتروندىق دەنساۋلىق ساقتاۋ ورتالىعى» رمك بقو فيليالىنىڭ ديرەكتورى ساندۋعاش كەڭەسوۆا ءمالىم ەتتى.

ساندۋعاش جولداسقىزىنىڭ ايتۋىنشا، ەلباسى 5 قازان كۇنگى جولداۋىندا مەديتسينالىق قىزمەت ساپاسىنا ايرىقشا نازار اۋدارعان بولاتىن.

مەملەكەت باسشىسى اتاپ وتكەنىندەي، الداعى جىلدىڭ 1 قاڭتارىنان باستاپ بارلىق ەمحانالار مەن اۋرۋحانالار مەديتسينالىق قۇجاتتاردى قاعازسىز، تسيفرلىق نۇسقادا جۇرگىزۋگە كوشۋى ءتيىس.

وسى ورايدا باتىس قازاقستان وبلىسىندا پيلوتتىق رەجيمدە بيىلعى قاڭتاردان مەديتسينالىق قۇجاتتاردى قاعازسىز جۇرگىزۋ ەنگىزىلە باستادى. جوبا اياسىندا قاعاز تۇرىندەگى نۇسقالار بىرتىندەپ الىنىپ تاستالادى.

ساندۋعاش كەڭەسوۆانىڭ سوزىنە قاراعاندا، وڭىردەگى مەديتسينا ۇيىمدارىندا «Kazmedinform» مەديتسينالىق اقپاراتتىق جۇيەسى، قالانىڭ 6 ەمحاناسىندا ەلەكتروندىق كەزەكتى باسقارۋ جۇيەسى، جەدەل مەديتسينالىق جاردەمدى باسقارۋدىڭ "اديس" اۆتوماتتاندىرىلعان جۇيەسى ەنگىزىلدى.

2017 جىلدىڭ قاراشا ايىنان باستاپ k-vrachu.kz موبيلدىك قوسىمشاسى ەنگىزىلدى، ونى PlayMarket, App Store دۇكەندەرى ارقىلى تەگىن جۇكتەپ الىپ، Android, iOS وپەراتسيالىق جۇيەسىندە جۇمىس ىستەيتىن موبيلدىك قۇرىلعىلار ارقىلى دارىگەردىڭ قابىلداۋىنا جازىلۋعا بولادى. اتالعان موبيلدىك قوسىمشادا تىركەلگەن پايدالانۋشىلاردىڭ سانى 22 548-كە جەتتى.

موبيلدىك قوسىمشانىڭ تيىمدىلىگى مىنادا، سول ارقىلى دارىگەرلەر جۇمىسىنىڭ كەستەسىمەن تانىسۋعا، تۇرعىلىقتى جەرى بويىنشا تىركەلگەن ۋچاسكەنى انىقتاۋعا، دارىگەر كارتوچكاسىن قاراۋعا، وبلىستىڭ مەديتسينالىق ۇيىمدارىن قاراۋعا جانە ولاردى كارتادا تابۋعا، دارىگەردى ۇيگە شاقىرۋعا، دارىگەردىڭ قابىلداۋىنا جازىلۋعا جانە قاجەت بولعان جاعدايدا جازىلۋدى وزگەرتۋگە بولادى، Push حابارلامالار جانە دارىگەرگە بارۋ جونىندە ەسكەرتۋ قىزمەتتەرى بار.

تاعى ءبىر ايتا كەتەتىن جايت، دارىگەردىڭ قابىلداۋىنا جازىلۋعا ارنالعان k-vrachu.kz ۆەب-پورتالى جۇمىس ىستەيدى. ۆەب-پورتال ارقىلى تىركەلگەن ۋچاسكەنى ىزدەۋگە، دارىگەردىڭ (جالپى تاجىريبەلىك دارىگەر) قىزمەت كورسەتەتىن اۋدانىن قاراۋعا، دارىگەردى ۇيگە شاقىرۋعا، دارىگەردىڭ قابىلداۋىنا ونلاين جازىلۋعا، دارىگەردىڭ كەستەسىن، ونىڭ بىلىكتىلىگىن قاراۋعا، دارىگەردى باعالاۋعا بولادى.

مەديتسينالىق-سانيتاريالىق العاشقى كومەك ۇيىمدارىندا كەزەكتىلىكتى ازايتۋ ءۇشىن قالانىڭ بارلىق ەمحانالارىندا «ەلەكتروندى تابلو» ەلەكتروندىق كەزەكتى باسقارۋ باعدارلاماسى ەنگىزىلدى. قالانىڭ التى ەمحاناسىندا جانە «دەركول» دارىگەرلىك امبۋلاتورياسىندا «كازمەدينفورم» مەديتسينالىق اقپاراتتىق جۇيەسىمەن ينتەگراتسيالاندىرىلعان ەلەكتروندىق كەزەكتى باسقارۋ جۇيەسى جۇمىس جاسايدى.

بارلىعى 105 مەكەمە (121-دەن) قاعازسىز تۇرگە كوشىرىلدى. دارىگەردى ەلەكتروندى تسيفرلىق قولتاڭبا ارقىلى اۆتوريزاتسيالاۋ مۇمكىندىگى بار.

سونداي-اق دەنساۋلىق ساقتاۋ جۇيەسىن اقپاراتتاندىرۋ اياسىندا وبلىستىق جەدەل مەديتسينالىق جاردەم قىزمەتىنىڭ ونلاين رەجيمىندە جۇمىس ىستەۋى ءۇشىن سيتۋاتسيالىق ورتالىقتى ورناتۋ ارقىلى جەدەل مەديتسينالىق جاردەمدى باسقارۋدىڭ اۆتوماتتاندىرىلعان جۇيەسى جاڭعىرتىلدى، بۇل ناۋقاسقا جەتۋدىڭ ۋاقىتىن 12 مينۋتتان 9 مينۋتقا دەيىن، 3 مينۋتقا قىسقارتۋعا، سونىمەن بىرگە ديسپەتچەرلىك قىزمەتكە كەلىپ تۇسكەن شاقىرتۋدى وڭدەۋدىڭ ۋاقىتىن 5 مينۋتتان 3-4 مينۋتقا دەيىن قىسقارتۋعا  مۇمكىندىك بەردى، اۋرۋحاناعا دەيىنگى قايتىس بولۋ جاعدايى 0,8 پروميليدەن 0,4 پروميليگە دەيىن تومەندەدى. قالالىق جەدەل جاردەم ستانتسياسى 32 دانا موبيلدىك ارم (پلانشەتتەرمەن) جاراقتالدى، قامتۋ 100 پايىزدى قۇرايدى، وبلىس بويىنشا 138 دانا سانيتارلىق اۆتوكولىك GPS - مونيتورينگكە قوسىلدى (قامتۋ 100 پايىز). 2018 جىلدىڭ 1 قاڭتارىنان باستاپ باعدارلاما بويىنشا 16918 شاقىرتۋعا قىزمەت كورسەتىلدى. اتالعان باعدارلاما وبلىس بويىنشا جەدەل مەديتسينالىق جاردەم بريگادالارىنىڭ گەولوكاتسياسىن كورىپ وتىرۋعا مۇمكىندىك بەرەدى، ديسپەتچەر شاقىرتۋ تۋرالى اقپاراتتى (شاقىرتۋدىڭ سەبەبى، پاتسيەنتتىڭ اتى-ءجونى، مەكەن جايى) بريگادانىڭ پلانشەتىنە جىبەرەدى.

فيليال ديرەكتورىنىڭ مالىمدەۋىنشە، ينفراقۇرىلىمدىق ينديكاتورلار بويىنشا بۇگىنگى تاڭدا مەديتسينالىق ۇيىمدار 4477 كومپيۋتەرمەن جاراقتالدى، 2016 جىلى 1064 دانا (152,3 ملن تەڭگە), 2017 جىلى - 656 دانا كومپيۋتەرلىك تەحنيكا ساتىپ الىندى، ساتىپ الۋ جەرگىلىكتى بيۋدجەت (162,5 ملن تەڭگە) جانە مەديتسينالىق ۇيىمداردىڭ ءوز قاراجاتى ەسەبىنەن جۇرگىزىلدى، وبلىستىڭ مەديتسينالىق ۇيىمدارى كومپيۋتەرلىك تەحنيكامەن 100 پايىزعا قامتاماسىز ەتىلدى. وعان قوسا مەديتسينا ۇيىمدارىن 510 دانا كومپيۋتەرلىك تەحنيكامەن جاڭارتۋ ءۇشىن 242,5 ملن تەڭگە سوماسىنا بيۋدجەتتىك ءوتىنىم بەرىلدى.

«تسيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا دەنساۋلىق ساقتاۋ باسقارماسى «باتىس قازاقستان وبلىسىندا دەنساۋلىق ساقتاۋ باسقارماسىن تسيفرلاندىرۋ جونىندەگى جول كارتاسىن» ازىرلەپ، ول بقو اكىمىنىڭ ورىنباسارىمەن بەكىتىلدى.

«كۇنى بۇگىن 383 مەديتسينالىق مەكەمەنىڭ 263-ءى ينتەرنەت جەلىسىنە قوسىلعان. بۇل رەتتە شالعايداعى شەكارالاس اۋدانداردىڭ مەديتسينالىق پۋنكتتەرى، فەلدشەرلىك-اكۋشەرلىك پۋنكتتەرى (بارلىعى 120 نىسان نەمەسە 30 پايىزى) ينتەرنەتكە قوسىلا قويعان جوق. وسى باعىتتا «قازاقتەلەكوم» اق-مەن مەديتسينا ۇيىمدارىن كەڭ جولاقتى ينتەرنەتكە قوسۋ جۇمىستارى جۇرگىزىلۋدە»، دەدى س.كەڭەسوۆا.

Abai.kz