ەلباسى ن.نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىۋ” اتتى قازاقستان حالقىنا ارناعان جولداۋىنىڭ نەگىزى – حالىقتىڭ الەۋمەتتىك جاعدايىن جاقسارتۋ، تۇرعىنداردى جوعارى جالاقىمەن قامتاماسىز ەتۋ ەكەنى بەلگىلى. وسىعان وراي، تۇركىستان قالاسىنداعى 20-دان اسا كاسىپورىن جۇمىسشىلارىنىڭ ەڭ تومەنگى جالاقىسىن 20 پايىزعا كوتەرەتىن بولدى.

قالالىق اكىمدىكتىڭ كاسىپكەرلىك بولىمىمەن كاسىپورىندار اراسىندا وسىنداي مەموراندۋم بەكىتىلدى. بۇل ءوندىرىس ورىندارىنىڭ اراسىندا ناۋبايحانا، جيھاز جانە قۇرىلىس ماتەريالدارىن وڭدەيتىن تسەح، كوممۋنالدىق سالاعا قاجەتتى قۇبىر ناسوسىن شىعاراتىن كاسىپورىن مەن ماقتانى تەرەڭ وڭدەيتىن زاۋىت بار.

بۇگىنگى كۇنى اتالمىش كاسىپورىنداردا 230-دان اسا جۇمىسشى ەڭ تومەنگى جالاقى 33 مىڭ تەڭگە الادى. ەندى 1 قاڭتاردان باستاپ، ولاردىڭ ايلىعى 42 مىڭ 500 تەڭگەگە كوتەرىلەتىن بولدى. وسى ساناتتاعى جۇمىسشىلاردىڭ دەنى – كۇزەتشى، ەدەن جۋشى جانە تەحنيكالىق قىزمەتكەرلەر. ماسەلەن، ماقتانى تەرەڭ وڭدەيتىن زاۋىت جۇمىسشىلارىنىڭ ەڭ تومەن جالاقىسى بۇعان دەيىن 43 مىڭ تەڭگەنى قۇراسا، ەندى 85 مىڭ تەڭگەگە دەيىن ءوسىرۋ جوسپارلانىپ وتىر.

اتالمىش ماقتا زاۋىتىندا قازاندىق باسشىسى بولىپ جۇمىس ىستەيتىن ءابۋتالىپ مىرزاليەۆ «وسى زاۋىتتا جۇمىس ىستەگەنىمە 13 جىل بولدى. تالاي قيىنشىلىقتاردى جەڭدىك. جۇمىسشىلاردىڭ ءبىر جىلدان بەرى ەڭ تومەنگى جالاقىلارى 43 مىڭ تەڭگە بولدى. جالاقىمىز بۇدان دا كوتەرىلەتىن شىعار دەپ ۇمىتتەنىپ وتىرمىز»،-دەيدى. ال، وسى ماقتا زاۋىتىنىڭ ديرەكتورى ءابدىراسىل قۇرماناليەۆبولسا«ءوزىڭنىڭ قول استىڭدا جۇمىس ىستەيتىن جۇمىسشىلاردىڭ جاعدايى جاقسى بولعانى بۇل ۇجىمعا دا، بارلىعىنا جاقسى جاعىنان اسەر ەتەدى. جۇمىسشىلاردىڭ جاعدايى دۇرىس بولعانى بارلىعىنا پايدالى. وسى كاتەگوريا بويىنشا: « سەمەيدە «مەنىڭ اۋلام» باعدارلاماسىمەن 62 اۋلانى جوندەۋ كوزدەلىپ وتىر بقو-داعى «سىرىم» وتكىزۋ بەكەتى قايتا سالىنباق»،-دەدى.

Abai.kz