بيىلعى جىلدىڭ قازان ايىندا مەملەكەت باسشىسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا قازاقستان حالقىنىڭ ءال-اۋقاتىن بارىنشا كوتەرۋ جايى دا ايتىلعان ەدى. جولداۋعا ساي تۇركىستان وبلىسىندا اۋىلشارۋاشىلىعى سالاسىنا ۇلكەن قولداۋ كورسەتىلۋدە.

مولشىلىق مەرەكەسى قارساڭىندا جەتىساي اۋدانىنا تابان تىرەگەن ءوڭىر باسشىسى جانسەيىتتۇيمەباەۆ ءبىلىم بەسىكتەرىنىڭ دە بەل ورتاسىنان تابىلدى. بۇعان دەيىن ءۇش اۋىسىمدا ءبىلىم بەرىپ كەلگەن جاڭااۋىل اۋىلدىق وكرۋگىندەگى ىنتىماق اۋىلىندا ورنالاسقانتۇرار رىسقۇلوۆ اتىنداعى جالپى ورتا مەكتەبىنە ات باسىن بۇردى.

بيىلعى وقۋ جىلىندا پايدالانۋعا بەرىلگەن 600 ورىندىق جاڭا مەكتەپ سىڭعىرلاپ تۇر. زاماناۋي تالاپقا ساي جابدىقتالعان جاڭا مەكتەپتە بىلىمگەرلەردىڭ ساپالى ءبىلىم، سانالى تاربيە الۋىنا بارلىق جاعداي جاسالعان. كومپيۋتەر سىنىپتارى، زەرتتەۋ جۇرگىزۋگە تولىق مۇمكىندىك بەرەتىن بارلىق قۇرال جابدىقپەن جابدىقتالعان حيميا، بيولوگيا كابينەتتەرى بار.

ءوڭىر باسشىسى وبلىستىڭ شالعاي شەتىندە ورنالاسقان اۋداندا اشىلعان مەكتەپتىڭ قالا مەكتەپتەرىنەن ەش كەم ەمەستىگىنە كوز جەتكىزدى. زاماناۋي تالاپقا ساي سالىنعان، ساۋلەتتى سىنىپتارداردى ارالاپ كوردى. شاكىرتتەرمەن تىلدەسىپ، ولاردىڭ ساباقتارىن ۇزدىك وقىپ، ەلىمىزدىڭ كەمەل كەلەشەگى ءۇشىن ايانبايتىن ۇلگىلى ازاماتتارى بولۋعا شاقىردى. ەلىمىزدىڭ ەرتەڭى سانالار جاس وسكىندەردىڭ قانداي ماماندىق يەسى بولعىلارى كەلەتىندىكتەرىن دە سۇراۋدى ەستەن شىعارمادى.

جانسەيىتتۇيمەباەۆ، وبلىس اكىمى: «ءار سىنىپتا 5-6 توپتان بار ەكەن. بۇل دەموگرافيالىق جاعدايدىڭ جاقسى ەكەندىگىنىڭ كورسەتكىشى. اۋدان ماقتا شارۋاشىلىعىنا بەيىمدەلگەندىكتەن الداعى ۋاقىتتا ورتا ارناۋلى وقۋ ورىندارىندا اتالمىش شارۋاشىلىققا قاجەتتى مامان دايارلايتىن بولىمدەر اشۋ قاجەت. بۇل ءوز كەزەگىندە مامان تاپشىلىعىن جويادى».

ا.بەيىمبەت

Abai.kz