ەلباسىنىڭ "قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ" اتتى قازاقستان حالقىنا ارناعان جولداۋىندا وڭىرلەردىڭ ينۆەستيتسيالىق الەۋەتىن كوتەرۋگە باس نازار اۋدارعانى بەلگىلى.

2015-2019 جىلدارعا ارنالعان قازاقستاننىڭ يندۋستريالىق-يننوۆاتسيالىق دامۋىنىڭ مەملەكەتتىك باعدارلاماسى اياسىندا تۇركىستان وبلىسىندا  2018 جىلى 16,8 ميلليارد تەڭگەگە 804 جۇمىس ورنىمەن 9 جوبانىڭ ىسكە اسىرىلۋى جوسپارلانعان، دەپ حابارلايد تۇركىستان وبلىسى اكىمىنىڭ ءباسپاسوز قىزمەتى.

ەسەپتى كەزەڭدە «Green Technology Industries» جاۋاپكەرشىلىگى شەكتەۋلى سەرىكتەستىگىنىڭ قۇنى 1,3 ملرد. تەڭگەنى قۇرايتىن جوباسىنىڭ I كەزەڭى ىسكە قوسىلدى (ورداباسى اۋدانى، كتيا — بادام). سونىمەن قاتار، «پەت قالدىقتارىن وڭدەۋ جانە شتاپەلدى تالشىقتار» (سينتەپون) وندىرىسىن ۇيىمداستىرۋدا 60 جۇمىس ورنى اشىلعانىن ايتا كەتكەن ءجون. جوبالىق قۋاتتىلىعى جىلىنا 15 مىڭ توننا ءونىم شىعارادى. زاۋىت تولىق زاماناۋي تەحنولوگيالارمەن جابدىقتالعان. ياعني، حالىقارالىق تالاپتارعا ساي.

مۇنان وزگە، جالپى قۇنى 7 ميلليارد تەڭگەنى قۇرايتىن «Golden Camal Group LTD» جاۋاپكەرشىلىگى شەكتەۋلى سەرىكتەستىگى ىسكە قوسىلادى دەپ جوسپارلانىپ وتىر. ايتا كەتۋ كەرەەك، بۇل جوبانىڭ قۋاتى   1,5 مىڭ توننا تۇيە جانە بيە ءسۇتىن وڭدەيدى. ەگەر ءوندىرىس ورنى ءوز ءىسىن باستار بولسا، 144 جاڭا جۇمىس ورنى اشىلادى ەكەن. قالعان جوبالار جىل سوڭىنا دەيىن ىسكە اسىرىلاتىن بولادى.

Abai.kz