ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا سپورت سالاسىنا دا باسا نازار اۋدارعانى بەلگىلى. جانە،  ار اۋلادا  سپورت الاڭدارى بولۋى قاجەتتىگىن دە اتاپ وتكەن بولاتىن. 

وسىنى نەگىزگە العان تۇركىستان وبلىسىنىڭ اكىمى جانسەيىت تۇيمەباەۆ بوكستان قر ۇلتتىق قۇراما كومانداسىنىڭ باس جاتتىقتىرۋشىسى مىرزاعالي ايتجانوۆتى قابىلداعان ەدى.

ەكەۋارا اڭگىمەدە مىرزاعالي قۇلانۇلى ءوڭىر باسشىسىنا ەل قۇراماسىنىڭ قازىرگى ۋاقىتتا اتقارىپ وتىرعان جۇمىسى مەن تۇركىستان وبلىسىندا بوكس سپورت ءتۇرىنىڭ دامۋى تۋرالى باياندادى. سونىمەن بىرگە، ول ءوزىنىڭ اتقارىپ وتىرعان جۇمىسىن الداعى ۋاقىتتا تۇركىستان وبلىسىمەن بايلانىستىرىپ، ارى قاراي جالعاستىراتىنىن، سونداي-اق تۇركىستان وبلىسىندا بوكس سپورتىنىڭ جان-جاقتى دامۋىنا قولداۋ بىلدىرەتىنىن مالىمدەدى.

«مەن بۇرىنعى وڭتۇستىك قازاقستان، قازىرگى تۇركىستان وبلىسى سايرام اۋدانىنىڭ تۋماسىمىن. ياعني، وسى وبلىستىڭ تۋماسى رەتىندە ايانباي ەڭبەك ەتۋىم كەرەك. وسى ۋاقىتقا دەيىن جيناعان بار مۇمكىندىگىمدى، تاجىربيەمدى وبلىستاعى بوكس سپورتىنا دەن قويعان جاستار مەن جاسوسپىرىمدەرگە باعىتتاپ، پەرزەنتتىك پارىزىمدى ورىنداعىم كەلەدى»،- دەدى م.ايتجانوۆ.

سۇقبات بارىسىندا وبلىس باسشىسى ەلىمىزدىڭ باس جاتتىقتىرۋشىسىنا ازاماتتىق جاساعانى ءۇشىن شىنايى العىسىن ايتىپ، الداعى ۋاقىتتاعى جوسپارلارىنا جان-جاقتى قولداۋ بىلدىرەتىنىن، سونداي-اق وبلىستاعى دەنە شىنىقتىرۋ جانە سپورت سالاسىن كۇندەلىكتى باقىلاۋدا ۇستايتىنىن جەتكىزدى.

كەزدەسۋ سوڭىندا، ءوڭىر باسشىسى كەزدەسۋگە قاتىسقان وبلىستىق دەنە شىنىقتىرۋ جانە سپورت باسقارماسى باسشىنىڭ مىندەتىن اتقارۋشى ا.بەرداشەۆقا ەلباسىنىڭ جولداۋىندا كورسەتىلگەن دەنە شىنىقتىرۋ جانە سپورت سالاسىنا قاتىستى باعىتتار بويىنشا بىرقاتار ناقتى تاپسىرمالار بەردى.

Abai.kz