ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىۋ” اتتى قازاقستان حالقىنا ارناعان جولداۋىندا ونىمدەرىمىزدى شەت ەلدەرگە ەكسپورتتاۋ ەكونوميكامىز ءۇشىن اسا ءتيىمدى ەكەندىگىن ايتقان بولاتىن. وسىعان سايكەس، بيىل وڭىرلەردەگى ەكسپورت كولەمى ارتقان.

ماسەلەن، بيىل تۇركىستان وبلىسى 4600 توننا ەت ءوندىرىپ، ونى كورشى وزبەكستان مەن يرانعا جانە بىرىككەن اراب امىرلىكتەرىنە جونەلتكەن. بۇل - رەسپۋبليكا بويىنشا ەكسپورتتالعان ەت ونىمدەرىنىڭ 55 پايىزىن قۇرايدى. اتالعان مالىمەتتەردى وبلىستىق اۋىل شارۋاشىلىعى باسقارما باسشىسىنىڭ مىندەتىن اتقارۋشى نۇربەك بادىراقوۆ جۋرناليستەرگە ارنالعان ءباسپاسوز ءماسليحاتىندا ايتتى.

سالا باسشىسىنىڭ سوزىنە سۇيەنسەك، تۇركىستان وبلىسى وزىق تەحنولوگيالاردى قولدانۋ بويىنشا دا كوش باستاپ تۇر. ماسەلەن، رەسپۋبليكاداعى جىلىجايلاردىڭ 77 تامشىلاتىپ سۋعارۋ ءادىسىنىڭ 73 پايىزى تۇركىستان وبلىسىنا تيەسىلى. بيىل تاعى دا 126 گەكتار جەرگە قوسىمشا جىلىجاي سالىنىپ، جالپى كولەمى 1 مىڭ 285 گەكتاردان استى. سونداي-اق تامشىلاتىپ سۋعارۋ ءادىسى دە 6 مىڭ 400 گەكتارعا ۇلعايدى. وتكەن 9 ايدىڭ قورىتىندىسى بويىنشا وبلىستاعى اۋىل شارۋاشىلىعى سالاسىنا تارتىلعان ينۆەستيتسيا كولەمى 10 ملرد تەڭگەدەن اسىپ وتىر.

نۇربەك بادىراقوۆ، وبلىستىق اۋىل شارۋاشىلىعى باسقارما باسشىسىنىڭ مىندەتىن ورىنداۋشى: «وبلىستاعى اتقارىلعان جۇمىستاردىڭ ناتيجەسىندە 9 ايدىڭ قورىتىندىسىمەن اۋىل شارۋاشىلىق سالاسىندا جالپى كولەمى 273 ملرد تەڭگەنىڭ ءونىمى ءوندىرىلدى. ناقتى كولەم يندەكسى 103,8 پايىز قۇراپ، رەسپۋبليكا بويىنشا 3-ورىندى يەلەندىك. جىل سوڭىنا دەيىن جوسپار بويىنشا 570 ملرد تەڭگەنىڭ ءونىمىن ءوندىرۋ جانە 1 جۇمىسشىعا شاققاندا 2,1 ملن تەڭگەنى قۇرايتىن بولادى. وسى كاتەگوريا بويىنشا: «قاراعاندىدا بالالار ءۇيىنىڭ تۇلەكتەرىن قولداۋ ورتالىعى اشىلدى».

Abai.kz